Den Bybel met groter neersticheyt ghecorrigeert (Liesveltbijbel 1542)

¶ Ioseph wert van sinen heere in Egypten, dien hi vercocht was bemint, hi wert van sijns heeren huysurouwe tot oncuyscheydt verwect, ende als hi haer niet en wilde consenteren, soo werde hy gheuanghen inden kercker.

Dat .xxxix. Capittel.

1

⁺IOseph wert neder in Egypten geuoert ende Potiphar een man van Egipten Pharaos hoofmeester, cocht hem vanden Ismaeliten, die hem van daer af brochten

+ A vers 1

2

Ende die HERE was met Ioseph, dat hi een geluckich man wert, ende was in zijns heeren des Egiptenaers huys,

3

Ende sijn heere sach dat die HERE met hem was, want al wat hi dede dat liet die HERE geluckich vergaen duer hem,

4

also dat hi genade vant voor sinen heere, ende werdt sijn dienaer, ende stelde hem ouer sijn huys, ende al wat hy had, dede hy onder Iosephs handen,

5

ende van dier tijt aen als hi hem ouer sijn huys ende alle zijn goeden gesedt had, gebenedide de HERE des Egyptenaers huys, om Iosephs wille, ende ten was niet dan gebenedidinge des HEREN, in allen wat hi had in huys, ende opten velde,

6

daerom liet hijt al onder Iosephs handen, wat hi hadde, Ende Ioseph en had niet daer af, dan slechts dat broot dat hi adt, Ende Ioseph was schoon ende huepsce van aensicht.

7

Ende het gebuerde na dese geschiedenisse, dat zijns heren wijf haer oogen op Ioseph werp, ende sprac slaept bi mi.

8

Hi weigerde hem ende sprac tot haer, siet mijn heer en

[p. *]

weet niedt watter in huys is, ende al wat hy heeft dat heeft hy onder mijn handen ghedaen,

9

Ende en heeft niet soo groot inden huyse, dat hi voor my verholen heeft, sonder v alleen, want ghi zijt sijn wijf, hoe soude ick dan nv so grooten quaet doen, ende teghen God sondighen?

10

maer si had sulcke woorden tegen Ioseph alle dage, mer hi en verhoordese niet, dat hi neffens haer sliepe, noch bi haer ware.

11

Het ghebuerde op eenen dach, dat Ioseph in dat huys ghinck om sijn dinghen te doen, ende daer en was gheen mensche vanden gesinne des huys daer bi,

12

ende si vattede hem by sinen cleede, ende sprack, Slaept bi mi, maer hi liet dat cleet in haerder hant, ende vloet, ende liep ten huyse wt.

13

Als si nv sach, dat hy zijn cleet in haer hant liet, ende ontulooch,

14

⁺riep si tgesinne in huys, ende sprac tot hen lieden. Siet ghy hebt ons den Ebreeuschen man ghebrocht, dat hi ons te scanden maken soude, Hi quam tot mi hier in, om dat hi bi mi slapen wilde, ic riep met luyder stemmen,

+ C vers 14

15

ende doen hi hoorde dat ick gheluyt maecte ende riep, doen liet hi sijn cleet bi mi, ende vloot ende liep wech wt,

16

Ende si leyde sijn cleet neffens haer, tot dat sijn here thuys quam,

17

ende seyde hem oock die selue woorden, ende sprack, Die Hebreeusche knecht die ghy ons hier in bracht hebt, quam tot mi hier in, dat hi mi tot schande brenghen soude,

18

maer doen ick een gheruchte maecte ende riep, doen liet hi sijn cleet bi mi, ende vloot wech wt.

19

Als die heere hoorde die reden sijns wijfs die si hem seyde ende sprac, also heeft my die Hebreeusche knecht gedaen, wert hi seer toornich.

20

Ende sijn heere nam Ioseph ende leyde hem int geuanghenisse, daer des coninghen gheuanghenen in laghen, ende lach aldaer int gheuanghenis,

21

⁺Maer die HERE was met hem, ende ontfermde sijns, ende liet hem ghenade verweruen voor den meester des gheuanghenissen,

+ D vers 21

22

dat hy hem beual alle die gheuanghenen inder gheuangenissen onder sijn hant, op dat alle wat daer gheschiede, door het gheschieden moeste,

23

want die meester des gheuangenis sach dat die HERE met hem was, in alle dat onder sijn handen was, ende dat die HEERE gheluckichlic vergaen liet wat Ioseph dede.