XV. Hoe die coninc Artur op Lancelote vard, ende hoe si enen starken strijt hadden.
Nu seget die daventure screef,
Dattie coninc alden winter bleef
7495[regelnummer]
Te Logres in dat conincrike,
Ende was daer herde paiselike,
Ende hine was om gene sake
Ende binnen dat hevet dorreden
7500[regelnummer]
Sine castele ende sine steden;
Soe heeft min her Walewein van ere dinc
Altoes vermaent den coninc,
Dat hem des gedinken woude,
Dat hi op Lancelote varen soude,
7505[regelnummer]
Soe dat hem die coninc geloefde dan
Tontbiedene alle sine man
Die wapine doe mochten dragen,
Ende sindense vore, al sonder verdragen
Op Lancelote met groten here,
7510[regelnummer]
Om hem te doene selke dere,
Dat hi hem sine vesten al
Van Benewijc ende van Gaunes vellen sal,
Soe dattere ne sullen ne gene
Stene licgende [bliven] op stene.
7515[regelnummer]
Dit belof dede Artur die coninc
Waleweine bi dire selver dinc,
Om dat hi hem nacht ende dach
Hem van desen so vaste anlach,
Soe dat hi hem sulke dinc behiet,
7520[regelnummer]
Die hi hem mochte volbringen niet.
| |
Bedie als hi dit te doene quam
Hi vant den genen diet hem benam,
Dat hi der steden ne gene dere
Ne mochte doen, al haddijs gere.
7525[regelnummer]
Na paschen, alse die coninc vernam
Dat hem die neuwetijt toequam,
Ende dat coude was versceden,
Dede hit sine scepen gereden.
Ende alse sijn here al vergadert was
7530[regelnummer]
Binnen Logres, alsict las,
Mijn her Walewein vragede te hant
Sinen oem den coninc in wies hant
Hi die coninginne laten soude?
Die coninc werd pensende also houde
7535[regelnummer]
Wien hi met hare laten soude, sonder waen.
Mordreit, Waleweins broder, sprac saen:
‘Here, wildi, ende donket u goet,
Ic salse nemen in min behoet;
Ende gi moget sekerre sijn van hare
Ende die coninc antwerde hem doe,
Dat hi wel wille dat si alsoe,
Dat hise wachte ende ware name
Gelijc dat hi soude sinen lichame.
7545[regelnummer]
Mordret antwerde alsoe houde,
Dat hise alsoe ontfaen woude.
Die coninc namse bider hant
Ende leveretse Mordrette te hant,
Ende seide: ‘Ic bevele hier u
7550[regelnummer]
Dat gi alsoe getrouwelike nu
Behoet allen tijt ende bewacht,
Alse goetman ende getrouwe
Sculdech es te sine sire vrowe,
7555[regelnummer]
Die sijns gerechs heren wijf es.’
Die coninginne was sere drove des,
Dat si was geleverd Mordrette
Te hoedene, wel bi sire smette;
7560[regelnummer]
Dat hi was ongetrowe ende fel,
Dattere haer quaet af comen mochte,
Soe deet oec vele meer dan si
Waende ende pensde daerbi.
7565[regelnummer]
Die coninc gaf Mordrete oec ende beval
Die sloetele van sinen scatte al,
(Om dat hem Mordreit sinden soude,
Hadde hi van silvere ende van goude
Te doene, dat hijt hem nare
7570[regelnummer]
Senden soude, waer dat hi ware,
Oft hijt ontbode) ende ander dinc.
Daerna beval Artur die coninc
Alden lieden vanden lande, ende hiet
Dat si en souden laten niet,
7575[regelnummer]
Sine souden alle gemeinlike
Mordrette onderdaen sijn geheellike;
Ende hi deet hen sweren gereet.
Ende si daden daeraf haren eet,
Datten coninc soe swaerlike
7580[regelnummer]
Sider berau ende soe droeffelike,
Alst sident wel sceen al bloet,
Daer hi jegen hem vacht enen wijch groet
Opten plein van Salesbiren,
Alse gi hierna sult horen sciren.
7585[regelnummer]
Die coninc voer doe van Logres thant
Ende quam doe ander zeecant
Met groten here, ende hem quam naer
Die coninginne ende gebrachten tot daer,
Ja, woude die coninc oft ne woude.
7590[regelnummer]
Ende alse die coninc int scip gaen soude
Begonste si te weenne sere,
Ende sprac toten coninc haren here,
Daer hise custe, ende si seide:
‘Here, God si in u geleide
7595[regelnummer]
Daer gi mict te varne nu,
Ende mote gesont wederbringen u
Bi sire genaden, tuwer ere!
Sekerlike, in hadde noit ere
Soe grote vrese, here, om u
7600[regelnummer]
In ene vard, alsic hebbe nu.
