Karel ende Elegast
(1969)–Anoniem Karel ende Elegast–
Auteursrechtelijk beschermd
[Folio 1r]
| |
[Folio 2r]
| |
FRaeye historie ende al
waer
Mach ic v tellen hoort naer
Het was op enen auontstont
Dat karel slapen begonde
5[regelnummer]
Tengelem op den rijn
Dlant was alle gader sijn.
Hi was keyser ende coninc mede.
Hoort hier wonder ende waerhede
Wat den coninc daer gheuel
10[regelnummer]
Dat weten noch die menige wel
Tenghelem al daer hi lach
Ende waende op den anderen dach
Crone draghen ende houden hof
Om te meerderen sinen lof
15[regelnummer]
Daer die coninc lach ende sliep
Een heilich engel aen hem riep
So dat die coninc ontbrac
Biden woerden die dengel sprac
Ende seyde staet op edel man.
20[regelnummer]
Doet haestelic v cleeder an
Wapent v ende vaert stelen.
God die hiet mi v beuelen
Die in hemelrike is here
Of ghi verliest lijf ende eere
25[regelnummer]
En steeldi in deser nacht niet
So is v euel gheschiet.
Ghi sulter omme steruen
Ende uwes leuens deruen
| |
[Folio 2v]
| |
Eer emmermeer scheit dit hof
30[regelnummer]
Nv verwacht v daer of
Vaert stelen of ghi wilt.
Neemt uwen speere ende uwen schilt
Wapent v sit op v paert
Haestelic ende niet en spaert
35[regelnummer]
DIt verhoorde die coninc
Het docht hem een vreemde dinc.
Want hi daer niemant en sach
Wat dat roepen bedieden mach
Hi waendet slapende hebben gehoort
40[regelnummer]
Ende hilt hem niet an dat woert
Dengel die van gode quam.
Sprac den coninc als die was gram
Staet op karel ende vaert stelen
God hiet my v beuelen
45[regelnummer]
Ende ontbiedet v te voren
Anders hebdi v lijf verloren
HEt dien woerde sweech hi
Ende die coninc riep ay mi
Als die seere was vereent
50[regelnummer]
Wat ist dat dit wonder meent
Ist alfs ghedroch dat mi quelt.
Ende dit grote wonder telt
Ay hemelsche drochtijn
Wat node soude mij sijn
55[regelnummer]
Te stelen ic ben so rike
En is man in aertrijcke.
| |
[Folio 3r]
| |
Weder coninc noch grauen:
Die so rijc sijn van hauen
Si moeten mi sijn onderdaen
60[regelnummer]
Ende te minen diensten staen
Mijn lant is so groot
Men vint nyewers sijns ghenoot.
Dlant is algader mijn
Tot colene opten rijn
65[regelnummer]
Ende tot romen voort
Alst den keyser toe behoort
[.]C ben here mijn wijf is vrouwe
Oest totter wilder denouwe
Ende west totter wilder see
70[regelnummer]
Nochtans heb ic goets veel meer
Galissien ende spandien lant
Dat ic selue wan mitter hant
Ende ic die heydene verdreef
Dat mi tlant alleene bleef
75[regelnummer]
Wat node soude mi sijn dan
Te stelen ellendich man
Waer om ontbiedet mi dit god
Node brekic sijn ghebot
Wistic dat hijt mi ontbode
80[regelnummer]
En mochs niet ghelouen node
Dat mi god die lachter onste
Dat ic te stelen begonste:
Daer hi lach in dit ghepeyns.
Hare tale weder ende gheyns
| |
[Folio 3v]
| |
85[regelnummer]
So vaecte hi een luttelkijn
So datti looc die oghen sijn
Doe seide dingel van te voren.
Wildi gods ghebot verhoren:
Heer coninc so sidi ontdaen
90[regelnummer]
Het sel v an v leuen gaen:
Dengel vanden paradise.
Sprac conincdoet als die wise
Vaert stelen ende wert dief
Al hebdijs nv groot ongerief
95[regelnummer]
Het sal v namaels wesen lief
[.]Et deser talen voer dengel dan
Ende karel hem tseynen began
Vanden wonder dat hi hoorde
Gods ghebot sine woerde
100[regelnummer]
En wil ic niet laten achter.
Ic sel dief wesen al ist lachter
Al soudic hanghen bider kelen
Nochtan haddic lieuer vele
Dat mi god name ghemeene
105[regelnummer]
Dat ic van hem houde te leene
Beyde borch ende lant
Sonder mijns ridders ghewant
Ende ic mi moeste gheneeren
Mitten schilde ende metten speere
110[regelnummer]
Als een die niet en heeft
Ende op die auenture leeft:
Dat ware mijn wille bet
| |
[Folio 4r]
| |
Dan ic gheuanghen ben int net
Ende ic nv moet stelen varen:
115[regelnummer]
Sonder eenich sparen
Varen stelen oft god verwercken
Nv so moetti mi gestercken
IC woude ic ware vuter sale
Sonder nieumare ende tale
120[regelnummer]
Ende mi waer ghecost opten rijn
Seuen borghen van steenen fijn
Wat sel ic segghen van oneeren
Den ridderen ende den heeren.
Die hier liggen in die sale
125[regelnummer]
Wat sal wesen mine tale
Dat ic in deser duyster nacht
Alleene sonder yemants cracht
Moet varen in een lant
Dat mi is vremde ende onbecant
130[regelnummer]
Mit deser talen ghinc hem gereyden
Die coninc karel ende cleyden.
Mit sinen dieren gewaden
Als die te stelen was beraden
Het was altoes sine seden
135[regelnummer]
Datmen sine wapene deden
Ten bedde daer hi lach
Het waren die beste die ye man sach.
Als hi aldus ghewapent was
Ghinc hi doer dat palas
140[regelnummer]
Daer en was slot noch dore so goet:
| |
[Folio 4v]
| |
Noch poerte diene wederstoet.
Sine waren tegen hem ontdaen
Daer hi wilde mocht hi gaen
Daer en was niemant dien sach
145[regelnummer]
Want dat volc algader lach
In vasten slape als god woude.
Dat dedi al door des conincs houde
Sine hulpe was hem bereet
Als hi die borch brugghe leet
150[regelnummer]
Ghinc die coninc mit liste
Totten stalle al daer hi wiste.
