Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
[pagina *]
| |
Hier begint dat boeck Thobie. | |
Vanden leuen, gheslachte ende vreese Gods Tobie. | |
1Ga naar margenoot+TObias was vanden geslachte, ende stadt Naphthalim, die daer is inden ouersten deelen Galilee, op Naason, na den wech dye westwaert leyt, hebbende die stadt Sephet ter slincker siden. | |
2Als hi geuangen was inden dagen Salmanasar des conincx der Assirien. | |
3Nochtans in die gheuankenisse ghesedt, Ga naar margenoot+ heeft den wech der waerheyt nyet verlaten, | |
4also dat hi alle dat hi hebben mochte, daghelicx sinen mede gheuangenen broeders, dye van sinen gheslachte waren, mededeelde. Ga naar margenoot+ | |
5Ende hoe wel hi dalder ioncste was inden gheslachte Naphthalim, so en dede hi nochtans niet kindtselijc in sinen wercke, | |
6Voort meer, doen si alle gingen totten gulden calueren, die Ierobeam die coninc van Israel had gemaket, vluchte dese alleen, dier alre geselscap ende reysde te Ierusalem totten tempel des HEREN, Ga naar margenoot+ ende aldaer aenbadt hi den HERE God Israhels, Ga naar margenoot+ | |
7ende offerde ghetrouwelijck alle sijn eerste vruchten ende sijn tienden, also dat hi int derde iaer alle tiendinghe, den nieuwen bekeerden, ende toecomelinghen diende, | |
8Ga naar margenoot+dese dinghen ende deser gelijc onderhielt hi na die wet Gods, doen hi noch een cleyn kindeken was | |
9Mer doen hi een man was gheworden, so nam hy een huysurouwe Annam, Ga naar margenoot+ van sinen geslachte, ende wan wt haer eenen sone, ende hiet hem met sinen name, | |
10dien hi van zijnder kintsheydt op God leerde vreesen, ende hem onthouden van alle sonden. | |
11Aldus doen hi midts die geuanckenis in die stadt Niniue was gecomen, met zijnder huysurouwen, ende met sinen sone, ende met alle zijn geslachte, ende als si alle vander spijse der heydenen aten, so bewaerde dese sijn siele, Ga naar margenoot+ ende en wert noyt besmet in haer spijsen, | |
12ende want hi des HEREN gedachtich was in alle sijnder herten, so gaf hem God genade in die tegenwoordicheyt Salmanasar des conincx, ende die gaf hem macht te ghaen daer hi wilde, hebbende vriheit te doen wat hi wilde. | |
13Aldus reysde hi door alle die in die gheuanckenisse waren, Ga naar margenoot+ ende ghaf hen lieden vermaninghe der salicheyt. Ga naar margenoot+ | |
14Ende als hi was ghecomen te Rages in dye stadt der Meden, ende had thien talenten siluers, van dien dingen daer hi mede vanden coninc gheeert was, | |
15ende sach met een grote scare sijns gheslachts Gabelum ghebrec hebben, die van sinen stamme was, soo ghaf hi hem dat voorghenoemde gewicht siluers onder een hantscrift. | |
16Nae vele tijts doen Salmanasar dye coninck doot was, Ga naar margenoot+ als Sennacherib zijn sone voor hem regneerde, ende hatede die kinderen Israels, in zijn aenschouwen, so ghinc Tobias daghelijcx door alle zijn maeschap ende troostese, ende deylden elcken na dat hi vermochte van sinen goede. | |
17Hi spijsde die hongherighe, ende den naeckten ghaf hi cleederen, ende die dooden ende verslagenen begroef hi sorchfuldelijck. | |
18Ga naar margenoot+Daer na doen dye coninck Sennacherib weder was ghekeert vliende die plaghe van Iudeen, dye God bi hem hadde gesonden, om sine Godlasteringe, | |
19wert hi toornich, ende versloech vele wten kinderen Israels, so begroef Tobias haer lichamen | |
20Ende doent den coninc wert gebootscapt, so hiet hi hem dootslaen Ende nam alle sijn goet. | |
21Tobias die vluchte met sinen sone, ende met sinen wiue, ende was naect verborgen, want vele hadden hem lief | |
22Mer na vijfenveertich daghen, wert die coninc gedoot van sinen sonen, | |
23ende Tobias is wederom gekeert tot sinen huyse, ende alle zijn goet wert hem weder ghegheuen. |
|