Het liedboek van Liisbet Ghoeyuaers

[p. 148]

tekstkritische noten

5,1 dit gesticht: deze wereld, het aardse. Cf. Mnl. Wb. II, 1710 sub 1.
8,3 weeldege: heerlijke.
9,1 verziele in het hs. aaneengeschreven, bevat de aanspraak ver = vrouwe.
9,3 sonder genoot: zonder weerga.
10,1 steet na v: streeft naar u, verlangt naar u.
10,2 daer men meyt: waar men het meifeest viert, waar men geniet.

XX

⁺ Loeft alle die hier bi my sijn
Een ioncfrouwe edel ende fijn
Die scoenste vanden troene.

Wi en vinden niet in al die scrift.
Dat eenich ioffrou soe was begift
Met duechden alsoe scone.

Als ons lief moeder sinte claer
Wert geboren dats openbaer.
Es haer haer naem gegeuen.

Want christus sprac met woerden soet.
Al aen dat cruce daer hi stoet.
Dat clara haer naem soude wesen.

Claer was si in dit gesticht.
Veel claerder es si int eewich licht
⁺ Vor alle santinnen verheuen.

Dat bewijsde haer in dit leuen
Die heere daer hemel ende eerde vor beuen
Doen si lach in haer crancheit groot

Daer si begeerde met herten zeere.
Aen te siene die crebbe ons heren
Dat haer gesciede claer ende bloet.

Die coninginne vanden trone.
Bracht haer een vergulden crone
Daer si lach in haer weeldege doot

Si sprac verziele nv vaert gereet
Ghi en dorft ontsien rouwe no leet.
Ontfaet den loen sonder genoot

+ 38ro

+ 38vo

[p. 149]

10

⁺ Want christus steet na v en beyt.

 

Hi wilt v leiden daer men meyt.

 

Al in sijn eewich rike.

 

 

11

Daer ghi nv sit ter rechter hant.

 

Hulpt ons moeder vut sviants bant

 

In vrouden sonder gelike.

 

 

12

Gruet ons franciscus onsen vader.

 

Ons patroens sidi bey gader.

 

Beuolen bliue v al ons couent.

 

 

 

Amen.

+ 39ro