Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens


Hier beginnen die Liedekens met die Refereynen vant Hoochweerdich, Heylich Sacrament des Autaers. Hymnus. Pange Lingua.
En gaet op de selfde wijse. O mijn tong wilt vrolic singen tgloriose lichaems cracht Wiens costlijck bloet men sach springen als swerelts ransoen geacht Tis d’vrucht die welck gheringhe quam van een Conincx geslacht. Nobis natus. Ons geboren ons gegeven Wt een maeget onbesmet In dees werldt ginck hy sweven Spreyende t’saet des woordts zeer net Maer sijn wandel in dit leven Heeft hy wonderlick beset. In Supreme. Des nachts sijn laeste maeltijt Als hy met sijn broeders sat Onderhielt hy die wet zeer blijdt Want hy t’oude Paeschlam at En gaf tot spijs gebenedijt Sijn zelfs als een costlick schat
[pagina 110]
Verbum caro. V woordtg vleysch zijnde, heft waerachtich Door twoort van t’broot vleysch gemaeckt En van wijn zijn bloedt seer crachtich T’welck niet, en mach zijn gelaeckt Want een goet hert hier voordachtich Door t’geloof tot sterckheyt raeckt. Tantum ergo. Laet ons ootmoedich aenbeden Soo waerdigen Sacrament En voor d’oude leer met reden Laet den nieuwen sijn bekent Ons verstant laet t’allen steden Door t’geloof zijn ongeschent. Den vader en soon gepresen Lof jubilatie Salicheydt, eer, cracht mits desen Sy en benedictie Die van beyden compt geresen Gelijcke Laudatie Amen.

Hier beginnen die Liedekens met die Refereynen vant Hoochweerdich, Heylich Sacrament des Autaers.