Medische en technische Middelnederlandse recepten

565. Om side te reineghen.

So neemt tot elke pont side en half pont sepe, dan neemt heet water ende doet die sepe dair in mitter hant roerende totter tijt dat die sepe ghesmolten is, dan doet dair in die side ende laethet sieden en half vre lanc. Ende als dat ghesoden heeft als voirseid is, so doet van den (fol. 34^v) vier, so neemt een ander half pont ende latent sieden in werm water een half vre, ende doetse vanden viere ende wasset si al wit in werm water.