Den Bybel met groter neersticheyt ghecorrigeert (Liesveltbijbel 1542)

¶ Hi leert dat alle dinck sinen tijt heeft, Ende dat becommeringhe ende moeyte in allen dinghen is, Ende al wat dye mensche van sinen arbeyt gheniet dat is een gaue Gods, Ende dient daer toe, dat wi hem altijt voor ooghen sullen hebben.

Dat .iij. Capittel

1

⁺EEn yegelic dinck heeft sinen tijt, Ende allet voornemen onder den hemel heeft sine vre,

+ A vers 1

2

Geboren te worden, heuet sinen tijt, Steruen heeft sinen tijt, Planten heeft sinen tijt,

3

wtroeyen dat geplant is, heeft sinen tijt.

4

Dooden heeft sinen tijt, Heelen heuet sinen tijt, Breken heeft sinen tijt, Timmeren heuet sinen tijt.

5

Weenen

Lachen

Claghen

Danssen

6

Steenen verwerpen heeft sinen tijt

Steenen vergaderen

Omhelsen

Verre van omhelsen

7

Soecken

Verliesen

Behouden

Wech werpen

8

Schoren

Toenaeyen

Swijgen heeft sinen tijt

Spreken

9

Beminnen

Haten

Strijdt

Vrede

Wat canmen meer ghedoen,

10

Men arbeyde somen wille.

11

Daer wt sach ic die moeyte, die God den mensche gegeuen heeft, dat si daer inne geplaecht werden,

12

te weten dat allet wat hi doet, ⁺ dat is fijn tot sijnder tijt ende hadde die werelt in haer herte gegeuen, Nochtans en can die mensche niet treffen, twerc dat God doet noch beghinne, noch eynde.

+ B vers 12

13

Daeromme mercte ick, dat niet beters daer inne en is, Dan vrolic sijn, ende hem goetlic doen in sinen leuen,

14

Want een yegelijck mensche die daer etet ende drincket, ende heeft goeden moedt in alle sinen arbeyt, dat is een gaue Gods.

15

Ic merck dat al wat God doet dat blijft altoos, men can daer niet toe ghedoen, ⁺ noch af gedoen, Ende dat doet God, datmen hem vreesen soude.

+ C vers 15

16

Wat gheweest is dat is noch. Ende wat werden sal, is al geweest Want God peynst, ende iaghet hem na.

17

Voort sach ic onder der sonnen plaetse des ordeels, daer was een Godloos wesen, ende in een stadt der gerechticheyt, daer was een ^a godlose, Doen dachte ic in mijnder herten, God moet oordeelen den gerechten ende den godlosen.

a Godlose, dat is ongeloouich, des woorts Goods, staende op hem seluen, ende op sijne goede wercken alleen.

18

Want alle voornemen heeft si-

[p. *]

nen tijt ende alle werck.

19

Ic sprac in mijn herte vanden wesen der menschen hoese God verkiest, ende laet aensien als oft si vee onder malcanderen waren, Want het gaet den mensche gelijc den vee,

20

⁺Gelijc dit sterft, so sterft ooc dat, ende hebben al eenderley asem, Ende die mensche en heeft niet meer dan dat vee, Want het is al ydel,

+ C vers 20

21

Het vaert al tot eender plaetsen, Het is al van stof gemaect,

22

Wie weet of den aseme der menschen opwaerts vare, ende den aseme des vees onderwaerts onder die aerde vare,

23

Daerom segghe ic, dat niet beters en is, dan dat een mensche vrolijc si in sinen arbeyt, Want het is sijn deele, want wie wil hem daer toe bringhen, dat hi sie, wadt nae hem gheschieden sal.