Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–¶ Die Apostel vermaent Thimotheum te spreken om vele valsche predikers die grote dingen begost hadden ende vermaent Thimotheum tot stercheyt | |
2Want daer sullen menscen wesen die van hen seluen groot houden sullen, ghierich, houerdich lasters, haren ouders onghehoorsaem, ondanckbaer, met grooten sonden beulect, | |
3niet vriendelijc, stuerich, scheynders, oncuysch, niet saechtmoedich, | |
4wilt, verraders, geweltdaders, opgeblasen, die meer lief hebben die wellust dan God, Ga naar margenoot+ | |
5die daer hebben dat wesen der goddienstiger wandelinge, maer sijn cracht versaken si, | |
6ende van sulcken afkeert v. Vanden seluen sijnt, die die huysen doorloopen, ende leyden die vroukens geuangen, die met sonden beladen sijn, ende gheleyt wer-den in menigerley begeerten, | |
7altijt leeren si, ende en comen nemmermeer totter kennisse der waerheyt | |
8Mer als Iohannes ende Iambres Moysi wederstonden, Ga naar margenoot+ also wederstaen dese ooc der waerheyt, het zijn menscen van ghebroken sinnen, onbequaem totten gheloue, | |
9mer si en sullens niet wtuoeren. Want haer sotheyt sal allen menscen openbaer werden, alst ooc was vanden voorseyden. | |
10Mer ghi hebt na geuolcht mijn leere, mijn wesen, mijn opset, mijn gelooue, mijn lancmoedicheyt, Ga naar margenoot+ mijn liefde, mijn lijdtsaemheit, | |
11mijn veruolginghen, mijn lijden, die mi al gesciet sijn tot Antiochia, tot Iconicon, tot Listren, welcke veruolginge ic daer droech. Ende wt allen heeft mi die HERE verlost. | |
12Ende alle die godlic willen leuen in Christo Iesu, die moeten veruolginge lijden. | |
13Die quade menschen ende die verleyders, die nemen toe int archste, si verleyden, ende laten haer verleyden. | |
14Ga naar margenoot+Mer blijft ghi int gene dat ghi geleert hebt, ende beuonden, want ghi weet van wien dat ghijt geleert hebt, | |
15ende want ghi van kints op die heylige scriftuere weet, die v connen onderwijsen totter salicheydt door dat ghelooue in Cristo Iesu. | |
16Want alle schrift van God ingegeuen, is orbaerlic te leeren, tot straffinge, ter beteringe, tot onderwijsinge inder rechtueerdicheyt, | |
17dat een mensce Gods si volcomen, gheschict tot allen goeden wercken. |
|