Sijn ors ende sijn ghesmiden
Sonder eenich langher beyden
Hi sadelet ende satter bouen
155[regelnummer]
Opt ors datmen mochte louen
[.]Oen hi ter poorten ghereden quam
Sach hi daer ende vernam
Den wachter ende den poortiere
Die luttel wisten dat hoer heere
160[regelnummer]
So na hem was mitten schilde
Si sliepen vaste alst god wilde
Die coninc beette ende ontdoet
Die poorte die besloten stoet
Ende leyde sijn ors vut
165[regelnummer]
Sonder niemare ende gheluyt
Doen sat hi in sijn ghereyde
Die coninc karel ende seyde
God also ghewaerlijcke:
| |
[Folio 5r]
| |
Als ghi quaemt in aertrike
170[regelnummer]
Ende wort sone ende vader:
Om ons te verlossen alle gader
Dat adam hadde verloren
Ende dat na hem wert gheboren
Ghi liet v aenden cruce slaen
175[regelnummer]
Doen v die ioden hadden gheuaen.
Si staken v met eenen speere.
Si sloegen v dies haddi geere
Dese bitterlike doot
Ontfincdi here door onsen noot:
180[regelnummer]
Also waerlic alst was waer
Ende ghi here lasaruse.
Daer hi lach in sine cluse
Verwecket heere vander doot
Ende vanden steenen maket broot
185[regelnummer]
Ende vanden water wijn
So moeti in mijn gheleyde sijn
In desen duemsteren nacht
Ende verbaert aen mij v cracht
Oetmoedich god ende vader
190[regelnummer]
Aen v keer ic mi alle gader
Hi was in vele gedochten
Waer hi best henen varen mochte.
Daer hi stelens soude beghinnen.
Doe quam hi in een wout binnen.
195[regelnummer]
Karel den edelen man
Dat niet verre stont van daen
| |
[Folio 5v]
| |
Doen hi quam gereden daer
Die mane scheen seer claer
Die sterren lichten aenden trone:
200[regelnummer]
Dweder was claer ende scone
DVs peynsde die coninc.
Ic was ghewone voer alle dinck
Dieue te hatene daer icse wiste
Die den lieden mit liste
205[regelnummer]
Hoer goet stelen ende rouen
Nv mach ic hem wel ghelouen.
Die leuen bider auontuer
Si weten wel dat si verbueren.
Lijf ende goet machmense vaen
210[regelnummer]
Men doetse hangen ende thooft of slaen
Of steruen arger doot
Horen anxte is dicke groot
Nemmermer en gheualt mi dat
Dat ic man doer cleynen scat.
215[regelnummer]
Steruen doe in al mijn leuen
Ic hebbe elegast verdreueuen
Om cleyne sake wt minen lande
Die dicke set sijn lijf te pande.
Om tgoet daer hi bi leeft
220[regelnummer]
Ic wane hi dicke sorghe heeft.
Hi en heeft lant noch leen
Noch ander toeuerlaet geen
Dan hi mit stelen can beiaghen
Daer op moet hi hem ontdraghen.
| |
[Folio 6r]
| |
225[regelnummer]
Ic nam hem tlant des was hi
heere
Dat mach hem nv wel rouwen seere
Beide borch ende lant
Des was ic herde onbekant
Want hi hadde in sine scaren
230[regelnummer]
Die met hem onthouden waren
Ridders serianten een ghetal.
Die ic heb onterft al
Beyde van lande ende van goede
Nv volghen si hem al doer armoede
235[regelnummer]
Ic en laetse niewers gedueren.
Diese onthilde ic daden verbueren
Beyde borch ende leen
Hi en heuet toeuerlaet gheen
Hi moet hem al onthouden
240[regelnummer]
In wildernissen ende in wouden
Ende moet alleene beiaghen
Daer si hem alle op ondraghen
Mer so vele isser an
Hi en steelt gheenen armen man
245[regelnummer]
Die bi sijnre pinen leeft
Dat pelgrim ofte coepman heeft
Laet hi hem gebruken wel
Mer hi en versekert nyemant el.
Bisscoppen ende canoniken
250[regelnummer]
Abden ende moniken
Dekenen ende papen
Daer hise can betrapen
| |
[Folio 6v]
| |
Comen si in sijnre werde.
Hi neemt hem mulen ende peerde
255[regelnummer]
Ende steectse vut haren ghereyde
Dat si vallen op die heyde
Ende neemt hem mit sijnre cracht
Al dat si daer hebben bracht
Siluer cleeder facelment
260[regelnummer]
Dus beiaecht hi hem ontrent
Daer hi die rike lieden weet.
Hy neemt hem haren scat ghereet
Beyde siluer ende gout:
Sinen list is menichfout
265[regelnummer]
Nyemant en cannen gheuaen.
Nochtan heefter om ghedaen
Menich man sine cracht.
Ic woudic nv in deser nacht
Sijn gheselle mochte wesen.
270[regelnummer]
Ay heere god helpt mi tot desen
[.]It deser talen voer hi voort.
Die coninc ende heeft verhoort
Hoe een ridder quam gheuaren
Inder seluer ghebaren.
275[regelnummer]
Als die riden wil verholen
Met wapenen swart als colen
Swart was helm ende schilt
Die hi aenden hals hilt
Sinen halsberch mochtmen louen
| |
[Folio 7r]
| |
280[regelnummer]
Swart was den wapenroc daer
bouen.
Swart was dors daer hi op sat
Ende quam enen sonderlingen pat
Dwers riden doer den woude
Alsen die coninc ghemoeten soude.
285[regelnummer]
Segende hem en was in vare
Ende waende dat die duuel ware
Om dat hi was so swart al
Den riken god hi hem beual.
Hi pensde in sinen moet
290[regelnummer]
Gheualt mi quaet ofte goet:
En vlie te nacht doer desen.
Ic sel der auonturen genesen.
Nochtan weet ic te voren wel
Tis die duuel ende niemant el
295[regelnummer]
Waer hi van gods aluen yet
Hi en ware so swart niet
Tis al swart peert ende man
Al dat icker aen gemerken can
Ic bidde gode dat hi waket
300[regelnummer]
Ic duchte dat mi toren naket
Dat dese mi niet en scende
Ende als hi bet quam ghehende
Seghende hi hem ende was in vare
Ende waende dat die duuel ware.
305[regelnummer]
Ende die swarten ridder heeft vernomen
Den coninc teghen hem comen.
