Den Bybel met groter neersticheyt ghecorrigeert (Liesveltbijbel 1542)

¶ Van die tseuentich sonen Ahabs, hoe dat haer hoofden Iehu gebrocht worden, vanden broederen Ochosie. Hoe Iehu die Baals papen dede dooden

Dat .x. Capittel

1

⁺AHab hadde tseuentich sonen tot Samaria, ende Iehu schreef brieuen, ende santse tot Samaria, ⁺ totten ouersten, der stadt Iesreel, totten ouders ende mombaers Ahab, ende si luyden aldus,

+ A vers 1

+ iu. viij

2

Als desen brief tot v coemt, ende biden ghenen, biden welcken ws heeren sonen sijn, biden wagens, peerden, vasten steden, ende wapenen,

3

so besiet wie dat die beste ende die rechste is, onder den sonen ws heren, ende sedt hem op sijns vaders stoele, ende strijdet voor ws heren huys.

4

Mer si ontsagen hem met allen zeere ende spraken. Siet twee coningen en hebben voor hem niet gestaen? hoe willen wi dan gestaen?

5

Ende die ouer dat huys, ende ouer die steden waren ende die Ouders ende die voesterheeren, ende mombaers, sonden tot Iehu ende deden hem seggen, Wi zijn uwe knechten, wi willen aldoen, dat ghi ons segt, wi en willen niemanden tot eenen coninc maken, doet dat v belieft

6

Doen screef hi den anderen brief tot hen die luyde aldus Ist dat ghi mijn sijt, ende mijnder stemmen ghehoorsaem sijt, so neemt die hoofden vanden mannen ws Heren sonen, ende brengtse tot mi morghen bi tijde tot Iesreel. ⁺ Der sonen des conincx waren tseuentich mannen, ende die grootste der stadt voedense op,

+ B vers 6

7

Doen nv den brief tot hen quam, so namen si des conincx sonen, ende dooden tseuentich mannen, ende leyden haer hoofden in koruen, ende besteldense tot hem te Iesreel,

8

Ende doen die bode quam, ende gaft hem te kennen, ende sprack Si hebben de hoofden des conincx kinderen gebracht, so sprac hi, Legtse op twee hoopen, voor die duere aen die poorte tot morgen toe.

9

Ende smorgens doen hi wt ginc, trat hi daer henen ende sprac tot alle den volcke, Sijt ghi gerecht? Siet, ic hebbe tegen mijnen here een verbont ghemaect, ende hem verworget, wie heeft dan alle dese geslagen,

10

⁺Soo bekennet ghi ymmer, dat niet een woort des HEEREN opter aerden en is geuallen, dat die HERE heeft gesproken teghen dat huys Ahab, door sinen knecht Elia.

+ C vers 10

11

Also sloech Iehu al die ouer gebleuenen vanden huyse Ahab, ende die HERE heeftse ghedaen gelijck hi gesproken heeft Ahab te Iesreel, alle sine groten ende vrienden ende sine Priesters, tot dat hem niet een ouer en bleef,

12

ende maeckte hem op, ende troc wech, ende quam tot Samaria. Onder weghen was een herders huys,

13

Daer quamen Iehu aen, die broeders Ahasia, des conincx Iuda, ende sprac. Wie sijt ghy Si antwoorden. Wi sijn broeders Ahasia, ende sijn comen om te grueten des conincx, ende der coninginnen kinder,

14

Hi sprac, Gaet, grijptse leuende, ende si grepen se leuende, ende doodense bi den putte, aen der herders huys, tweenueertich mannen, ende en lieter niet een van hen ouer blijuen

15

Ende doen hy van daer reysde, vandt hi Ionadab den soone Rechab, die hem ontmoete, ende gruete hem ende sprac tot hem, Is v herte opgerecht, ghelijc mijn herte met dijne herte. Ionadab sprack, ⁺ Ia, Hi seyde Ist also so geeft mi v hant, ende hi gaf hem sine hant, ende hi liet hem tot hem op den wagen setten ende sprac.