Ende wat so gesciet, live here,
Van uwen wederkerne nu mere,
Min herte seget mi van dien
Dat ic u nembermer sal sien
7605[regelnummer]
In minen live, no gi mi.’
- ‘Vrowe, gi sult, oft God wilt,’ sprac hi;
‘En hebt niet in uwen sinne nu
Soe grote vrese, dat radic u;
An vrese te hebne mogdi niet
7610[regelnummer]
Winnen, wat soe ons els gesciet.’
Die coninc es int scip gegaen.
Si traken op die zeile saen
Ende zeilden wech met groter spoet.
Si hadden den wint te vollen goet,
Soe verre in die zee gevaren,
Dat si geen lant mochten gesien.
Die wint was so goet, dat si bi dien
Varinge ant ander lant quamen.
7620[regelnummer]
Tirst dat si hen ant lant vernamen
Die coninc beval alsoe houde
Datmen tharnasch ute trecken soude,
Ende datmen neve die rivire saen
Die paulione soude doen slaen.
7625[regelnummer]
Het werd metter vard gedaen al
Alsoe alst die coninc hiet ende beval.
Die coninc reste dien nacht daer.
Hi porde sanderdages daernaer,
Ende hi dede tellen al sonder sparen
7630[regelnummer]
Hoe vele daer met hem waren.
Int tellen vantmen dat hi dan
Hadde met hem .lx. dusent man.
Si reden so vort, dat si vernamen
Dat si int lant van Benewic quamen.
7635[regelnummer]
Alsire binnen quamen si vonden
Alle die castele tien stonden
Wel bewaerrent; bedie Lanceloet
Hadse wel versien, clein ende groet.
Die coninc beriet hem tien tiden
7640[regelnummer]
Te wat steden dat hi wilde tiden.
Mijn her Walewein sprac metter vard:
‘Here, wi selen tiden te Gaunesward,
Daer es tgeselscap al geheel;
Die coninc Bohort entie coninc Lyoneel,
7645[regelnummer]
Lanceloet ende Hestor mede,
Si wonen alle te dire stede.
Mochtewi die stede binnen
In eneger maniren gewinnen,
Wi souden dan inden hastelike
7650[regelnummer]
Onse orloge, ende lichtelike.’
Coninc Uriens [sone], min her Ywain
Sprac te hant: ‘Owi, her Walewein,
Het es sot dat wi varen nu
Te dire stede, dat secgic u;
7655[regelnummer]
Bedie daer es die hoverde al,
Ende hare macht groet ende smal,
Van ridderscepe menegerhande,
Dat si hebben bi al haren lande,
Soe dat ons nu beter ware
Dorpe ende castele, sonder waen,
Die omtrent die stede staen,
Soe dat onsen lieden van dien
En gene dere mochte gescien
7665[regelnummer]
Alse die stede beseten sal wesen.’
- ‘Ne temayert u niet van desen,’
Sprac min her Walewein te hant;
‘Hier nes niemen so stout int lant,
Die tijt dat wi hier sijn, di dorren
7670[regelnummer]
Sal ut sinen castele porren.’
| |
Die coninc hi sprac doe twaren:
‘Laet ons dan te Gaunes varen.’
Dus maecte die coninc sine vard
Bi haren rade te Gaunesward.
7675[regelnummer]
Ende alse die coninc te Gaunes quam
Met sinen here, hi vernam
Ene oude vrowe te hemward
Tirst dat si sach Arture den coninc
7680[regelnummer]
Kinnet sine ende sprac dese dinc:
‘Coninc, siet daer die stede vor u
Die gi sult varen besitten nu.’
- ‘Dat wetic wel,’ sprac die coninc.
- ‘Sijt seker,’ sprac si, ‘in waerre dinc,
7685[regelnummer]
Dat gi doet dulheide ende quaet,
Ende horet nu oec na dullen raet;
Bedie dat gi dit hebt bestaen
En sal u niet teren vergaen.
Gine sult die stede niet winnen
7690[regelnummer]
No die gene dire sijn binnen.
Gi sulter af keren, al sonder waen,
Ende selter niet an hebben gedaen.
Die gi bejagen sult daer an.
7695[regelnummer]
Ende gi, Walewein, die dese dinc
Hebbet geraden den coninc,
Ende daert al es begonnen bi,
Ic wille dat gijt wet, dat gi
Soe u scade suit jagen in dien,
7700[regelnummer]
Dat gi nembermer sult sien
Met bliscepen van Logres tconincrike,
Ende moget wel secgen waerlike
Dat u nakende es die termijn
Die u vormaels beloeft heeft gesijn
7705[regelnummer]
Alse gi vanden coninc Vischere sciet,
Daer gi had scande ende verdriet.’
