Medische en technische Middelnederlandse recepten

393.

¶ Men sel nemen oly die van rosen is ghemaect ende saluen dat hoeft daer mede, men sal hem bloet laten an die ader die leghet midden an⁽⁹⁰⁾ tfoerhoeft of ant scarp van der nose. Men sal nemen een veder ende nettense in water dat van rosen is ghemaect ende stekense in die puluer die ghemaect is van camphore ende stekense dan in sine nose, dat doet hem sniesen ende suuert hem die hersen.

(90) Het Hs. heeft dittografie van an.