Den Bybel met groter neersticheyt ghecorrigeert (Liesveltbijbel 1542)

Die Apostel leert hoe die kinderen haren ouders behooren onderdanich te sijn, ende onderwijst die van Ephesen van allen duechden.

Dat .vi. Capittel.

1

⁺GHi kinders zijt gehoorsaem uwen ouders inden HERE, ⁺ want dat is recht

+ A vers 1

+ col. v.d. exo. xx b Titi. ij c i.Pe. ij.

2

Eert v vader ende v moedere, dat is dat eerste gebot, dat een beloofte heeft,

3

op dat v wel gae, ende lanclijuich sijt op eerden

4

Ende ghi vaders, en verwect v kinder niet tot gramscap mer voetse op in onderwijsinge ende vermaninge inden HERE,

5

ghi knechten sijt gehoorsaem uwen lichamelijcken Heeren, met vreese ende beuen, ende in simpelheyt ws herten, als Christo,

6

nyet met dienste alleen voor oogen, als den menschen te behagen, maer als die knechten Cristi dat ghi sulcken wille Gods

[p. *]

doet van herten

7

met ghewillicheyt, laedt v duncken dat ghi den HERE dient, ende niet den menscen,

8

ende weet so wat goet een yegelijc doet, dat sal hi ontfangen vanden HERE, hi si een knecht oft een vrije,

9

Ende ghi heren, ⁺ doet ooc des gelijcke tegen hen, ende verlaet dat dreygen ende weet dat oock v HERE inden hemel is, ende voor God en is geen aensien der personen.

+ B vers 9

10

† Ten laetsten, mijn broeders sterct v inden HERE, ende inder macht sijnder stercheyt,

11

doet aen dat harnas Gods, op dat ghi staen moecht teghen den listighen aenloop des duuels,

12

Want wi en hebben nyet te campen tegen vleesch noch bloet, ⁺ mer teghen vorsten ende geweldigen, tegen der werelt regenten der duysternissen in deser werelt, tegen den gheesten der boosheyt onder den hemel,

+ Ro. ij.b.

13

Om des wille so neemt dat harnas Gods op dat ghi muecht wederstaen inden quaden dage, ende in allen dingen beschut sijn.

14

⁺So staet nv, omgort v lendenen metter waerheyt, ende sijt aen getogen met den creeft der gerechticheit

+ C vers 14

15

ende ^a gescoeyt aen uwe voeten, met bereydinge der Euangelien vanden vrede.

a gheschoeyt, dats bereyt om te lijden alle tribulatien esa liiij.a

16

In alle dingen grijpt den schilt des geloofs, met welcken ghi cont wt blusschen alle vierige pijlen des boose vyants

17

ende den helm der salicheyt neemt aen v, ende dat sweert des geests, welck is dat woort Gods. *

18

Ende bidt stadelicken in allen aenleggingen, met bidden ende smeeken inden gheest, ende waeckt daer toe met allen aenhouden ende smeeken, voor allen heyligen

19

ende voor mi, op dat my gegheuen werde dat woort sonder vreesen op te doen mijnen mont, dat ic mach kenlic maken die misterie der Euangelien,

20

van welcken ic die bootscap voere, inder ketenen, op dat ic daer in vrijlick handelen mach ende spreken alst behoort.

21

⁺Op dat ghi ooc weet, hoet met mi staet, ende wat ic doe, sal v condt doen Tichicus, mijn lieue broedere ende getrouwe dienaer inden HERE,

+ D vers 21

22

welcke ic gesonden hebbe tot v, om des willen dat ghi vernemen soudt hoet met my staet, ende dat hi v herten troost.

23

Vrede si den broederen ende liefde met ghelooue van God den vader ende den HERE Iesu Cristo.

24

Ghenade si met v allen, dye daer liefhebben onsen HERE Iesum Cristum onuerderffelijck.