Medische en technische Middelnederlandse recepten

545. Om roet loes te verwen.

So neemt tot .v. vellen een pont aluijns, een half pont souts, dit smelt te samen in water ende legt dan jou vellen dair in. Alst een wijl dair in gheleghen heeft, so neemtet wt ende laettet wijn[t] droghe worden. Dan neem[t] dat vel ende naijet toe ende laet een gat an die .ij. afterste benen dair ghi in blasen moget, dan neemt ouden wijn ende sietse ende schuumtse⁽¹³⁵⁾ wel claer ende doet dair in een luttel aluyns ende .ij. loet lacta, die coept in die apteke, ende stoet die al clein met een loet brisilien hout ende dat suldi te gader sieden dat het sijn natuer neemt ende cleinsent dan doer een schonen douck. Ende dan neemt dan wat gumme of een doder van een eye, ende ghietet te

(135) Na schuumtse staat wel claer doorstreept.

[p. 177]

gader in dat vel, maer dat vel most eerst op gheblasen sijn ende men moet wachten dat die substanci niet te heet en sy op dat dat vel niet en verberne. Ende spoelt dat vel wel dair mede ende doet dan wt ende laet also legghen een nacht dan ouerstrijct met wermen water ende laet dan droghen.