Den Bybel met groter neersticheyt ghecorrigeert (Liesveltbijbel 1542)

[p. *]

Hier beghint dat boec Numerus opt Hebreeusch Vaiddabar, ende opt Duytsche, tboeck der Tellinghen.

Hier worden die kinderen Israels ghetelt, ende ghemonstert, na haer stamnen, Ende alle die totten strijdt bequame sijn, ende die hooftlieden worden bescreuen. Mer dat geslacht Leui, wort totten dienst des Tabernakels gheordineert

Dat .I. Capittel

1

⁺ENde dye HEERE sprac met Mose in die woestine Synai, in die tente des getuychnis, opten eersten dach vander andere maent inden anderden iaer, na dat si wt Egipten ghegaen waren, segghende.

+ A vers 1

2

Neemt die somme vander geheelder gemeynten der kinderen van Israel, na haren geslachten, ende haerder vaderen huysen, biden getale der namen.

3

Al wat manlic is van hoofde tot hoofde, van xx. iaren, ende daer ouer, al die bequaem sijn om int heyr van Israel te trecken, ende sultse tellen na haren heyren, ghi ende Aaron,

4

ende sultse ooc tot v nemen, eenen hooftman van elcken geslachte, ouer sijns vaders huys.

5

Dit sijn die namen der hooftlieden, die met v staen sullen, Van Rubens geslachte, si Eleezar Sedeurs soon

6

van Simeon, si Selumiel, Zuri Sadai soon,

7

Van Iuda si Nahesson Aminadabs soon,

8

van Iaschar si Nathaneel Zuar soon,

9

van Zebulon, si Eliab, Helon soon van Iosephs kinderen van, Ephraim, Elisama Amihud soon,

10

van Manasse Gamaliel, PedaZur soon

11

van BenIamin, Abidan, Gideons soon,

12

van Dan Ahieser AmmiSadai soon,

13

van Asser, Pagiel Echrans soon,

14

van Gad si Eliasaph Reguels soon

15

van Naphthali, si Ahira Enan sone.

16

Dit sijn de vermaerde der gemeynten, die hooftlieden vanden geslachten haers vaders, ⁺ die doen hooftlieden, ende vorsten in Israel waren,

+ B vers 16

17

Ende Mose ende Aaron namense aen so dat si daer met namen genaemt sijn,

18

ende vergaderde ooc die gheheele ghemeynte, inden eersten dage der andere maent, ende rekendese na haerder geboorten, na haren geslachten, ende haerder vaderen huysen, met haren namen van twintich iaren, ende daer ouer van hooft tot hooft,

19

so die HERE Mose geboden hadde, ende teldese in die woestine Sinai.

20

Die kinderen van Ruben, Israels eerste soon, haer maescap ende geslacht, na haerder vaders huysen, int getal haerder namen, van hooft tot hooft, al watter manlic was,

21

van twintich iaren, ende daer ouer, totten strijde bequaem werden getelt vanden geslachte Ruben xlvi. duysent ende vijf hondert.

22

⁺Van Symeon kinderen, nae haren gheslachten ende familien, na haerder vaders huysen, ende dat getal der namen, van hooft tot hooft, al wat manlijc was van twintich iaren ende daer ouer, ende dat totten strijde te trecken bequaem was,

+ C vers 22

23

werden getelt van Simeons geslachte .lix. duysent ende driehondert.

24

Gads kinderen haer gheslachte ende familien, na haerder vaders huysen, in dat getal der namen van twintich iaren, ende daer ouer, wat int heyr te trecken bequaem was,

25

werden ghetelt in Gads geslachten xlv duysent, seshondert ende vijftich

26

Die kinderen van Iuda, haer geslachte ende familien, na haers vaders huysen, ende dat getal der namen, van twintich iaren, ende daer ouer al wat int heyr te trecken bequaem was,

27

⁺werden getelt vanden geslachte Iuda lxxiiij. duysent, ende seshondert

+ D vers 27

28

Die kinderen van Isachar, haer geslachten ende familien, na haerder vaders huysen, ende na dat getal der namen, van twintich iaren ende daer ouer, wat in dat heyr te trecken bequaem was,

29

werden getelt vanden geslachte van Isaschar .iiiij. duysent ende vierhondert.