Alsi dat hadde geseit reet si
Met groter haest van hem daerbi,
Om dat si nine wilde tien tiden
7710[regelnummer]
Na heren Waleweins antwerde ontbiden,
No na sconincs antwerde mede;
Ende voer te Gaunes in die stede,
Ende ginc vort met groter vart
Tote Lancelote en ten tween coningenward,
7715[regelnummer]
Daer si met groten ridderscepe
Waren ende met groten geselscepe.
Ende tirsten dat si vernam
Dat si int hoge palais quam,
Si ginc ten tween coningen saen
7720[regelnummer]
Ende dede hen daer verstaen
Dattie coninc Artur doe ware
Gaunes bi ere milen nare,
Ende datmer mochte sien al dan
Daer buten wel .lx. dusent man.
7725[regelnummer]
Si antwerden hare: ‘Laet wesen,
Wine sijnre niet af in vresen.’
Si spraken des Lancelote toe:
‘Here, wat donct u goet datmen doe?
Die coninc doet lotgiren sijn here:
7730[regelnummer]
Weder wildi datmen hem were
Soe datmense late vol lotgiren?’
Lanceloet sprac in deser maniren:
‘Hets goet datmen mergen oploep doet.’
Dit selve sprac die coninc Bohort.
7735[regelnummer]
Soe dede Lyoneel die coninc.
Si priesden alle dese dinc.
Ende Lanceloet dede doe gebieden
In die port allen den lieden,
Dat sijt alle mochten [weten],
7740[regelnummer]
Dat si souden sijn vroech opgeseten
Des ander dages te primtide.
Hier af waren vele liede blide,
Die dat orloge minden alsoe sere
Alse den pais, ende vele mere.
7745[regelnummer]
Des anderdages sijn, sonder waen,
Die van binnen tilijc opgestaen
Ende wapenden hen al sonder sparen,
Alse die tilijc ut wilden varen;
Ende si quamen alle opgeseten
7750[regelnummer]
Daer si Lancelote doe weten,
Ende die twee coninge mede.
Lanceloet ende Hestor bede
Ordenerden die battalgen dan
Ende gaven elkere haren leitsman.
7755[regelnummer]
Ende alsoe maecten, sonder falgen,
Die vanden here .xx. battalgen.
In die irste was min her Walewein,
Ende met hem min her Ywein,
Bedie dat si hadden verstaen
7760[regelnummer]
Dat Lanceloet ende Bohort, sonder waen,
In die irste batalge tien tiden
Soude wesen vander ander siden.
Tirst datsi uten porten waren
Daer vergaderen souden die scaren,
7765[regelnummer]
Lanceloet ende min her Walewein,
Ende Bohort ende min her Ywein,
Daer stac elc anderen ter aerden,
Dat si vielen al metten paerden,
So dat Bohort min her Yweine stac
7770[regelnummer]
Dat hi wel na den arm brac.
Ende die batralgen tien tiden
Vergaderden in beiden siden.
Maer Lanceloet was metter vard
Weder geseten op sijn part,
7775[regelnummer]
Ende min her Walewein oec gerede
Was vollijc op sijn part ter stede,
Waest den anderen lief oft leet.
Doen gincmen daer striden gereet
Die battalgen in beiden siden.
7780[regelnummer]
Dus gincmen daer vechten tien tiden.
Daer bleef menech riddere tier stede
Doet ende menech goetman mede.
Ten irsten dat quam inden strijt
Die coninc Lyoneel te dier tijt
7785[regelnummer]
Mochtmen sien in velen maniren
Arturs liede hem falgiren
Om dat wonder dat si sagen ter stede
Dattie coninc Bohort daer dede;
Soe dattie van buten bi desen
7790[regelnummer]
Sere tonder souden hebben gewesen,
En hadde geweest Artur die coninc,
Die dien dach wel hilt sinen rinc,
Ende wel vacht als een prinse cone,
Ende wonde den coninc Lyone
7795[regelnummer]
In sijn hoeft inden selven strijt,
Soe dattie van binnen tier tijt,
Om dat sine so gewont sagen wesen,
Daerbi soe worden in vresen,
Dat si haer vechten liten staen
7800[regelnummer]
Ende keerden weder in di port saen,
Aldus vergaderden die van binnen
Optie van buten met onminnen
Binnen ere weken vier warf,
Daer menech goet riddere om starf
7805[regelnummer]
In beiden siden in dit horeest.
Ende die van buten verloren meest,
Bedie Lanceloet ende Bohort
Ende Hestor waren ember vort
Even gereet hem selven te weerne,
7810[regelnummer]
Ende haren viant, hem te derne,
Soe dat bi desen drien waren
Versekert sere alle hare scaren.
Ende die van buten waren verladen
Sere bider drier heren daden.
7815[regelnummer]
Nu swiget hier af die aventure
Ende sal spreken nu ter ure
Van Mordrette, dien de coninc liet
Die coninginne, als hi van lande sciet.
|
|
Auteursrechtvrij