Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermd¶ Hoe Iesus eenen mensche die acht ende dertich iaer cranc was gheweest ghesont maecte, ende van veel scoonder leeren die hy den Ioden seyde. | |
2By dat slach huys in eenen poel oft piscine, die int hebreeusch Bethseda heet, ende heeft vijf poortalen, | |
3in welcke lagen veel crancken, blinden, lammen, verdroochden, dye verwachten wanneer hem dat water beweechde, | |
4want die engel daelde neder tot sijnder tijt in dien poel oft piscine, ende roerde dat water, Die welcke dan eerst, nae dattet water beroert was, daer in daelde, die wert gesont, met wat siecten dat hi beuangen was, | |
5Daer was een mensche die daer acht ende dertich iaer cranck ghelegen hadde, | |
6Als Ihesus den seluen sach ligghen, ende vernam dat hy daer so langhe gelegen hadde, seyde hi tot hem. Wildi ghesont worden? | |
7Die crancke antwoorde hem. Ga naar margenoot+ HERE, ick en heb gheenen mensche, Ga naar margenoot+ op dat wanneer hem dat water beweecht dye mi daer in late, | |
8Ende wanneer ic come, so daelter een ander voor mi in. Iesus seyde tot hem, Staet op, ende neemt v bedde, ende gaet henen. | |
9Ende terstont wert die mensche gesont, ende nam sijn bedde, ende ghinc henen, Mer het was inden seluen dage den sabboth. | |
10Doen seyden dye Ioden totten ghenen die ghesont was gheworden, Het is huyden den Sabboth, het en is v niet gheoorlooft dat bedde te dragen. | |
11Hi antwoorde haer, die mi ghesont maecte, die seyde, neemt v bedde, ende gaet henen. | |
12Doen vraechden si hem, Wie is dye mensche, die tot v gheseyt heeft, neemt v bedde, ende gaet henen | |
13Die ghesont was gheworden, en wist niet wie hi was Want Iesus was geweken om datter veel volcx was | |
[pagina *]
| |
[afbeelding] | |
14Ga naar margenoot+Daer na vant hem Iesus inden tempel, ende seyde tot hem: Siet toe, ghy zijt ghesont gheworden, en sondicht voort aen niet meer, op dat v nyet argers en geschiede. | |
15Die mensche ginc ende vercondichdet den Ioden, dat Ihesus was die hem gesont gemaect hadde. * | |
16Daerom veruolchden die Ioden Iesum, ende sochten hem, op dat si hem souden dooden, om dat hi dat gedaen hadde op den Sabboth. | |
17Maer Ihesus antwoorde haer: † Mijn vader werct tot noch toe, ende ic wercke oock, | |
18Daerom sochten hem dye Ioden veel meer te dooden, om dat hi niet alleen den Sabboth en brac, mer dat hi ooc seyde: God is sijn vader, ende maecte hem seluen Gode gelijck. | |
19Doen antwoorde Ihesus ende seyde tot haer: Voorwaer voorwaer segge ic v: Ga naar margenoot+ Die sone en can niet van hem seluen gedoen, dan dat hi den vader siet doen, | |
20Want wat die selue doet, dat doet ghelijc ooc die sone. Die vader heeft den sone lief, ende wijst hem al wat hi doet, ende sal hem noch grooter wercken bewijsen, dat ghi v verwonderen sult, | |
21Want so die vader die doden Ga naar margenoota verwect ende maectse leuende, alsoo maect die sone ooc leuende dien hi wil | |
22Want die vader en oordeelt nyemanden, maer hi heeft den sone alle oordeel ghegeuen, | |
23op dat si alle den sone souden eeren, also si den vader eeren. Die den sone niet en eert, die en eert den vader niet, die hem ghesonden heeft | |
24Voorwaer voorwaer ick segghe v: Wie mijn woordt hoort, ende gelooft dien, die mi gesonden heeft, dye heeft dat eewige leuen, ende en comt niet in dat oordeel, mer hi is vander doot totten leuen door ghedrongen. | |
25Ga naar margenoot+Voorwaer voorwaer segge ic v, die vre coemt, ende is nv, dat die doode die Ga naar margenootb stemme des sone Gods sullen hooren, | |
26ende diese hooren die sullen leuen, Want also die vadere dat leuen heeft in hem seluen, also heeft hy den sone ghegeuen dat leuen te hebben in hem seluen, | |
27ende heeft hem macht gegeuen ooc dat oordeel te behouden, om dat hi des menschen sone is, | |
28En verwondert v des niet, want dye vre comt in welcke al die inden graue sijn, sullen sijn stemme hooren, | |
29ende die daer goet hebben gedaen, sullen voortgaen in verrijsenisse des leuens, mer die quaet ghedaen hebben, tot verrijsenisse des oordeels. * | |
30† Ick en can nyet van my seluen gedoen, So ic hoore so oordeele ick, ende mijn oordeel is gherechtich, want ic en soecke mijnen wille niedt, maer den wille des vaders die mi ghesonden heeft. | |
31Ist dat ic van mi seluen ghetuyghe, so en is mijn getuychnis nyet warachtich, | |
32Het is een ander die van mi getuycht, ende ic weet dat sijn getuyghenisse warachtich is, dat hi van mi getuycht. | |
34Mer ick en neme gheen getuygenisse vanden menschen, mer dit segghe ick op dat ghy salich soudt worden, | |
35Hi was een bernende ende schijnende licht mer ghi wout een weynich vrolijc sijn, van sinen lichte, | |
36Mer ick hebbe een grooter ghetuygenisse dan Iohannes ghetuygenisse. * † Want die wercken die mi die vader gegeuen heeft, op dat icse volbrengen soude, dye selue wercken dye ick doe, die ghetuygen van my dat mi dye vader ghesonden heeft, Ende die vader die my ghesonden heeft, | |
37dye selue heeft van mi ghetuycht, Ghy en hebt noch sijn stemme noyt ghehoort, noch sijn ghedaente gesien, | |
38ende ghy en hebt sijn woordt niet in v woonende, want ghi en ghelooft dien niet dien hi ghesonden heeft. | |
39Soect in die scrift, want ghi meynt, ghi hebt dat leuen daer in, ende si ist die van mi getuycht, | |
40ende ghy en wilt niet tot my comen, op dat ghi dat leuen moecht hebben, | |
41Ick en neme gheenen prijs vanden menschen, | |
43† Ic ben in mijns vaders name ghecomen, ende ghi en ontfanct my nyet, Ist dat een ander in sinen eyghen name coemt, dyen sult ghi ontfanghen, | |
44Hoe soudt ghi moghen gheloouen, dye prijs van malcanderen neemt, ende den prijs die van Gode alleen is, dien en soect ghi niet? | |
45Ghi en sult niet meynen, dat ic v voor den vader beclaghen oft beschuldighen sal, Daer is eene die besculdicht, oft die ouer v claecht, dats Moyses, op welcken ghi hoopt. | |
46Waert dat ghi Moysi gheloofde, soo gheloofde ghi ooc mi, want hi heeft van mi gescreuen, | |
47Mer ist dat ghi sinen scriften nyet en ghelooft, hoe suldy dan mijnen woorden gheloouen? |
|