Medische en technische Middelnederlandse recepten

207. Sere oghen.

¶ Salue tieghen sere oghen breect wel clien⁽⁴⁵⁾ in een mortier calemiin alst ghestoten is ende bultet doer enen clenen doec ende daer na siedet een luttel ende alst ene corte wile ghesoden is, so doeter in barghen smeer een luttel, daer na siedet dattet dicke si, dan doet of ende laet coelen, dan menghet daer in puluer van draken bloet ende ist te hart so morwet met wiin een luttel.

(45) Na clien staat in het Hs. s doorstreept.