Pensde hi in sinen sin
Dese is verdoelt hier in.
| |
[Folio 7v]
| |
Ende heuet sinen wech verloren
310[regelnummer]
Ic mach dat aen hem verhoren
Hi salder laten die wapen sijn
Die die beste sijn in schine
Die ic in seuen iaren sach.
Si verlichten als den dach.
315[regelnummer]
Van steenen ende goude
Wanen quam hi inden woude.
Ten was noyt arm man
Die sulcke wapen droech an
Ende sulc ors hadde bescreden
320[regelnummer]
So sterc ende van scone leden
DOen si quamen te gemoeten
Leden si al sonder groeten
Deen besach den anderen wel
Mer si en seyden niet el
325[regelnummer]
Als hi den coninck was leden
Diet swart ors had bescreden:
Hilt hi stille ende dochte
Wye die ander wesen mochte
Waer om dat hi aldus lijt.
330[regelnummer]
Ende sijnre talen aldus vermijt
Datti mi niet en groete
Doen hi mi ghemoete
Ende om gheen dinc en vraghet
Ic wane dat hi quaet iaghet.
335[regelnummer]
Waer ic seker van dien:
Dat hi quame om verspien
| |
[Folio 8r]
| |
Datti mi ofte mine
Brenghen wilde in pine
Teghen den coninc die ic ontrade
340[regelnummer]
Hi en lede te nacht sonder scade
Wat node soude hi iaghen.
Achter bosschen ende haghen
Ofti mi niet en sochte
Biden heere die mi ghewrochte
345[regelnummer]
Hine ontrijt mi te nacht
Ic sel proeuen sine cracht
Ic willen spreken ende kennen
Hy mach sulc sijn ic sel winnen.
Sijn ors ende dat hi heuet an.
350[regelnummer]
Ende doen met lachter keeren dan
Hi es hier comen als een domme
Met dien werp hi sijn ors omme
Ende volchde den coninc naer
Doen hien achterhaelde daer
355[regelnummer]
Riep hi lude ridder ontbeyt
Waer na ist dat ghi rijt
Ic wil weten wat ghi soect
Ende iaecht ende roect
Eer ghi mi ontrijt van hier
r360[regelnummer]
Al waerdi noch so fier
Ende so diere uwer tale
Berechtes mi so doedi wale
Ic wil weten wie ghi sijt
Ende waer ghi vaert op dese tijt
| |
[Folio 8v]
| |
365[regelnummer]
Ende hoe dat v vader hiet
En machs v verlaten niet
[.]Oen antwoerde die coninc
Ghi vraget mi so menich dinc
En wistu hoe berechten:
370[regelnummer]
Ic heb lieuer dat wi vechten:
Dan ic v seide bi bedwanghe
So haddic gheleeft veel te langhen
Dat mi een man dwinghen soude
Van dinghen die ic niet en woude
375[regelnummer]
Berechten ten ware mi lief
Coemter mi goet af of miskief
Wy sullen desen strijt nv scheyden
Ende becorten tusschen ons beyden
Des conincs schilt was verdect
380[regelnummer]
Hi en wildes niet voeren ontdect
Om teyken datter aene stoet
Hi en wilde niet dat men waer vroet.
Dat hi ware die coninck
Si worpen omme met deser dinc:
385[regelnummer]
Haer orssen sterc ende snel
Si waren beyde ghewapent wel.
Hare speeren waren sterc
Si versaemden in een perc
Mit sulcken nide onder hem tween
390[regelnummer]
Dat dorssen boghen ouer gaer been
Manlic vingen si ten swaerde
Als die vechtens begaerde
| |
[Folio 9r]
| |
Si vochten een langhe wile
Datmen gaen mochte een mile
395[regelnummer]
Die swerte was sterc ende snel
Ende sine consten waren fel
So dat die coninc was in vare
Ende waende dat die duuel ware
Hi sloech den swarten opten schilt
400[regelnummer]
Dien hi manlic voor hem hilt
Dat hi in tween stucken vloech
Oft ware een linden loof
Die swarte sloech den coninc weder
Die swerde ghingen op ende neder
405[regelnummer]
Opten helme op die maelgien
Datter menich moeste faelgien
Daer en was halsberch gheen soe goet
Daer en dranc dore dat bloet
Doer die maelgien vuter huyt
410[regelnummer]
Daer van sloeghen groot gheluyt
Die spaenderen vanden scilde daer vloghen.
Die helmen op hoer hooft die boghen
Ende ontfingen scarde ende vlegghen
So scaerp waren der swaerden eggen
415[regelnummer]
DIe coninc pensde in sinen moet
Dese is te wapene goet
Sal ic liden mijns namen
Ic souts mi eewelic scamen
Nemmermeer en gecreech ic eere
420[regelnummer]
Doe sloech hi eenen slach so seere.
| |
[Folio 9v]
| |
Opten swarten die voor hem hilt
Dat hien manlic hadde gheuelt
Ende vanden ors tumelen dede
Tusschen hen beyden en was gene vrede
425[regelnummer]
Ende die swarte sloech opten heere
Ende sloech enen slach so seere:
Opten helm dat hi booch
Ende tswaert in twee stucken vloech
So anxtelic was die slach
430[regelnummer]
Als dat die swarte sach
Datti sijn swaert hadde verloren
Tfy dat ic ye was gheboren
Pensde hi in sinen moet
Dat ick leue waer toe ist goet
435[regelnummer]
En hadde noyt ongheual
Noch nemmermeer en sal
Waer mede sal ic nv verweeren.
En prise mijn lijf niet twee peeren
Want ic ben ydelre hande
440[regelnummer]
Doe docht den coninc scande
Op eenen te slane die voor hem helt
Die sach hi liggen tswaert opt velt
In twee stucken ghebroken
Pensdi en is niet ghewroken
445[regelnummer]
Die eenen wille slaen of deeren.
Die hem niet en can gheweeren:
Dus hilden si stille int wout.
Haer ghepeyns was menichuout
| |
[Folio 10r]
| |
Deen wie dander wesen mochte
450[regelnummer]
Byden heere die mi ghewrochte
Sprac karel die coninc
Ghi en berecht mi een dinc
Heer ridder des ic v vraghe.
Ghi hebt gheleeft al v daghe
455[regelnummer]
Hoe ghi hiet of wie ghi sijt.
Ende laet ons corten desen strijt:
Mach ic met eeren liden.
Ic sal v henen laten riden
Als ic uwe name weet.