+ D vers 15

16

Comt met mi, ende siet mijn grammige liefde om den HEERE, ende si voerden hem met hem op sinen wagen

17

Ende doen hi tot Samaria quam, sloech hijt al wat ouerbleuen

[p. *]

was, van Ahab tot Samaria, tot dat hi hem vernielde, na den woorde des HEREN, dat hi tot Elia gesproken hadde

18

Ende Iehu vergaderde alle tvolc, ⁺ ende dede tot hen seggen Ahab heeft Baal weynich gedient Iehu wil hem badt dienen,

+ i.re. xvi g

19

⁺So laet nv roepen alle die propheten Baal, alle sine knechten ende alle sine priesteren tot mi, datmen niemants en gemisse, want ic heb Baal een groote offerhande te doen. Diemen gemissen sal, die en sal niet leuen, maer Iehu dede dat om te vertreden, op dat hi die dienaers Baal vernielen soude.

+ E vers 19

20

Ende Iehu sprac, heilighet den Baal dese feeste, ende latet wt roepen

21

Oock sandt Iehu in gheheele Israhel, ende liet al die dienaers Baal comen, also datter niemant achter en bleef, die niet en quamen, ende si quamen in thuis Baal, also dat dat huis Baal vol wert, aen allen eynden

22

Doen sprac hi totten genen, die ouer dat gewaet huys waren, bringt alle den dienaren Baal, cleederen daer wt,

23

⁺Ende Iehu ginc in dat huys Baal met Ionadab den sone Rehab, ende sprack totten dyenaren Baal, ondersoect, ende siet toe, dat hier onder v nyemant en si, van des HEREN dienaren, mer Baals dienaers alleen.

+ F vers 23

24

Ende doe si in quamen offer ende brantoffer te doen, so stelde Iehu daer buyten tachtentich mannen, ende sprac. Ist dat yemant van dyen mannen ontuliet, die welcke ic onder v handen geue, soo sal voor sijn siele, des selfs siele sijn.

25

Doen hi nv brantoffere voleyndt hadde, sprac Iehu totten artsiers ende ridderen, Ghaet in, ende slaet alle man, en laetter niemanden wtgaen. Ende si sloegense metter scerpten des sweerts, ende die artsiers ende ridders wierpense wech. Ende gingen totter stadt des huys Baal,

26

ende brachten daer wt die calomne inden huyse Baal, ende verberndese,

27

ende braken die calomne Baal, met den huyse Baal, ende maecten een heimelicheit daer wt, tot desen dach toe.

28

Also vernielde Iehu dyen Baal wt Israhel.

29

Maer vanden sonden Ierobeam, des soons Nebath, die Israel dede sondigen en liet Iehu niet af, vanden gulden calueren tot Bethel, ende tot Dan

30

⁺Ende die HERE sprac tot Iehu, om dat ghi willich gheweest sijt te doen, dat mi behaecht heeft, ende hebt aent huys Ahab gedaen, al dat in mijnder herten lief was, So sullen uwe kinderen opten stoel Israel sitten, tot inden vierden lede,

+ G vers 30

31

Mer nochtans en hielt Iehu niet, dat hi inder wedt des HEEREN des Gods Israhel ghewandelt hadde, wt gheheelder herten, want hi en ghinck niet af vander sonden Ierobeam, die Israel hadde doen sondigen

32

Inder seluer tijt begonste de HERE ^a verdrietich te worden ouer Israel. Want Hasael sloechse in allen den palen Israhel

a God heet verdrie ich sijn, als hy sijn hant nae hem treckt ende versaet den mensche te helpen om sijnder sonden wille ge. vi.a.

33

vander Iordanen, tegen der sonnen opganc, ende alle dat lant Gilead der Gaditen, der Rubeniten, ende Manassiten, van Aroer aen, tot aen die beke die bi Arnon leyt, Gilead ende Basan.

34

Wat meer van Iehu te segghen is, ende alle wat hy gedaen heeft, ende alle sijn macht, siet, dat is gescreuen inder Cronike der Coninghen Israhel,

35

Ende Iehu ontsliep met sinen vaderen, ende si begroeuen hem tot Samaria Ende Ioahas sine sone wert coninc in zijn stede,

36

dye tijt die Iehu ouer Israel geregneert hadde, sijn achtentwintich iaren tot Samaria.