Medische en technische Middelnederlandse recepten

598. Om gesteent weeck thoe maken dat men snyt als kaese ende oeck druct yn wat uoerme⁽¹⁸⁹⁾ dat men wyl, ende oeck weder hart mact als men wyll.

Soe nemt ynder yrsten gansen bloet ende boucs bloet ende droghet tgader tot dathet hart wort, ende dat machmen houden alsoe lang alsmen behouft. Nu alsmen cristal of gestent weeck wyl maken, soe nemt dat gedroegde gansen bloet of boeck bloet, elx euen veell geweghen, ende stoet dat tpuluer ende ghiet op dy puluer sterke loeghe van weet asche, ende laet onder een yn en ouen vallen ende menghet

(189) uoerme: boven het woord staat in een andere hand forme.

[p. 193]

dar onder eyn scuttel voel edixs dy sterck ys, ende legget dat yn eyn ouen myt den gesteente datstu weeck wylste maken ende myt yrste materij vanden bloden, ende laet eyn wenich besuken, ende formert dan dy steen in wat forme ghij wylt. Alsoe lange machmen hem in formen snyden tot datmen worpt in calck water, soe wort hy hart. Ende als hy hart ys, (fol. 40^v) soe mactmen hem glans myt antimoni.