460[regelnummer]
Die swarte sprac ic ben bereet
In dien dat ghi mi maket vroet
Wat nootsaken dat v doet
Dat ghi hier quaemt te nacht
Ende wiens toren dat ghi wacht
465[regelnummer]
Doe seyde karel die edel man
Segt mi tierst ic segh v dan
Wat ic hier soecke ende iaghe
En derf niet riden bi daghe
Ten is sonder nootsake niet
470[regelnummer]
Dat ghi mi dus ghewapent siet
Ic sel seggen hoet coemt
Als ghi mi uwen name noemt
Dies sijt seker ende vast
Heere antwoerde elegast
475[regelnummer]
Dat sprac die ridder herde saen
Ten is mi ten besten niet vergaen.
| |
[Folio 10v]
| |
Ic heb goet ende lant verloren
Dat ic hadde hier te voren
Bi ongheualle als menich doet
480[regelnummer]
Soudict v al maken vroet
Hoe mine saken comen sijn
Eer ic v geseyde den sin
Het soude v dencken veel te lanc
Mijn gheluc is so cranc
485[regelnummer]
Als dit die coninc verstoet.
Was hi blide in sinen moet
Al haddet al gheweest sijn
Tgoet dat vloyt opten rijn.
Hi seide ridder eyst v bequame
490[regelnummer]
Nv segghet mi uwen name
Ende hoe ghi v gheneert
By al dat god heuet weert:
Ende bi hem seluen te voeren
Van mi en en hebdi gheenen toren
495[regelnummer]
Ic sal v so vele berechten.
Vraechdijs mi sonder vechten
Ende sonder euelen moet
In dien dat ghi mi maket vroet
Nv sijts seker ende vast
500[regelnummer]
Heere ic hiete elegast
En wil v niet helen
Daer ic bi leue moet ic stelen
Mer so vele isser an.
En steels geenen armen man
| |
[Folio 11r]
| |
505[regelnummer]
Die bi sijnre pine leeft
Dat pelgrim ofte coopman heeft
Dies laet ic hem ghebruken wel
Mer ic en verseker niemant el
Sint dat ic was gheboren.
510[regelnummer]
Ende ic mijn goet had verloren
Daer jc bi soude leuen
Ende mi die coninc had verdreuen
Karel vut minen lande
Ic salt segghen al ist scande
515[regelnummer]
So heb ic mi onthouden
In wildernissen ende in wouden
Daer si twalef bi leuen
Moetent rike luden gheuen
Bisscoppen ende canoniken
520[regelnummer]
Abden ende moniken
Dekenen ende papen
Daer icse can betrapen
Ic neme haer goet met liste.
En weet so vast en kiste
525[regelnummer]
Weet icker goet in
Ic brenct in mijn gewin:
Ende onder mine ghesellen
Wat soudicker meer of tellen
Minen list is menichuout
530[regelnummer]
Mine gesellen sijn int wout
Ende ic voer wt om auenture
Ende heb vonden enen sueren
| |
[Folio 11v]
| |
Want ic heb mijn swaert verloreu.
En coeser gheen haue voren
535[regelnummer]
Ende ict weder hadde gheheel
Der slaghen heb ic ooc een deel
Meer dan ic ye ghewan
Op eenen nacht van eenen man
NV segt mi ridder hoe ghi heet
540[regelnummer]
Ende die ghene die v veet
Is hi van sulker machte
Dat ghi riden moet bi nachte
En condise niet ghematen:
Die ghene die v haten
545[regelnummer]
Ghi sijt te wapene so goet
Die coninc pensde in sinen moet
God heeft mijn bede ghehoort
Nv moetti mi beraden voort
Dit is die man die ic begheerde
550[regelnummer]
Bouen alle die leuen op daerde
Mede te varen op desen nacht
God heefter mi te poente bracht
Nv moet ic liegen door den noot
Biden heere die mi gheboot:
555[regelnummer]
Sprac die coninc tot elegast.
Aen mi hebdi gheleyde vast
Ghestade vrient ende vrede
Ic sel v seggen mine sede.
Wat helpt vrienden verholen
560[regelnummer]
Ic heb so vele goets gestolen
| |
[Folio 12r]
| |
Waer ic mitter helft gheuaen
Men liet mi waerlic niet ontgaen
Om mijn ghewichte van goude root
Mar het dede mi den noot
565[regelnummer]
Noot breket alle strijt.
Nv segghet mi ridder wie ghi sijt
Ick sel v segghen minen name
Ist v wille ende bequame
Ic ben ghehieten adelbrecht
570[regelnummer]
Ic pleghe te stelen ouer recht.
In kerken ende in cluysn.
Ende in alle gods husen.
Ic stele alderhande saken
En late niemant met ghemaken:
575[regelnummer]
Den rijcken ende den armen
Ic en achte niet op hoer carmen.
En weet gheenen armen man
Daer ic mijn ghewin weet an
En naem hem lieuer sine haue
580[regelnummer]
Dan ic hem die mine gaue
Aldus heb ic mi ontdraghen
Ende hebbe gheleyt nauwe lagen
Om eenen scat die ic weet
Mi souts wesen wel ghereet
585[regelnummer]
Eer emmermeer morghen vroe
Haddicker goede hulpe toe
Also vele als ics rochte
Ende mijn peert dragen mochte
| |
[Folio 12v]
| |
Die scat is qualic ghewonnen.
590[regelnummer]
God en souts ons niet vergonnen
Al hadden wijs een deel
Di scat leyt in een casteel
Daer mi die eyghenoot is cont
Al haddens wijs vijf hondert pont
595[regelnummer]
Ten mochten niet deeren
Dat wi vanden sinen teeren.
Laet ons gesellen sijn te nacht
Dat wi connen beiaghen
Beyt hier ende het sal daghen
600[regelnummer]
Dan sel ic deylen ende ghi sult kiesen
Dies achter gaet moet riesen
ELegast seide waer leit den scat.
Lieue gheselle segt mi dat
Ende in wat stede
605[regelnummer]
Het mach daer sijn ic vare mede
Ic wils wesen vroet:
Eer ic v volghe eenen voet
Doen seide karel die edel man.
Ic selt v berechten dan
610[regelnummer]
Die coninc heeft so groot een scat
Het mochten luttel deeren dat.
Vansinen scatte daer hi leghet
Als die coninc seghet.
