Het keurboek der stad Diest

[p. 19]

Van kerken ende steenweghen te ergerne of tscadene, lxv⁽¹⁾.

1.	Wie steene, die ter kerken, steenweghe ocht der stad toe behooren, nempt ende enwech dreeght, saels ghelden xx. s.
2.	Die de kerke ergert met werpene, met scietene, ocht in anderen manieren, saels ghelden xx. s.

(1) Deze rubriek luidt aldus in B: Item, soe wie stene, die der kerken ocht den steweghen, ocht der stad tubehoeren, nemt ende ewegh dreeght, ocht brect, ocht daerane scade duet, zaels ghelden xl. s. Ende die enich hout, ocht stene van enegher brugghen mueren van Dyest nemt ende ewegh dreeght ocht brect, ocht daerane scade duet, zaels oec xl. s. ghelden, ende met enen ghetughe, ende die scade verrichten.