Den Bybel met groter neersticheyt ghecorrigeert (Liesveltbijbel 1542)

Hoe datter seuen dyakenen ghecoren worden vanden Apostelen wt welcken Stephanus gheaccuseert wert voor die Ioden

Dat .vi. Capittel.

1

⁺IN dyen dagen, doen dat getal der discipulen meerder wert so isser een murmuratie op gestaen onder die Griecken tegens die Hebreusce, om dat haer weduwen versmaet worden inder dagelijcscher hantreyckinghe.

+ A vers 1

2

Doen riepen die twaelf dye menichte

[p. *]

te samen en seyden. Het en dooch nyet dat wy dat woort Gods laten, ende ter tafelen dienen,

3

daerom lieue broeders, ⁺ verkiest onder v seuen mannen, dye daer vermaert zijn, dat si vol des heylichs geests ende wijsheyt zijn, dye welcke wy mogen setten tot deser nootdruft,

+ B vers 3

4

mer wy willen ons houden aent gebet, ende aen dat ambacht des woordts Gods.

5

Ende dye reden behaechde der geheelder menichten wel. Ende si vercoren Stephanum, een man vol gheloofs ende des heylichs gheests, ende Philippum ende Prochoron, ende Nicanorem, ende Timon, ende Permenas, ende Nicolaum den Iode genoote van Antiochien.

6

Dese steldense voor dye Apostelen ende baden, ende leyden hem die handen op.

7

Ende dat woordt Goods wyes, ende dat getal der discipulen wert te Hierusalem zeer vermenichfuldicht: vele priesteren worden ooc den gelooue gehoorsaem.

8

⁺† Stephanus vol geloofs ende crachten, dede wonderlijcke dingen ende groote teekenen onder den volcke

+ C vers 8

9

Doen stondender sommighe op vander scholen, dye daer heet der Lebertinen, ende der Cyrenen, ende der Alexandrinen, ende der geenre die van Cilicia ende Asia waren, ende disputeerden met Stephano,

10

ende si en vermochten nyet te wederstaen der wijsheyt, ende den gheest wt welcken hi sprac.

11

Doe maecten si sommige mannen toe die souden seggen. Wy hebben hem lachterlike woorden hooren spreken tegen Moysen ende tegen Godt.

12

⁺Ende beweechden dat volck, ende dye outsten, ende die scriftgheleerden, tot hem loopende, namen si hem wech, ende leyden hem voor den raet,

+ D vers 12

13

ende si stelden daer valsce ghetuygen, die daer souden seggen. Dese mensche en latet nyet af lachterlike woorden te spreken, teghen dese heylige plaetse, ende tegen die wet.

14

Want wi hebben hem hooren seggen, dat Iesus van Nazareth dese plaetse sal bederuen, ende veranderen die seden die ons Moyses ghegheuen heeft,

15

ende si sagen op hem alle die inden raedt saten, ende saghen zijn aensicht als eens Engels aensicht.