Den Bybel met groter neersticheyt ghecorrigeert (Liesveltbijbel 1542)

Als Dauid oudt wert eer hi sterf, so bestelde hi die officien inden huyse Gods.

Dat .xxiiij. Capittel

1

⁺ENde Dauid vergaderde alle ouerste in Israel, ende die priesters ende Leuiten,

+ A vers 1

2

datmen die Leuiten soude tellen van dertich iaren ende daer ouer.

3

Ende haer getal was van hoofde te hoofde, dat stercke mannen waren, achtendertich duysent,

4

Wt welcken werden vierentwintich duysent, die dat werck aenden huyse des HEREN dreuen, ende ses dusent officiers ende rechters,

5

ende vier duysent poortiers, of doorwachters, ende vier duysent lofsangers des HEREN, met snaren oft musijcspelen, die ic gemaect hebbe om lof te singen.

6

Ende Dauid maecte die ordinancie onder die kindederen Leui, te weten onder Gerson, Kahath, ende Merari.

7

⁺Die Gersoniten waren, Laedan, ende Simei.

+ B vers 7

8

Die kinderen Laedan, die eerste Iehiel, Sethan, ende Ioel, die .iij.

9

Die kinderen Semei waren Salomith, Hasiel, ende Haran, die drie, dese waren die sonderlincste onder den vaderen van Laedan.

10

Oock waren dese Semei kinderen, Iahath, Sina, Ieus ende Bria, dese vier waren ooc Semei kinderen,

11

Iahath was deerste, Sina die ander. Mer Ieus ende Bria en hadden niet te veel kinderen, daerom worden si voor eens vaders huys gerekent

12

Die kinderen Kahath waren Amram, Iezehar Hebron ende Vsiel, die viere.

13

Die kinderen Amram waren Aaron ende Moyse, ^{+ +} mer Aaron wert afgescheyden, dat hi geheylicht soude worden totten alderheylichsten, hy ende sine sonen eewelijc te roocken voor den HERE, ende te dienen, ende te seeghenen inden name des HEEREN eewelick,

+ Ex. vi a

+ C vers 13

14

Ende Mose des mans Gods kinderen worden ghenoemt onder der Leuiten stamme.

15

Die kinderen Mose waren Gerson, ende Eliezer,

16

die kinderen Gerson, deerste was Sabuel, Die kinderen Eliezer, die eerste was Rehabia,

17

Ende Eliezer en hadde gheen ander kinderen, mer der kinderen Rehabia waren vele daer ouer. ⁺

+ Ex. xx.

18

Die kinderen Iezehar waren Salomith die eerste.

19

Die kinderen Hebron waren Ieria die eerste, Ameria die andere, Iehasiel die derde, ende Iakmeam die vierde,

20

Die kinderen Vsiel waren Micha die eerste, ende Iesia die andrr.

21

Die kinderen Merari waren, Maheli ende Musi Die kinderen Maheli waren Eleazar ende Kis.

22

Eleazar sterf, ende en hadde geen sonen, mer dochteren,

23

Ende die kinderen Kis namense. Die kinderen Musi waren Maheli, Eder ende Ieremoth, die drie,

24

Dat zijn die kinderen Leui, onder haerder vaders huysen, ende die principaelste der vaderen die gerekent worden nader namen getal, bi den hoofden, die die wercken des diensts deden inden huyse des HEREN, van twintich iaren ende daer ouer,

25

Want Dauid sprack, Die HEERE die God Israel heeft sinen volcke ruste ghegeuen, ende sal tot Ierusalem woonen eewelick.

26

Ooc onder die Leuiten worden getelt die kinderen Leui, van twintich iaren ende daer ouer, ⁺ dat si die wooninge niet en behoeuen te dragen, met allen haren gereetschap haers officijs.

+ D vers 26

27

Mer na den laetsten woorden Dauid, dat si staen souden onder die hant der kinderen Aaron,

28

om te dienen inden huyse des HEREN, inden voorhouen, ende totten kisten, ende totter reyninge, ende tot alderley heylichdom, ende tot allen wercken des diensts inden huyse Gods,

29

Ende totten toonbroode, totter bloeme van meele, totten spijsoffer, totten ongesuerden vladen, totten pannen, totten roosteren, ende tot allen gewichte ende mate.

30

Ende om te staen des morgens den HERE te dancken ende te louen, Des auonts ooc also,

31

ende om alle brantofferen, den HERE te offeren op die Sabbathen, nyeumaenden ende feesten, na dat getal ende behoorte, altoos voor den HERE,

32

dat si der bewaringhe gaey souden slaen, aenden tabernacule des getuygenis, ende des heylichdoms, ende der kinderen Aaron haerder broeders om te dienen inden huyse des HEREN.