Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–¶ Hier worden ghenoemt die ouergebleuene landen, die noch aen dese side des Iordaens in te nemen sijn, ende onder die thien stammen te deelen. | |
1Ga naar margenoot+DOen nv Iosua oudt was, ende wel bedaghet, so sprac die HERE tot hem, ghi zijt oudt gheworden ende welbedaget, ende daer is noch seer veel lants ouergebleuen, om inne te nemen, | |
2te wetene, dat geheel Galilea der Philisteen, ende dat gheheel Gessuri, | |
3van Sihor aen, die voor Egypten vloeyt, tot aen die palen Ekiron, teghent noorden, dye den Cananiten toegerekent wert, vijf heeren der Philisteen, Te weten der Gasiten, der Asdoditen, der Askloniten, der Gethiten, die Ekroniten, ende die Auiten. | |
4Van tsuyden aen is dat geheele landt der Cananiten ende Maara, der Sidoniers tot Aphek toe, tot aen die palen der Amoriten, | |
5Ga naar margenoot+Daer toe dat landt der Gibliten, ende des gheheelen Libanon, teghen der sonnen opghanck van BaalGad aen, onder den berch Hermon, tot datmen coemt tot Hamath. | |
6Al die opt gheberchte woonen van Libanon aen, tot aen dye warme wateren, ende alle Sidoniers, ic wilse verderuen voor die kinderen Israhel, Legt slechts daer op toe, haer wt te deelen onder Israel, so ick v geboden hebbe. | |
7Dus deelt nv dit lant tot een erue, onder die neghen stammen, ende onder den haluen stam Manasse | |
8Want die Rubeniten ende Gadditen, hebben metten anderen haluen Manasse haer erfdeel ontfanghen, dat hen Mose ghaf, op gheen side der Iordanen, tegen den opganc, so hem dat selue Mose die knecht des HEREN ghegeuen heeft, | |
9van Aroer aen die aent oeuer des waters Arnon leyt, ende die stadt midden int water, ende alle lantschap Medba, tot Dibon toe, | |
10ende alle steden Sihon, des conincx der Amoriten, dye tot Hesbon sadt, tot aen die palen der kinderen Amon. | |
11Daer toe oock Gilead, ende die palen aen Gessuri ende Maachati, ende den geheelen berch Hermon, Ende dat geheele Basan tot Salcha, | |
12Dat geslachte Og tot Basan die tot Astharoth ende Edrei sadt, die welcke noch een vanden ouergebleuene was vanden Raphaim, mer Mose versloechse ende verdreefse. | |
13Die kinderen Israhel en verdreuen die Gessuriten Ga naar margenoot+ ende Maachatiten niet, mer Gessur ende Maachat woonen alle beyde onder die kinderen Israel tot op desen dach, | |
14Mer den stam der Leuiten en gaf hi geen erfdeel, Want dat offer des HEREN des Goods Israel is haer erfdeel, so hi hen ghesproken heeft. | |
16dat hare palen waren Aroer, (die aenden oeuer des waters Arnon leyt) ende die stadt midden int water, met allen effenen velden tot Medba | |
17Hesbon ende alle haer steden die inden velde liggen | |
[pagina *]
| |
Dibon, Bamot, | |
18Baal, ende BethBaal, Meon, Iahza, Kedemoth, Mephaath, Kiriathaim, | |
19Sibama, Zeretha, Sahar opten gheberchte Emek, | |
20BethHeor die beke aen Pisga ende BethIesimoth, | |
21ende alle steden opt effen, ende dat gheheele rijck Sihon des Conincx der Amoriten die tot Hesbon sadt, dyen Moses sloech metten vorsten Midian, Eui, Reken, Zur, Hur, ende Reha, die machtighe des conincx Sihon die inden lande woonden, | |
22Daer toe Bileam den soon Beor, dien waersegger dooden die kinderen Israel metten sweerde metten anderen verslaghenen, | |
23ende dye palen der kinderen Ruben waren die Iordane. Dat is dat erfdeel der kinderen Ruben, met haren geslachten, steden ende dorpen. | |
24Den stamme der kinderen Gad onder haren geslachten gaf Mose, dat hare palen waren Iaezar, | |
25ende alle steden in Gilead, ende dat halue lant der kinderen Amon, Ga naar margenoot+ tot Aroer toe, welck leyt voor Rabbath, ende van Hesbon tot Ramath, | |
26Mizpe tot Betonim, ende van Mahanaim, tot aen die palen Debir. | |
27Maer int dal BethHaram, BethNimra, Sucoth ende Saphon, die ouerbleuen was vanden rijck Sihon, des conincx tot Hesbon, was aen dye Iordane tot aent eynde der zee Cineroth, op dees side der Iordanen tegent oosten. | |
28Dat is dat erfdeel der kinderen Gad in haren gheslachten, steden ende dorpen. | |
29Den haluen stam der kinderen Manasse, onder haren geslachten, gaf Mose dat hare palen waren, van Mahanaim aen, | |
30dat geheele Basan, dat geheel rijc Og des conincx tot Basan, ende alle plecken Iair, die in Basan ligghen, te weten, tsestich steden, | |
31Ende dat halue Gilead, Astharoth, Edrei, dye steden des conincrijcx Og tot Basan, den kinderen Machir des soons Manasse, | |
32dat is dye helfte der kinderen Machir, na haren gheslachte. | |
33Dat is dat Mose wtghedeelt heeft, op dat velt Moab, op gheen side der Iordanen voor Iericho teghent oosten, Maer den stam Leui en ghaf Mose geen erfdeel, Want die HERE die God Israels is haer erfdeel, so hi hen ghesproken heeft. |
|