531. Roet hasen leder thoe weruen of ander leder.
Erst bereet dat leder ende maket schoen ende towet wel, dan nemt .x. of .xij. wellen. Daer toe nemt .v. of .vj. quarten vaters, put water, dit doet opt fuer hent begint thoe siden. Soe salmen (fol. 27r) daer yn doen .4. pont bresilien holt cleyne gemalen, ende latent siden op dat derdendeel, dan salmen dy werue wt ghieten yn eyn eerden teyl ende latense coud werden ende doen daer thoe olde vrine, vel modicum de calce, ende menghet wel cout. Dan soe suldi nemen eyn peels lappe ende doet aen eyn stock ende steket inder weruen, ende legghet dy wellen op eyn taffel ende weruetse aen beiden syden .iij. of .iiij. mael, also langhe dat si haer werue wel hebben. Ende hangetse my elke werue op ende laetse droghen. Ende dan weder weruen als voerscreuen is. Ende wildi datse sanguyn roet werden, soe doet daer een luttel steen calc yn, so ys dat so woel tho meer.
Auteursrechtelijk beschermd