Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens

[p. 143]

Een ander nieu Geestelijck Liedeken van het nieuwe Ierusalem,

op de wijse, Maximilianus de Bossu.

Gheluckich en salich zijnse Heer,
Die in v huys mogen woonen
V soete presentie verheucht haer seer,
Reyn liefde sy v betoonen
Zy loven v inder eewicheyt,
Dat ghy so schone stadt hebt bereyt
Om v dienaers daer in te croonen.

Dese stadt is wtgenomen schoon

Sy en sal oock niet verwoesten,
Want het is uwen heyligen troon,
Wie en sou daer niet na lusten,
Daer altijt genuechte is sonder verdrach
Daer duysent Iaer is als eenen dach,
Wel haer die daer in rusten.

Soeckt dese stadt doch allegaer,

En wilt die werelt laten
Haer mueren zijn als Iaspis claer,
Als fijn gout zijn haer straten,
Van gesteenten en van peerlen net,
Zo zijn haer poorten fray beset
Zy is schoon boven maten.

Die inwoonders van dese stadt Gods reyn,

Zijn verciert met blinckende cleeren,
Sy hebben hier in dit aertsche pleyn
Gedient den Heer der Heeren
Haer Lampen vercieret met olie saen
Tot den Bruydegom zijn zy ingegaen
In die vreuchde die niet sal keeren.

Dit is haer meeste vreucht gewis,

Die zy hebben warachtich,

[p. 144]

 

Godt claer te aenschouwen gelijck hy is,

 

In zijn Goddelijck wesen crachtich,

 

Van zijn claer blinckende aenschijn goet

 

V comt alle ghenuechte ende vruechden soet,

 

Dus loven sy hem eendrachtich.

 

Sy hebben oock vreucht en melodije,

 

Te aenschouwen die schoon vriendinne,

 

Maria Godts moeder en maghet blije,

 

Die hemelsche Coninginne,

 

Die neghen chooren der Engelen jent

 

Die schoonheyt der Hemelen excellent,

 

Dit verhuecht haer hert en sinne.

 

Haer vreucht die is onspreeckelijck,

 

Die haer nu is gegheven,

 

Om dat sy weten sekerlijck,

 

Dat haer namen zijn gheschreven

 

In het boeck des levens reyn onbevleckt,

 

Dit maeckt haer vreuchden gheheel perfeckt,

 

Dat zy eeuwich daer sullen leven

 

Daer en is gheen droefheyt oft verdriet,

 

Gheen lyden en mach haer crencken,

 

Maer wat daer is en weetmen niet,

 

Gheen herte en kant bedencken,

 

Die schoonheyt van dese nieuwe Stadt,

 

Met al haer glorie, vreucht en schat

 

Sal Godt zijn dienaeren schencken.

 

Ghy edele Christianen fier,

 

Wilt dit toch wel versinnen,

 

En wilt die weerelt versmaden hier,

 

Om dese stadt te winnen,

 

Noyt menschen tonghe en hevet verbreyt,

 

Wat glorie onse heer heeft bereyt.