Datti hem seluen stelen wille
615[regelnummer]
Elegast en sweech niet stille
Hi seyde dat moet mi god verbieden
| |
[Folio 13r]
| |
Si en leuen niet diet mi rieden
Dat ic den coninc dade scade
Al heeft hi mi bi quaden rade.
620[regelnummer]
Mijn goet ghenomen ende verdreuen
Ic sel hem al mijn leuen
Goet vrient sijn na mijn macht.
In sijn scade en coem ic te nacht
Want hi is gerechtich heere
625[regelnummer]
Dade ic hem anders dan eere
Ic mochs mi scamen voor gode
Men mochs mi gheraden node
[.]Ls dit die coninc verstoet
Was hi blide in sinen moet:
630[regelnummer]
Dat hem elegast die dief
Goet gonste ende hadde lief.
Hi pensde mochti keeren.
Behouden sijnder eeren
Hi souden goets so vele geuen
635[regelnummer]
Hi souder mit eeren sijn daech op leuen
Sonder stelen ende rouen
Des mocht men hem gelouen
Na dien gepense daer hi in was.
Vraechde elegaste das
640[regelnummer]
Oft hien yewers wilde leyden
Daer si tgoet onder hem beyden:
Mochten beiaghen op dien nacht
Hi deder toe sijn beste cracht.
Gheerne ende sijn behindichede
| |
[Folio 13v]
| |
645[regelnummer]
Woude hi hem laten varen mede.
ELegast sede ia ic gerne
Men weet niet ghi segt in scerne
Theggericx van eggermonde
Daer moghen wi stelen sonder sonde
650[regelnummer]
Die des conincs suster heeft.
Het is scade dat gi leeft
Hi heeft den menighen verraden
Ende ghebrocht in groter scaden
Ende ooc mede sinen heere
655[regelnummer]
Soudi nemen lijf ende eere
Mocht na sinen wille gaen
Dat heb ic wel verstaen.
Nochtan houti vanden coninc
Herde menich scone dinc
660[regelnummer]
Beyde borch ende leen
Al en haddi toeuerlaet anders geen
Het mochten luttel deeren
Dat wi vanden sinen teeren:
Daer selen wi varen ist v wille
665[regelnummer]
Die coninc peynsde ende sweech al stille
Na dat daer ghescepen stoet
Dat daer ware stelen goet.
Al hadden sijn suster gheuangen
Si souden node laten hangeu
670[regelnummer]
Dus droeghen si ouereen
Daer te varen onder hem tween
Te stelen eggerics scat.
| |
[Folio 14r]
| |
Die coninc hem niet en vergat
HI quamen ghereden op een velt
675[regelnummer]
Op haer orssen wel ghestelt
Daer vonden si een ploech staen
Die coninc beette neder saen
Ende elegast reet voren
Daer si den wech hadden vercoren
680[regelnummer]
Die coninc namt tcouter in die hant
Dat hi aen die ploech vant
Hi pensde in sinen moet
Dit is den ambocht goet
Die grauen wil in borghen
685[regelnummer]
Hi moeter toe besorghen
Sulcke dinc als hem bedorste.
Doe sat hi op al sonder vorste.
Ende volchdde elegaste
Na met sporen vaste:
690[regelnummer]
Die een luttel was voren
Verstaet so moechdi horen
Doen si quamen voor die veste
Die de scoonste was ende die beste
Die yewaert stoet opten rijn
695[regelnummer]
Elegast sprac hier wil ic sijn
Nv siet seyti adelbrecht.
Wat dunct v ghedaen te recht
Ic wil wercken bi uwen rade.
Mi ware leet gheschiede v scade
700[regelnummer]
Datmen mochte seggen dan
| |
[Folio 14v]
| |
Het quam al bi desen man:
Die coninc antwoerde na dier talen
En quam noyt binnen der salen
Noch inden houe daer ic weet.
705[regelnummer]
Het soude mi wesen ongereet
Soudicker nv binnen gaen
An v seluen moet al staen
Elegast seide tis mi lief
Sidi een behendich dief.
710[regelnummer]
Dat sal ic cortelic verstaen
Laet ons een gat maken gaen
Inder muer ter goeder vre.
Daer wi moghen crupen dore
Dit loueden si beyde wel
715[regelnummer]
Si bonden hoer orssen snel.
Ende ghingen ten muere sonder gheluyt
Elegast trec een yser vut
Daer hi den muer mit soude picken
Doe began die coninc te trecken
720[regelnummer]
Tcouter voert vander ploech
Doe stont elegast ende loech
Ende vraechde waer hijt dede maken
Constic tsmeesters huus gheraken
Ic dede maken sulc een
725[regelnummer]
Dus ghedaen en sach ic noyt gheen
Beseghen tot sulcken sticken:
Daermen mey doer soude picken
Die coninc sprac het mach wel sijn
| |
[Folio 15r]
| |
Ic quam gheuaren opten rijn
730[regelnummer]
Dies is leden die derde dach
Dat ic voer om mijn beiach
Daer moestic mijn yser laten
Het ontuiel mi opter straten
Daermen mi volchde achter
735[regelnummer]
En dorste niet keeren door den lachter:
Dus was ic mijns yser aue
Ende dit nam ic bider mane
Daer ict vant aen een ploech
Elegast sprac het is goet genoech
740[regelnummer]
Mogen wi daer te punte in geraken
Hier na doet een ander maken
Si lieten die tale si maecten tgat
Elegast voechdent bat
Dat hi daer toe dede sine leden.
745[regelnummer]
Dant den conic karel dede
Al was hi groot ende sterc
Hi en conste niet sulc werc
Doen si tgat vander muere.
Hadden bracht al duere
750[regelnummer]
Ende si daer in souden gaen
Elegast sprac ghi sult ontfaen.
Hier buten daer ic v sel brenghen
Hi en woudes niet ghehenghen
Dat die coninc binnen quame.
755[regelnummer]
So sere ontsach hi hem der onuramen.
Hi en dochten geen behendich dief
| |
[Folio 15v]
| |
Nochtan woudi leet ende lief
Met hem deylen sijn ghewin
Die coninc bleef buten elegast ginc in
760[regelnummer]
Elegast conste behendichede.
Die hi proefde ter menigher stede
Die was minlic ende mate.
Hi trac een cruyt vut eenen vate
Ende deet binnen sinen monde
765[regelnummer]
Die sulc een hadde hi verstonde.
