Den Bybel met groter neersticheyt ghecorrigeert (Liesveltbijbel 1542)

¶ Die Apostel seyt dat wi sorghen moeten om te comen in die eewighe ruste.

Dat .iiij. Capittel

1

⁺SO laet ons dan vreesen, dat wi die belofte (in te comen in sijn ruste) niet en verlaten, ende niemant wt ons beuonden en werde, dat hi daer buyten blijue,

+ A vers 1

2

want het is ooc ons vercondicht, gelijc als haer lieden, Mer dat woort der predicanten en halp haer niet, om dat gelooue daer nyet toe gedaen en wert vanden ghenen diet hoorden,

3

Want wie daer ghelooft hebben, gaen in tot sijnder rusten, also hi gesproken heeft, also ic swoer in mijnder toornicheit, si en sullen niet ingaen in mijnder rusten. Ende tis waer, doen die wercken van aenbeginne der werelt waren ghemaect,

4

so sprac hi op een plaetse vanden seuenden dach aldus. Ende God heeft opten seuenden dach gerust van alle sinen wercken,

5

Ende hier weder in dese plaetse, Si en sullen niet tot mijnder rusten comen.

6

⁺Na dien dattet noch achter ende toecomende is, datter somige toe sullen comen, ende diet ten eersten vercondicht is, en sijn daer niet toe ghecomen om des ongeloofs wille,

+ B vers 6

7

ordineert hi weder eenen dach, na sulcken langen tijt, seggende, heden, door Dauid also voorseit is. Ist dat ghi heden sijn stemme hoort, so en verhardt uwe herten nyet,

8

Want waert datse Iosue tot ruste hadde gebracht, so en soude hi hier na nyet van eenen anderen dage geseyt hebben.

9

Daeromme is den volcke Gods noch een ruste achter ghelaten,

10

Want wie tot sijnder rusten ghecomen is, die rust oock van sinen wercken, gelijc als God vanden sinen.

11

⁺† Daerom so laet ons nv haesten in te comen tot deser rusten, op dat nyemandt in dat selue exempel des ongeloofs en valle,

+ C vers 11

12

Want dat woort Gods is leuen-

[p. *]

dich ende crachtich, ende scerper dan eenich tweesnijdende sweert, ende het dringet door tot dat siel ende geeft sceyt, ooc die tsamen voeginge ende merch, ⁺ ende is een richter der gedachten ende der sinnen der herten,

+ C vers 12

13

ende daer en is geen creatuere onsienlic voor hem, mer het is al bloot voor sinen oogen, van dien hebben wi te spreken.