Medische en technische Middelnederlandse recepten

514. Aliud.

Nemt .iij. of .iiij. eyeren doderen of soe woel als ghy wylt. Ende doet yn eyn (fol. 25^v) glas ende stoppet dichte thoe, dat daer ghen locht aen eyn komme of wt en gaet. Ende hange in dy zonne also lange dat dy daderen maeijckens worden. Dan nemt suker ende doet ouer lang ynt glas. Ende druppet dar ouer lancs wat honichs yn. Ende latet

[p. 170]

.xl. daghen lanck inder sonnen hangen. Ende woer dy suker mochdi weel weten meel nemen dat moechdi doen tenden de .xl. daghe Ende dan en geuet dese maden nyt mer thoe eten. Dan soe wertert dy een made den anderen alsoe lanc dat er nyt dan eyn en bliuet. Dan nemt dy eyn made ende doersteckse, ende dat dar wt lopt dat tempert myt gumme ende vriuet dat op .j. steen ende latet drogen yn dy sonne. Ende vanner ghy scriuen wylt, soe temperirt dat myt wyt vanden eye. Ende vanner dat scryft droghe ys so licket myt enen tande, soe scint dat⁽¹²²⁾ scrift of claer goud is.

(122) Na dat staat golt (verbeterd uit holt) doorstreept.