Medische en technische Middelnederlandse recepten

[p. 184]

563. Om bolkeraen te verwen.

So neemt .iii. ℔. floers tot .ij. ℔. lakens of gaerns, die floers salmen legghen in versch water .xij. of .xiij. vren lanc te weken. Dan salmense vten water wringhen of te persen ende doense dan in een sack ende binden die vast toe. Ende tredense so lanc int water als dair gheel water wt gaet. Dan salmense weder droghe⁽¹⁶⁷⁾ vringhen of persen, ende legse op een tafel ende pluckense so mense cleinste mach. Dan salmense legghen op die tafel ende maken een dunne beddekijn ende suften dair pot assche op. Ende maken dan een ander bed dair bouen op also langhe als die floers duiert. Item tot .iij. pont floers .viii. ponts assche. Dan salmense mitten hande vriuen so langhe alsmen roet dair in siet. Dan salmen nemen een rein vat of een tobbekijn dat onder een gat heeft, dair salmen een⁽¹⁶⁸⁾ tap in steken. Ende op dat gat salmen stolpen een houten scuttel die al om ghekerst is. Dair op een dunnen douck gheleit. Dan salmen die floers dair bouen op legghen al dat vat omme ende midden al ghelijc ouer. Dan salmen dair op ghieten schoen water dat die floers bedo[l]uen is ende decken bouen toe met een douc ende latent staen een vre of⁽¹⁶⁹⁾ wat meer. Dan salmen den tap wt trecken ende laten die verwe wt lopen in een schoen vat. Dan salmen dair ander water op ghieten ende latent oec staen een vre lanc ende tappen dat oec of in een ander vat. Ende ghieten dair noch ander water weder op ende latent oeck een vre staen ende tappen oec in een ander vat. Dan salmen inden lesten verwe doen dat derdendeel van een quarte wijn edic. Ende men sal die wijn edick (fol. 34^r) verlanse in ghieten, ende die wile datmen die wijn edic ghiet, so salmen die verwe roren mitter hant. Ende doen dan dat ghern dair in of dat laken ende handelt wel metten handen. Ende die middelste verwe dair naest. Ende dan⁽¹⁷⁰⁾ die eerst ende altoes metten edick, tot .iiij. ℔. verwe een querte goede⁽¹⁷¹⁾ edickx, dan salment wt wringhen ende latent droghen vten winde ende vter sonne. Item my seide die hune verwerster datmen nemen soude tot elke pont verwe .ij.⁽¹⁷²⁾ loet assche ende .iiij. loet edicx ende doen so veel dair in dat die verwe dair na ruke sonder maten.

¶ Item alsmen verwen wil so moetmen wachten datmen gheen onreine handen dair in en steke. Ende men moetse wachten voir stanck

(167) droghe: het Hs. heeft droghen met doorstreepte n.

(168) Na een staat ghie g doorstreept.

(169) Na of staat een letter doorstreept (onleesbaar).

(170) dan: n verbeterd uit ir.

(171) Na goede staat verwe doorstreept.

(172) Na .ij. staat pont doorstreept.

[p. 185]

ende vijsten⁽¹⁷³⁾ ende vulen roeck ende voir verkens stanck ende des ghelikes ende roeck van pisse ende loeck.

(173) Na vijsten staat de letter b (?) doorstreept.