Lundse liederen A

(1928)–Anoniem Lundse Liederen– rechtenstatus


[Lundse liederen A]
[Folio 1ra]

1. [........] So schiir si toent haer doeght [ende loent] Hen dise ghewinnen 5[regelnummer] NOch hopic al si haer bedinct Si sal mijn noet bedinken Die dat leuen mijn dus crinct Daer siel ende lijf af crinken Haer bluyende gluyende oghen vlinken 10[regelnummer] Dat soe wonnenclike winct Ende wille mi tot haer winken Die mi soe diep ter herten sinct Sien mach niet vorwert sinken Ic muet int suer verdrinken 15[regelnummer] Sijn doet siin leuen / es die hem gheuen Al muet sier vrouwen Tweer oghen winken / die wemuet(?) scinken Sonder verdouwen.
2. EN mochte ghelouen wie sere te clouen Es sminners herte Ghene creature / dien nie waert sure Der minnen smertte 5[regelnummer] Die gront ruringhe dede te gronde Ende te recht mocht gronden Ende mijn hert ontlode hi vonde Dat nie in hert waert vonden Hi vonder in onghebonden 10[regelnummer] Meneghe versche blodende wonde Ende vast ghedruct in elc dier wonde(!) Haer sute aensicht dat claerste orconde Diir minnen dat ye minne orconde(!) Mocht. lief ende lief begonden 15[regelnummer] Gront diep gheprint int thert dat mint Staet tsien sier vrouwen Als troet in blude / als doeght in ghude Ende liefde in trouwen.

[Folio 1rb]
3. [........] [.....] minners cla [..] Een met bedruuen. 5[regelnummer] [.]isten allen vrouwen ghuet Wat ic dor die ghuede Leden hebbe / ende liden muet Ende mi es te mude Si hilden drin die vrude 10[regelnummer] Die mi eerst al liefs ontluet Dat si sleets ontluede mj Dat gaen dor goefs he[.]ten bluet Dats in mijns herten bluede Ye quam want ic vervuede 15[regelnummer] Wat helpt veel roets / ter herten ghoets Muet goen ommer Dat reyn hert mint / dar nien in kint Niet sinen commer.
4. Sijns selfs verghit / ende al dat sit Bineden got Een hert veruleten / [en] kan vergheten Doch liefs ghebot 5[regelnummer] Bouen der naturen pat Ende der scri[f]turen pade Bliif ic dor haer int ghewat Dier minnen ghewade Want ic haer l[ie]f eer dade 10[regelnummer] Dan mi seluer dies en blat Niet en acht dats wel en blade Dat heet mijn dicke oghen ghenat Sien heues gheen ghenade Wat ic haer minne lade 15[regelnummer] [.]an elcs ghevughe / waert dat hi drughe So minnen konde Dat hijs hadde vrede / als darbede Verloren vonde.

[Folio 1va]
5. [........] [.....]rs iet / troests duet verdriet [...] minners leuen. 5[regelnummer] [.]at mi iman mach saghen Van vriende oft van maghen Dan dliefte dat ic ie ghesach Dan siin al mar saghen Sies mijn vlien mijn iaghen 10[regelnummer] En weet want mi compt dferdrach Dat ic mach verdraghen Om haer soe menghen swaren dach Dat meerret van daghe te daghen Dies ie mijn sinne ontsaghen 15[regelnummer] [V]erliden mochte / der minen vrochte Gheen minsche die leeft En da[e]t(?) der wens / ende dsuete ghepens Dat minne gheeft.
6. In den beghinne / es vrouwen minne Tsuetste dat men vint Ende bute van rouwe / eere haer entrouwe Yet onderwint 5[regelnummer] DOe ic ierst int he[r]te nam H[a]ren sueten name Docht [mi] dat l[...]m bequam Bouen alle beq[.]ame W[..]t hi es sonder blame 10[regelnummer] Hier af mi haer minne in qua[m] Diet riet dat ic quame Tharen dinste dat mi mesquam in vrochtlike mesquame Mits der minnen prame 15[regelnummer] Hien darf betien / gheer jalasien Noch quaets gherede Der minnen twint / die sotlic mint Op onnot stede.

[Folio 1vb]
7. [........] Oghe dor oghe / met snellen vloghe Ter herten brict. 5[regelnummer] MOchtic drucken sonder wanc Wanghen doch aen wanghen Oghe vyt oghe uerdreue tverlanc Dat mi duet verlanghen Mont in mont sprac woude ontspanghen 10[regelnummer] Lijf mijn herte een onbeuanc Vr vrintlic ombeuanghen So mochtic blidelic maken sanc En gruettense met sanghen Die ic en kan erlanghen. 15[regelnummer] Die dor melden / spreken selden / Mach oft schouwen Sijns herten druit / thert sent saluet Haer doch met trouwen.
8. Al vruedden vyt / es ende vertuyt Daer ebbende wort Die vreeslec vloet der minnen woet Die vaste vluyt vort 5[regelnummer] S[e] diep hebbic int thert ghevaet En kaens meer gheuaten Haer mont haer suet ghelaet En weet wie ghelaten Soude si mi dan haten 10[regelnummer] Dat waer mi een ouel baet Druecht ter sulker baten Want si es mijn toe verlaet Daer ic mi toe verlaten Hebbe seer vtermaten 15[regelnummer] Die daer minde / daer men scinde Ende liet int claghen Veel beter steruen waert dusent weruen Dan dat te draghen.