Wat hanen craeyen ende honden bilen
Doen verstont hi ter wilen
An enen hane an enen hont.
Ende seide dat die coninc stont
770[regelnummer]
Buten den houe in haer latijn
Elegast sprac hoe mach dit sijn
Soude die coninc sijn hier voren.
Ic duchte dat mi naket toren
Ic ben verraden na mijn ghedochte
775[regelnummer]
Oft mi verleyt alfs gedrochte
[.]Legast ginc daer hi den coninc liet:
Ter stede daer hi van hem schiet
Ende seide hem wat hi hadde verstaen.
Hem en bedrogge sijn waen
780[regelnummer]
Beyde aen hanen ende aen houden.
Diet in haer latijn vonden
Dat die coninc ware daer
Mer hi en wiste niet hoe naer
Doen seyde karel die edel man
| |
[Folio 16r]
| |
785[regelnummer]
Wie heuet v gheseit dan:
Wat soude die coninc hier doen
Soudi ghelouen an een hoen
Oft dat een hont bast
So en is v gheloue niet vast
790[regelnummer]
Mi denct dat ghi mi saghen telt.
Waer toe ist goet dat ghi mi quelt
V gheloue en is niet vast
Nv hoort sprac elegast
Hi stac den coninc inden mont.
795[regelnummer]
Een cruyt dat daer voor hem stont
Ende seyde nv suldi verstaen:
So ic te voren hebbe ghedaen.
Echter craeyde die hane ende sede
Also als hi te voren dede
800[regelnummer]
Dat die coninc ware daer.
Mer hi en wiste niet hoe naer:
Gheselle wat die hane craeyt
Ic wilde mijn kele winde waeyt
Is die coninc niet hier bi
805[regelnummer]
Doe seide karel het fy
Gheselle sidi veruaert
Ic waende dat ghi coender waert
Doet dat ghi seyt laet ons gaen
Al soudemen ons heden vaen.
810[regelnummer]
Elegast sprac ic sals beghinnen
Laet sien wat seldi daer an winnen
Elegast eyste sijn cruyt weder.
| |
[Folio 16v]
| |
Die coninc sochte op ende neder
Weder ende in sinen monde
815[regelnummer]
Merhi verlost ter stonde
Hi en mochs vinden niet
Die coninc sprac wats mi gesciet
Mi dunct ic heb mijn cruut verloren
Dat ic had hier te voren
820[regelnummer]
Beloken tusschen minen tanden
Bi mijnre weet dat mach mi anden
[.]Oe loech elegast echt
Ende seide steeldi ouer recht
Hoe coemt datmen v niet en vaet
825[regelnummer]
Telken als ghi stelen gaet
Dat ghi leeft is wonder groot
Ghi en waert langhe wile doot
Gheselle seit hi onuerholen
Ic heb v cruyt ghestolen
830[regelnummer]
Ghi en weet van stelen niet en hare
Die coninc peynsde ghi segt ware
Mittien lieten si die tale
Gode beual hi al te male
Dat hien moeste borghen.
835[regelnummer]
Een deel was hi in sorghen
Nochtans consti beheyndichede.
Daer hi alle die ghene mede
Slapen dede vanden sale
Ende ontsloot dan al te male
840[regelnummer]
Sloten diemen met slotelen sloot
| |
[Folio 17r]
| |
Waren si cleyne ofte groot
Ende ghinc ten scatte daer hi lach
Eert yemant hoorde of sach
Ende haelde ende brochte
845[regelnummer]
Also vele als hem goet dochte
Doen wilde karel van danen riden.
Elegast die hiet hem ontbeiden
Hi soude om eenen sadel gaen
Die in die camer ware ghestaen
850[regelnummer]
Daer eggeric ende sijn wijf in lach:
Die scoonste die noyt man sach.
Hi en leeft niet die v gheseyde
Die verweentheit vanden gereyde
Ende ooc aen dat voerboech
855[regelnummer]
Es te prisene ghenoech
Daer hangen an hondert scellen groot
Die alle sijn van goude root
Ende clincken als eggeric rijt
Gheselle doet wel ende ontbeyt
860[regelnummer]
Ic sal hem sinen sadel stelen
Al soudic hanghen bider kelen
[.]It was den coninc onbequame
Hi hadde eer ontbeert der vrame
Vanden sadel ende tghewin.
865[regelnummer]
Dan elegast keerde weder in:
Als elegast quam ten ghereyde
Daer ic heden eer of seide
Gauen sulc enen clanc
| |
[Folio 17v]
| |
Datter eggeric bi ontspranc
870[regelnummer]
Wt sinen slape ende seyde.
Wie is daer te minen ghereyde:
Hi woude trecken sijn sweert
Haddet die vrouwe niet gheweert
Die hem seide ende vraghede
875[regelnummer]
Wat ware dat hi iaghede
Often aluen wilden verleiden.
Si namt swaert al mitter scheyden
Ende seyde daer en mach niemant in
Eomen sijn meer noch min
880[regelnummer]
Tis ander dinc dat v deert
Si bemaenden ende beswert
Dat hi haer seide sijn ghedochte
Waer bi dat hi niet en mochte
Slapen binnen drien nachten.
885[regelnummer]
Daer si consten ghewachten.
Noch eten binnen drien dagen
Dit began si hem te vraghen.
Vrouwen list is menichuout.
Sijn si ionc sijn si out
890[regelnummer]
So langhe lach si hem an
Dat hi haer te segghen began
Dat hi des conincs doot hadde ghesworen
Ende die te doen waren vercoren.
Soude cortelike comen:
895[regelnummer]
Hi ghincse haer bi namen nomen
Hoe si hieten wie si waren
| |
[Folio 18r]
| |
Die den coninc wilden daren
DIt hoorde al elegast.
Ende hielt in therte vast
900[regelnummer]
Hi pensde hi sout brengen voort.
Die ondaet ende die valschsche moort.
Si seide mi waer lieuer vele
Datmen v hinge bider kele
Dan ic dat ghedoghen soude.
905[regelnummer]
Ende eggeric sloech soe houde.
Die vrouwe voor nase ende mont.
Dat haer tbloet ter stont
Ter nase ende te monde wt brac.
Si rechte haer op ende stac
910[regelnummer]
Haer aenschijn ouer tbedde boom
Ic wasser bi ende nams goem
Ende croper liselike toe.
In minen rechten hantscoe.