30

Die kinderen van Sebulon haer geslachte ende familien na haers vaders huysen, in dat getal der namen, van twintich iaren ende daer ouer, wat in dat heyr te trecken bequaem was,

31

wert getelt van Sebulons geslachte lvij. duysent, ende vierhondert

32

Iosephs kinderen van Ephraim, haer geslachte ende familie, na haers vaders huis, in dat getal der namen van twintich iaren, ende daer ouer, wat int heyr te trecken bequaem was,

33

werden getelt van Ephraims geslachte veertich duysent, vierhondert

34

⁺Die kinderen van Manasse, haer geslachte ende familie. na haers vaders huys, in dat getal der namen van twintich iaren ende daer ouer, dat int heyr te trecken bequaem was,

+ E vers 34

35

werden getelt totten geslachte Manasse .xxxij. duysent twee hondert

36

Die kinderen van BenIamin haer geslachte ende familie, na haers vaders huys, in dat getal der namen van twintich iaren ende daer ouer, wat int heyr te trecken bequaem was,

37

werden getelt totten geslachte BenIamin .xxxv. duysent, ende vierhondert

38

Die kinderen van Dan haer geslachte ende familie na haers vaders huys, in dat getal der namen van twintich iaren ende daer ouer, watter bequaem was om int heyr te trecken,

39

werden getelt totten geslachte Dan lxij duysent ende seuen hondert

40

Die kinderen Asser, haer geslachte ende familie haers vaders huys in dat getal der namen, ⁺ van twintich iaer ende daer ouer, wat in dat heyr te trecken bequaem was,

+ F vers 40

41

werden getelt totten geslachte Asser .xli duysent, ende vijfhondert

42

Die kinderen van Naphtali haer geslachte ende familie, na haers vaders huys, in dat getal der namen van twintich iaren ende daer ouer, dat int heyr trecken mochte,

43

werden ghetelt totten geslachte Naphthali .liij.M.cccc.

Dit sijnse die Mose ende Aaron metten twaelf vorsten van Israhel telden,

44

elc was ouer een sijns vaders huys.

45

⁺Ende die somme der kinderen van Israel, na haerder vaderen huysen, van twintich iaren, ende daer ouer, wat int heyr trecken mochte onder Israel

+ G vers 45

46

die was ses mael hondert duysent ende drie duysent .v. hondert ende .l.

47

Mer die Leuiten na haerder vaders gheslachten, en werden daer onder niet ghetelt

48

Ende die HERE sprac met Mose seggende,

49

Dat geslachte Leui en suldi niet tellen, noch haer somme nemen, onder die kinderen van Israel,

50

Mer ghi sultse ordineren totten Tabernakel des getuychnis, ende tot alle der gereetscappen, ende tot alle datter toebehoort Ende si sullen den Tabernakel dragen, ende alle die gereetscap, ende sullen in dienste staen, ende haren leeger daerom maken.

51

Ende alsmen reysen sal, so sullen die Leuiten den Tabernakel afnemen, mer alsmen dat heyr leegeren sal, sullen si den Tabernakel op slaen, So wie dat vanden vreemden daer toe ghaet, die sal steruen

52

Die kinderen van Israel sullen haren leeger maken een yegelijc sinen leger, ende bi die banieren van zijnder scharen.

53

Mer die Leuiten sullen haren leger maken om den Tabernakel des ghetuychnis, op dat

[p. *]

geen gramschappe en come ouer die gemeynte der kinderen van Israel, daerom sullen die Leuiten die tente waken, aen den Tabernakel des getuychnis,

54

Ende die kinderen van Israel dedent altemale, so die HERE Mose geboden hadde