Den Bybel met groter neersticheyt ghecorrigeert (Liesveltbijbel 1542)

Een clage tegen die priesters ende propheten, die inde scult sijn, dat dat volc vanden HERE afualt.

Dat .v. Capittel

[p. *]

1

⁺HOort O ghi Priesters, Ende ghi O huys Israels merct aen, O du Coninclijcke huys verneemt dat, Want daer sal een straffinge ouer v ghaen Ghi dye tot Mizpa eenen stric, ende een wtghebreyt net tot Thabor gestelt hebt,

+ A vers 1

2

Si slaen doot met hoopen, Ende bedrieghen die luyden daer mede, Daeromme moet ickse alle tsamen straffen,

3

Ick kenne Ephraim wel, Ende Israel en is voor mi niet verborgen, dat Ephraim een hoere is, ende Israel een boeuinne,

4

Si en dencken daer niet na, dat si haer bekeerden tot haren God, want si hebben een hoerachtich herte, ende en achten op den HERE niet.

5

Daeromme sal die houaerdije Israels voor haer aensicht verootmoedicht worden. Ende Israel ende Ephraim sullen alle beyde vergaen om haerder misdaets wil, Iuda sal ooc met haer vallen.

6

Als dan sullen si comen met hare scapen, ende runderen den HERE te soecken, Maer si en sullens niet vinden, Want hi heeft hem van haer ghekeert,

7

Si verachten den HERE, ende crijghen vreemde ende ongetroude kinderen. Daeromme salse oock dye nyeuwe maent verslinden met haren offer.

8

Blaest die basuynen tot Gibea, ende die trompet tot Rama, Ia maect een alarme tot Bethauen aen gene side BenIamins, Want Ephraim sal tot eender woestijne worden, ter tijt, als ickse straffen sal, Daer voor heb ic die stammen Israels trouweliken gewaerschout.