Den Bybel met groter neersticheyt ghecorrigeert (Liesveltbijbel 1542)

¶ Van die straffinghe Moabs, daer die propheet haer mede dreycht

Dat .xv. Capittel

1

⁺INden iare doen die coninck Achas sterf wert desen last ghesien,

+ A vers 1

2

En verblijt v niet geheel Philisteen lant, als oft die roede des gheens die v sloech ghebroken ware, Want wt die wortele der slangen sal een basiliske comen, ende haer vrucht sal eenen vieriagen draec sijn,

3

Want die eerstelingen der behoeftiger sullen haer gheneren, ende die arme sullen sekerlijc woonen, Mer dijne wortel wil ick met honger dooden, ende dijne ouergebleuene verworgen,

4

O du poorte huylt, ghi stadt schreydt, ende dat ganssche Philisteer lant is cranc. Want vanden noorden comt eenen rooc, Ende daer en is gheen eensame in sinen hope.

5

Ende wat sullen die ambassaten der heydenen tusschen beyde partien seggen. Te wetene die HERE heeft Sion beuesticht, ende op hem sullen die allendige sijns volcx betrouwen.