Den Bybel met groter neersticheyt ghecorrigeert (Liesveltbijbel 1542)

Die Ioden worden verscrict, sorghende voor die stadt van Ierusalem ende den tempel si bereyden hen ten strijde, biddende God om hulpe.

Dat .iiij. Capittel

1

⁺DOen die kinderen Israels die daer woonden inden lande Iuda, dese dingen hoorden, so vreesden si seer voor zijn aensichte ende haer quam ooc beuen ende veruaernis aen,

+ A vers 1

2

sorgende dat hi te Ierusalem, ende den tempel des HEREN soude doen, dat hi ander steden, ende haren tempelen gedaen had.

3

Ende si seynden in al Samarien rontsom wt, tot Iericho toe, ende besloegen al die toppen der bergen, ende si omcingelden haer steechskens met muren, ende si vergaderden coren tot bereidinge des strijts

4

⁺Die priester Eliachim screef ooc tot alle die daer woonden tegen Esdrelon, dwelc daer is tegen daensicht des grooten velts bi DothaIm, ende alle den ghenen door welc men den doorganck tot hen mocht hebben

+ B vers 4

5

op dat si souden mogen vercrijgen die opgangen der bergen, door welcke die wech mocht zijn tot Ierusalem, ende dat si souden bewaren, so waer eenen engen wech tusschen dye berghen ware.

6

Ende die kinderen Israels deden na dat hen die priester des HEEREN Eliakim had geseyt,

7

Ende al tvolc riep met groter gestadicheyt totten HERE, ende si ^a is dat lichaem castiden inder scriftueren als Esaie .lviij.a} verootmoedigen haer sielen in vasten ende gebeden, si selue ende haer wiuen.

a Dye siele verootmoedigen

8

Ende die priesters deden hayren cleederen aen, ende die onsprekende kinderkens leyden si plat neder ter aerden, tegen dat aensicht des tempels des HEREN.

9

Ende den outaer des HEREN bedecten si met eenen hayren cleede. Ende riepen eenmoedelic totten HERE God Israhels, dat haer onsprekende kinderkens, niet tot eenen roof en souden worden ghegeuen, noch haer huysurouwen tot eenen buete,

10

noch haer steden tot een verderuinge, noch haer heylige dingen tot besmettinghe, ende dat si so den heydenen tot een beschimpinghe worden.

11

⁺Doen omginc die groote priester des HEREN Eliakim alle Israel, ende heeftse aengesproken seggende.

+ C vers 11

12

Weet dat die HERE v ghebeden sal verhooren, ⁺ ist dat ghi volherdelic blijft in vasten ende gebeden, int aensicht des HEEREN.

+ Exodi. xvij.d.

13

Sijt gedachtich Mosi des HEREN knecht, die Amalech betrouwende in zijn cracht ende mogentheit, ende in zijn heyr ende in zijn schilden,

[p. *]

ende in zijn wagenen, ende in sijn reysenaers nederwierp niet met wapenen stridende, mer met heylige ghebeden biddende.

14

Also sullen alle die vyanden Israels sijn, ist dat ghy volhert in dat werc dat ghi begonst hebt.

15

Aldus tot dese zijn vermaninge, bleuen si den HEEE biddende in dat aensicht des HEREN.

16

Also dat ooc die gene die den HERE brantoffer offerden, begordet met hayren hemden den HERE offerhande offerden, ende hadden asscen op haer hoofden. Ende si baden God alle wt al haerder herten, dat hi zijn volc Israel wilde besoecken.