Den Bybel met groter neersticheyt ghecorrigeert (Liesveltbijbel 1542)

Hier vertelt hi haer Gods insettinghen, statuyten ende Ceremonien ende vermaent haer die te onderhouden, ende haren kinderen die ooc te leeeen.

Dat .vi. Capittel.

1

⁺DIt sijn die seden ende rechten, die dye HERE v God geboden heeft, dat ghise leeren ende doen sout, in dat lant daer ghi henen trect, om dat te besitten.

+ A vers 1

2

Dat ghi den HERE uwen God vreest, ende hout alle sijn seden ende geboden, die ic v gebiede, ghi ende uwe kinderen, ende ws kints kinderen, al dijn leefdage, op dat ghi lange leuen moecht.

3

Israel ghi sult horen ende houden dat ghijt doet, dat v wel geschiede, ⁺ ende seer vermeerdert wort, so die HERE uwer vaderen God, v ghesproken heeft, een lant daer honich ende melc in vloeyt.

+ Math. xxij.d Mar. xij.c. Lu. v.c.

4

Hoort Israel, die HERE onse God is een eenich HERE,

5

⁺ende ghi sult den HERE uwen God lief hebben, van gantser herten, van gantser sielen, na al v vermogen,

+ B vers 5

6

Ende dese woorden die ic v heden gebiede, suldi ter herten nemen,

7

ende ghi sultse uwen kinderen vertellen ende daer af spreken als ghi in v huys sidt, of opten wege gaet, als ghi slapen gaet, oft als ghi op staet,

8

ende ghi sultse binden, tot eenen teeken op v hant, ende sullen v een gedenc teeken sijn voor uwen oogen,

9

ende ghi sultse op die posten van uwen huysen scrijuen ende aen die poorte.

10

⁺Als die HERE v God, v in dit lant brengen sal dat hi gesworen heeft uwen vaderen, Abraham, Isaac, ende Iacob, v te geuen grote ende goede steden, die ghi niet gemaect en hebt,

+ C vers 10

11

ende huysen vol van allen goeden, die ghy niet geuult en hebt, ende gegrauen fonteynen, die ghi niet gegrauen en hebt, ende wijngaerden ende olijfgaerden dye ghi niet geplant en hebt, ende dat ghi eet ende sat wort,

12

So wacht v, dat ghi niet en vergeet des HEREN, die v wt Egipten lant, wt den dienstachtigen huise geleit heeft

13

Mer ghi sult den HERE uwen God vreesen ende hem alleen dienen. Ende bi sinen naem sweeren,

14

ende ghi en sult geen ander goden na volgen, der heydenen die om v sijn,

15

want die HERE v God, is een sterc zeloers God, ⁺ inden midden van v, dat den toren des HEREN ws Gods op v niet en vergramme ende v verdoe vander aerden.

+ Marci iiij.b lu. iiij.b

16

Ghi en sult den HERE uwen God niet tempteren ghelijc ghi hem tempteerdet te Massa,

17

Maer ghy sult die geboden ws HEREN ws Gods houden, ende sijn getuigenissen, ende sijn seden die hi geboden heeft

18

ende dat ghijt doet, dat recht ende goet is, voor den oogen des HEREN, op dat v wel gescien mach ende in comen ende besitten tgoede lant,

19

dat die HERE gesworen heeft

[p. *]

uwen vaderen, dat hy alle v vyanden veriagen soude, voor v, so die HEREE gesprokeu heeft

20

⁺Als v kint heden oft morgen vragen sal, ende segghen. Wat willen dese getuygenissen, seden, ende rechten die v die HERE onse God gheboden heeft?

+ D vers 20

21

Dan suldy uwen sonen seggen. Wi waren Pharao knechten in Egipten, ende dye HERE leyde ons wt Egipten met een machtighe hant,

22

Ende die HERE dede groote ende quade teekenen, ende wonder ouer Egipten, ende Pharaoni, ende alle sinen huyse voor onse oogen,

23

ende hi leyde ons van daer, om dat hi ons leyden soude, ende ons dat lant geuen, dat hi onsen vaderen gesworen hadde,

24

ende die HERE heeft ons geboden, dat wi na alle dese seden doen souden, ende dat wi den HERE onsen God vreesen souden, om dat ons wel ghescien soude, alle onse leuen lanc, gelijckt heden schijnt,

25

ende het sal ons tot gerechticheyt gedijen voor den HERE onsen God ende die HERE onse God sal ons ghenadich wesen, behouden wi, ende doen wy, alle dese gheboden, so hi ons gheboden heeft.