550. Om te verwen roet leer, calfs vellen of scapen.
So neemt een vel die wt die runne comt, so neemt .ij. menghelen waters bier maet. Dan neemt .ij. loet aluuns ende doet dat in dat water ende settet op dat vier ende maectet bloet laeu ende dan salment dair in legghen een vel een nacht lanck ende latent wijn[t] droge worden. Ende dan naeit dat vel toe. Ende neemt een pinte oude pisse ende sietse op die helft, dan prueftse op dijn naghel of dat ghenouch is. Ist sake dat vanden naghel sluupt of loept, so en ist niet ghenouch. Ende wilt ghi dat het wel ruket so neemt een loet anijs ende een loet witte wieroec ende puluerzeert dat ende siftet doer een seef. Ende doet dan dair in een vierendel van een vlesken peter olie ende dan siet op met een in die verwe.
Auteursrechtelijk beschermd