Het keurboek der stad Diest

[p. 13]

Van den waghenen met vuerte voert te gaene, ende in wat straten, l.

1.	Me sal alrande vuerte coepen smaendaeghs, tsgodensdaeghs^(1) ende tsvridaegs, in dOverstrate, in de Nuwestraete ende op de Houtmarct, toter capellen toe, en daer binnen; diet elwaer cochte souds ghelden iij. s.
2.	Ende die ghene die vuerte bringhen te coepe suelen varen binnen dien vorghen. steden, ende niet elre^(2) dan in die^(3) stede of straten^(4) voederen op eene pene van vj. d.
3.	Sij en weerden belet van den vorsten waghenen^(5). En dan sal die vorste, diet belet, gelden ende dandere quite^(6) vj. d.

(1) B: tsgoensdaeghs.

(2) B: nerghint.

(3) B: selve.

(4) Of straten ontbreekt in B.

(5) Waghenen ontbreekt in B.

(6) B: ende dandere zoelen quite zijn.