Den Bybel met groter neersticheyt ghecorrigeert (Liesveltbijbel 1542)

¶ Die Apostel stelt die misterie vanden ouden Testamente, waer wt hi Cristus weerdicheyt profiteert, ende vander nieuwer wet

Dat .ix. Capittel

1

TIs waer, dat eerste hadde ooc sijn rechtueerdige dingen des Godliken diensts, ende der wtwendiger heilicheit.

2

† Want daer was een tabernakel bereyt, ende die eerste was daer die candelaer inne was, ende die tafel, ende dat scoubroot, ⁺ ende dese heetet die Heylighe,

+ A vers 2

3

Mer achter den anderen voorhangsel was die Taberkele, die daer hiet die alderheylichste,

4

die hadde dat gulden wieroocx vat, ende die arcke des testaments, oueral met goude ouerdeckt. In welcke die gulden cruyc was, die dat hemels broot hadde, ende die roede Aarons die gebloesemt hadde, ende die tafelen des testaments,

5

Mer bouen daer ouer waren die Cherubinnen der heerlicheit, die omscenen den stoel der genaden, van welcken nv nyet te seggen en is na malcanderen.

6

⁺Als dit nv aldus bereit was, so gingen die priesters altijt inden eersten Tabernacule, ende voleynden den dienst Gods,

+ B vers 6

7

In die ander en ginc niet meer, dan die hooge priester alleen eens des iaers, niet sonder bloet, welc hi voor sijn selfs, ende des volcx onwetentheit soude offeren,

8

Waer mede die heylige geest beteekent, dat den wech der heylicheyt noch niet openbaer en ware, als noch die eerste hutte oft tabernakel, haren eersten stant hadde, of staende bleef,

9

⁺Welc die gelikenisse des tegenwoordigen tijts is, na welcken gauen ende offerhanden gheoffert werden, ende en mochten den genen niet volcomen maken nader consciencien die den dienst Gods doet,

+ C vers 9

10

alleen met spijse ende dranc, ende menigerley doopinghen ende vleesceliken rechtueerdichmakingen, die tot op die tijt der beteringen sijn opgeleyt oft ingeset

11

⁺† Mer Cristus is daer gecomen, een hooge of ouerste priester der toecomender goeden, door een groter ende volcomender hutten oft Tabernacule, die niet metter hant gemaect en is, dat is, die niet van deser creatueren en is,

+ D vers 11

12

noch ooc niet door der bocken oft calueren bloet, mer hi is eens door sijn eygen bloet ingeghaen in dat heylige, ende heeft een eewige verlossinge gheuonden. *

13

Want ist dattet bloet der ossen, ende der bocken,

[p. *]

ende die asscen vander koe besprenget, heyliget die onreynigen tot der lichameliker reynicheyt,

14

hoe vele meer dat bloet Cristi, dyen hem seluen sonder smette door den heiligen geest geoffert heeft, sal onse conscientien reynigen vanden dooden wercken, om den leuendighen God te dienen?

15

Ende daerom is hi ooc een middelaer des nyeuwen testaments op dat na deser gescieder doot tot die verlossinge der ouertredinge, die ouer den eersten testamenten waren, die belofte tontfangen, die daer geroepen zijn totter eewiger eruen *

16

Want waer een testament is, daer moet die doot gescieden, des geens die dat testament maect.

17

Want een testament wort vast door die dooden, anders en hadt noch gheen macht, als hi noch leeft diet ghemaect heeft,

18

⁺waer wt dat eerste ooc nyet sonder bloet opgerecht en wert,

+ E vers 18

19

want als Moyses wtgesproken, ⁺ ende allet gebot na der wet vertelt hadde, so nam hi dat bloet der calueren ende der bocken, met water ende purpure, wolle ende ysopen, ende besprengde dat boec ende al dat volc seggende,

+ Exodi. xxiiij.

20

dit is dat bloet des testaments, dat v God geboden heeft.

21

Ende des geliken besprengde hi den tabernakel, ende alle die vaten des diensts Gods met bloede,

22

Ende het wert bi na al met bloede gereynicht, nader wet, ende sonder wtstortinge des bloets, en gheschiet geen vergeuinghe.

23

⁺So ist van noode, dat der hemelscer dingen beelden oft exempelaren, met alsulcken gereynicht worden, maer die hemelsce selue, werden met beteren offer gereynicht dan die sijn,

+ F vers 23

24

Want Cristus en is niet in dat heylige met handen gemaect ingegaen (welc een tegenbeelt der warachtiger is) mer inden hemel selue, nv om voor dat aensicht Gods voor ons te verscinen,

25

ooc niet om dat hi hem seluen dicwil offeren soude, gelijc als die hooge priester alle iare in dat geheylichde met vreemden bloede gaet, ^{+ +} anders hadde hi dicwil van beghin der werelt tot noch toe moeten lijden

+ G vers 25

+ rom. v.b

26

Maer nv aent eynde der werelt, is hi eens verscenen door sijn eygen offerhande, om die sonde wech te nemen,

27

Ende gelijc den menscen is geset eens te steruen, daer na dat oordeel, also is Cristus eens geoffert, om veel menscen sonden wech te nemen, mer ten anderen male sal hi sonder sonde verschinen den ghenen die hem verwachten ter salicheyt.