Ontfinct bloet vander vrouwen
915[regelnummer]
Om dat hijt wilde scouwen
Diet den coninc te voren brochte
Dat hider hem voor wachten mochte.
Doe seyde elegast een ghebede
Daer hi alle die ghene mede
920[regelnummer]
Slapen dede ende die vrouwe
Ende sprac sijn woert mit trouwe
Dat si beyde sliepen vast
Doen ontstal hem elegast
Sinen sadel ende sijn swaert
| |
[Folio 18v]
| |
925[regelnummer]
Dat hi lief hadde ende weert.
Ende maecte hem sijnre vaerde
Buten den houe tsinen paerde
Totten coninc die seere verdochte.
Al om tgoet dat elegast brochte
930[regelnummer]
Hine hadder niet langher gestaen
Hadt na hem moghen gaen
So seere was hi vererret.
Hi vraechde waer hi had gemerret
Elegast seide en mochs niet.
935[regelnummer]
Bi al dat god leuen liet
Tis wonder dat mi thert niet en breect:
Vanden rouwe die daer in steect
Si en breect nemmermeer.
Door rouwe noch door seer
940[regelnummer]
Dies ben ic seker te voren.
Si heeft so groten toren
Gheselle seiti dits tghereyde
Daer ic v heden of seide
Dit hout ic sal gaen
945[regelnummer]
Eggeric sijn hooft of slaen
Of doden met eenen kniue
Daer hi leyt bi sinen wiue
Dat en lietic om al dat gout
Dat die warelt inne hout
950[regelnummer]
Ic sel weder keeren schiere
Doen bemaende die coninc diere
Dat hi hem seide door wat sake
| |
[Folio 19r]
| |
Hi ware so seere tongemake
En sidi niet al gesont
955[regelnummer]
Ende hebt wel .x. hondert pont
Ende tgereyde daer ghi om ghinct
Ay heer het is al ander dinc
Dat mijnre herten deert
Ende minen droeuen sin verteert
960[regelnummer]
Ic heb minen heer verloren
Ic hadde toeuerlaet te voren
Te comene te minen goede
Ende te verwinnen mijn armoede
Mijn heer sel steruen morgen vroe
965[regelnummer]
Ic mach v seggen hoe
Eggeric heeft sinen doot gesworen
Doen wiste karel wel te voren
Dat hem god te stelen ontboot
Om te bescudden vander doot.
970[regelnummer]
Hi danckes oetmoedelike
Gode van hemelrike
[.]Oe antwoerde die coninc saen
Hoe so waendi dan tontgaen
Of ghien staect mit eenen kniue
975[regelnummer]
Daer hi leit bi sinen wiue
Thof selde verstormen al
Ghi en had meer dan gheual
Ghi sout saen hebben vercoft
Ende v lijf den eynde brocht.
980[regelnummer]
Soudi v worpen inden noot
| |
[Folio 19v]
| |
Sterft die coninc so is hi doot
Wat talen souder of wesen
Ghi sout des rouwen ghenesen
Dit seidi doer behendichede
985[regelnummer]
Om elegast te proeuen mede
Nochtan wasser een ander an.
Hi hadde gherne gheweest van dan
Dlanghe letten was hem leet
Elegast antwoerde ghereet
990[regelnummer]
Bi al dat god leuen liet
Waerdi mijn gheselle niet.
Ten bleue te nacht onghewroken.
Dat ghi hebt so na ghesproken
Den coninc karel minen heere:
995[regelnummer]
Die waerdich is alder eere.
Biden heere die mi ghewrochte
Ic sel vorderen mijn gedochte.
Ende wreken minen toren.
Tconincs doot is ghesworen
1000[regelnummer]
Eer ic vander buerch scheide.
Gaet mi te lieue of te leyde
Die coninc peynsde dits mijn vrient
Al heb ics qualic op hem verdient
Ic salt beteren mach ic leuen.
1005[regelnummer]
Hi sal verwinnen al sijn sneuen.
Gheselle ic sel v wisen bet.
Hoe ghien brenghen selt int net
Eggericke van eggermonde
| |
[Folio 20r]
| |
Rijt inder morghenstonde
1010[regelnummer]
Totten coninc daer ghien vint.
Vertelt hem ende ontbint
Die ondaet ende die moort
Als hi sal horen v woert
Ghi selter bi versoenen al
1015[regelnummer]
V loon en sel niet wesen smal.
Ghi moghet riden bi sijnre siden
Alle v daghe ende v tiden
Of ghi sijn broeder waert.
So langhe als v god ghespaert.
1020[regelnummer]
Elegast seyde wats mijns gheschiet
En come voor den coninc niet.
Die coninc is te mi so gram
Om dat ic hem eens nam
Van sinen scatten sulc en scaerden
1025[regelnummer]
Dat cume gedroech twee paerden
Ic en come niet daer hi mi saghe.
Noch bi nachte noch bi daghe.
Dats pine teghen spoet
Wil ic v segghen wat ghi doet
1030[regelnummer]
Sprac karel die edel man
Rijt wech in uwen dam.
Daer ghi liet v ghesellen
Nv sal ic v vertellen
Voert voor v ons beiach
1035[regelnummer]
Tot morghen opten dach
Dan deylen wi mit ghemake
| |
[Folio 20v]
| |
Ic sal bode sijn vander sake
Totten coninc daer icken weet
Sloech men doot het waer mi leet
1040[regelnummer]
MIt deser talen dat si schieden.
Elegast voer tot sinen lieden
Daer hise liet inden dam.
Ende karel die edel man.
Voer tynghelem in sijn casteel
1045[regelnummer]
Sijn herte was sonder riueel
Datten die gheen wilde verraden.
Die hem soude staen in staden
Soude recht na rechte staen
Noch stont die poorte ontdaen.
1050[regelnummer]
Ende sine lieden sliepen alle
Hi bant dors opten stalle.
Ende ginc ter cameren daer hi lach:
Eert yemant hoorde ofte sach
Hi hadde sijn wapen af ghedaen
1055[regelnummer]
So was die wachter gestaen.
Ter hoger tinnen blies den dach
Diemen scone verbaren sach
Doen wert in wake menich man
Dien god den slaep seynde an
1060[regelnummer]
Doe die coninc stelen voer
Dat was hem een scone boer:
Doe seynde karel die coninc
Om eenen sinen camerlinc
Om sinen verholen raet
| |
[Folio 21r]
| |
1065[regelnummer]
Ende seide hoet met hem staet
Dat hi wiste wel te voren
Dat sinen doot ware ghesworen
Van eggheric van eggermonde
Die comen sal in corter stonde
1070[regelnummer]
Met alder macht vanden lande.
