Medische en technische Middelnederlandse recepten

571. Van swarten haer.

Haer dat ghy zwart wilt hebben dat dwaet yrst mytter vorscreuen water ende daer nae dwaet myt logen van assen van coel stoecken of van wyngaerde ranken. Daer nae nemt scellen van yseren of van ocker noten de gescort syn, agrimonie wortel, alun, sidet al yn reyn water ende daer nae sighet doer eyn cleet ende daer nae rost galle dat sy wel

[p. 187]

nae werbernt schynen, dan puluerse ende setse mytten sope ende vriuet daer mede het haer, het sal zwart werden.