[Folio 2ra]
9. [........] Wat dra[f(?)] mach comen. 5[regelnummer] Van dies dat si was een kint Ende ics ierst kinde Hebbic mijn herten vrouwe ghemint Dat nie soe seer gheminde En quam aen ghenen inde 10[regelnummer] Hidse ye gheweest mijn vrint Si dede gheliic wan vrinde Si had mijn ye versint Dat si nie en versinde In dit swaer ellinde 15[regelnummer] Vrint die vrints vrint / ont dleuen int Es / toent vrints teken Die hem en can / verberghen dan Hien muet vyt breken.
10. Die int mesquame / es / gherne vername Hi dliefste haers herten Van haers selfs sprake / die claer die sake Al weet siir smertten 5[regelnummer] Mocht ic leuen noch die stont Dat waer een salich stonde Dat ic vrecgh haers herten gront Die liefste van haren monde(!) Van haers selfs monde 10[regelnummer] [.....]uic oft worde ghesont In [t]r[o]est(?) van ghesonde Na dien dat i[c] vonde d[en] vont Waer bi dat i[c] vonde Oft si mi leu[..] [..]de 15[regelnummer] Hi gnase oft storue / die doch erworue Den gront te weten Haers vroulics muets / oft hen onde guets Oft hadde vergheten.

[Folio 2rb]
11. [........] Metten verdriete. 5[regelnummer] [.]Aer dat mi die lieue ontsede Ende m haer doeghden ontseden So storue ic van lede te lede So waer die pine doch leden Mijr swaerre ellendicheden 10[regelnummer] Mar quaemt so dat si mi sede In vrouweliken seden Dine mi voert dus dats mijn vrede So waric te vreden Van mengher sericheden 15[regelnummer] [.]ie mjnt horde hi / dat hem sede si / Dien mijr ghenaden / Hi waer te rasten / van suaren ghasten Dine seer verladen.
12. [.]Ie te sere vergaet aen ere Dor minne eens wijfs Ende nien erstirft drin hi erwirft Onw[is.] s[..ns] liifs 5[regelnummer] [.]ch en [.. ?] ersteruen niet Ende ic gae te niete Om die scone d[..] mi vliet Ende laet in d[..] [.]liete Van mengher [...]de mesniete 10[regelnummer] [..]s tijt sint ha[..] mijns verdriet Dat mi mijns verdriete Daer ic te seer mi op verli[e.] Van her[te]n ic verliete Dies ic clein[e] gheniete 15[regelnummer] [.]Em lost siins niet al sijns verdriet Sier lieuer vrouwen Die in siin werre [...]rout te verre Wijfliker trouwen.

[Folio 2va]
13. [........] [.....] [.]er[..]el[en] 5[regelnummer] [.....]c bouen al dat leeft [....]ic dus mijn leuen [.]ant mijn hert in sorghen sweeft Ende moet in doghen sweuen Ont mi god wilt gheuen 10[regelnummer] Die doet daer elc minsche bi sneeft Ach mochtic schiir dan sneuen Wat salic alsi mi begheeft Mi dede al vroude begheuen Suaer suchten ende beuen 15[regelnummer] [.]i gheert der doet / dien lief es noet Ende draf moet bliuen Wat sal hen dleuen als sin wirpt neuen Liefs alre wiuen.
14. [.]Lijf hem en doech / noch dleuen oegh Wiem lief versmaet Wat es hem notte dliif dat te spotte Der schoenre staet 5[regelnummer] [.]Leuen dat waer mijn verderf Ic muester in verderuen Salich waer dan dsuet [.]rwer[f] Mochtic dan erweruen Dat ic iet schijr mocht s[....]en 10[regelnummer] Om haer die mi gheen en erf Doghen dat mi aen moet eruen [........] Snic(?) daeghe [l]aet(?) dusent weruen Haer minne herte te keruen 15[regelnummer] [.]ie thert daer wrueghde dar men hem ghnueghde Hadde leet te doene Ende liefde toende dar men mit hoende Had cranken loene.

[Folio 2vb]
15. [........] 5[regelnummer] Daern es gheen wederkeren aen Noch gheen erkuueren aene Ic moet steruen sonder waen Dat leeght in minen waene Om die wel ghedaene 10[regelnummer] Die mijns niet en acht een spaen Noch cleynste van dien spaene Daer om latic menghen traen Si spot mier bitter traene Die haer mi pijnt te verslaene 15[regelnummer] Die vor siin oghen / claer siet dat doghen Sier better trene Die lieue bescheert / es hijs besueert Dats wonder clene.
16. Tue wijfliic oghen / wel heten moghen Een grondeloes meer Dar menich inne / slijfs dor die minne Mist sonder weer 5[regelnummer] Verdoelt verseylt benic te verre In haer oghen die hen verren Van mi daer ic af ver erre Int diep grondeloes vueden er[r]en Moet ic iet langher merren 10[regelnummer] Waer mier als veel als menich sterre Staet int tfirmament dier sterr[en] Ic verdorue s[.]e[n] seegt mijn werre Op hope clagic haer dan mijn werren Dat ic dlijf moghe [o]ntscherren 15[regelnummer] DIe mint waer sijns als v[...] [...] rijns Stroem heeft droppe Hi muest verquelen wil[.] haer helen Sijns herten hope.

Lundse liederen A

[Lundse liederen A]

1.

2.

3.

4.

5.

6.

7.

8.

9.

10.

11.

12.

13.

14.

15.

16.

Over dit hoofdstuk/artikel

titels