Om hem te doene scande
Als te nemen sijn leuen.
Dat si hem goeden raet geuen
Dat hi behoude sijn eere
1075[regelnummer]
Ende daer toe haren gherechten heere.
[.]Oe seide die hertoge van baynier
Laetse comen si vinden ons hier
Het sel den menighen costen tleuen
Ic sal ons goeden raet gheuen
1080[regelnummer]
Hier is menich sterc fransoys
Wt vrancrijc ende baloys
Menich ridder menich seriant:
Die mit v quamen hier int lant.
Si selen hem wapenen alte male
1085[regelnummer]
Ende trecken in die hoghe sale.
Ende ghi selue heer coninc
Sult ghewapent staen inden rinc.
Die v daer slaen wil of deeren
Wisellen wel weeren
1090[regelnummer]
Dbloet sel hem lopen ter sporen
Ende eggheric als te voren
Desen raet dochten wesen goet.
| |
[Folio 21v]
| |
Si wapenden hem metter spoet
Alle die daertoe dochten
1095[regelnummer]
Ende wapenen dragen mochten
Beyde cleyn ende groot.
Si duchhen swaren wederstoot.
Eggeric was van groter macht.
Ende alle die hadden cracht
1100[regelnummer]
Weder ende opten rijn
Woude in sijnre hulpen sijn
Men dede ter poorten .lx. man
Gewapent ende halsberch an.
Doen eggerics lieden quamen geuaren
1105[regelnummer]
In tconincs houe met scaren
Ontdede men die poorte wide
Ende lietse alle door liden
Doen si quamen int hof
Dedemen hoer cleeder of.
1110[regelnummer]
Men vant naest haren liue
Witte halsberghe scarpe kniue
Die ondaet was openbaer
Men leydse geuangen daer
Altemet dat si quamen
1115[regelnummer]
Tot datmense had benamen
Eggeric quam geuaren
Al mitter lester scaren
Daer alle die moort aene stoet
Doe hi gebeet was te voet
1120[regelnummer]
Ende waende gaen in die sale
| |
[Folio 22r]
| |
Slootmen die poorten te male
Men vincken als dander dede
Men vant gewapent sine leden.
Bat dan yemant die daer was:
1125[regelnummer]
Men leyde hem in dat pallas
Voor den coninc sinen heere.
Dat mochti hem wel scamen seere.
Die coninc leide hem vele te voren.
Hi en woudes een niet horen
1130[regelnummer]
Hi lochende der ondaet
Ende seide heer coninc hebt beteren raet
Dadi mi lachter onuerdient
Ghi hadt verloren menigen vrient.
Ghi en waret ooc niet so coene
1135[regelnummer]
Noch geen uwer baroene
Die mi op dorste staden
Dat ic v hadde verraden
Voor yemant dies begaerde
Ic daet hem lochenen mitten swaerde
1140[regelnummer]
Of mitten oerde van minen spere
Nv come voort dies begheere
Als die coninc verstoet.
Was hi blide in sinen moet
Ende seynde om elegaste
1145[regelnummer]
Boden na boden vaste.
Daer hi was inden woude
Ende ontboot hem herde houde
Ende vergaf hem alle misdaet
| |
[Folio 22v]
| |
In dien dat hi den camp bestaet.
1150[regelnummer]
Tegen eggericke
Hi souden maken rike
Die boden en lieten niet
Si deden dat hem die coninc hiet
Si voeren tot dien stonden
1155[regelnummer]
Daer si elegast vonden.
Dat hem die coninc beual
Seiden si elegast al
Die seere verblide vanden woerde:
Als hi die nieumare hoorde
1160[regelnummer]
Hi liet leggen sijn ghereyde.
Sonder eenich langher beyden
Dat hi eggericke stal
Hiet hi ende beual
Hi swoer bi sijnre kerstenhede
1165[regelnummer]
Waer hem god sculdich een bede
Hi en begeerde ander goet:
Dan hi den camp vechten moet.
Ende sinen gherechten heere
Om te behouden sijn eere.
1170[regelnummer]
Si voeren wech metter spoet.
Doen elegast die ridder goet
Quam in des conincs sale
Nv moechdi horen sine tale
HI seide god hoede dit ghesinde
1175[regelnummer]
Den coninc ende dat ic hier vinde
Mer eggeric en groetic niet
| |
[Folio 23r]
| |
God die hem crucen liet
Om onsen wille vele vermach
Die late mi sien op desn dach
1180[regelnummer]
En maria die maghet soete
Datmen te winde hanghen moete
Eggheric van eggermonde
Mochte god doen sonde
So heeft hi sonde ghedaen
1185[regelnummer]
Dat hi der galgen is ontgaen
Om dat hi swoer mijns heeren doot
Sonder bedwanc oft noot
Als dit elegast hadde gesproken
Eggeric hadt gerne ghewroken.
1190[regelnummer]
Mer hi en hads die macht niet
Daer was menich die hem liet
Die coninc antwoerde daer of
Sijt willecomme in mijn hof
Nv vermaen ic v bi alle dien
1195[regelnummer]
Dies god van sonden plien
Dat ghi segt ende brenct voort:
Die ondaet ende die moort
Van eggeric die ghi hier siet
Dat en laet door niemant niet
1200[regelnummer]
Ghi en segt waer ende niet el
Hoe die auentuer geuel.
Elegast seide gerne
Mi en staets niet tontbeerne
Ic ben seker wel te voren.
| |
[Folio 23v]
| |
1205[regelnummer]
Dat eggeric heeft v doot
gesworen
Ic hoordet hem seggen daer hi lach.
Ende gaf sinen wiue enen slach.
Dat sijt dorste anden
Daer haer bloet ten tanden.
1210[regelnummer]
Ter nase ende ter mont vut brac
Si rechte haer op ende stac
Haer aenschijn ouer tbedde boom
Ic was daer ende nams goom:
Ende croper liseliken toe
1215[regelnummer]
In minen rechteren hanscoe
Ontfinc ict bloet vander vrouwen.
Doen liet hi den coninc scouwen.
Ende hem allen diet wilde sien
Dorste eggeric lochenen van dien.
1220[regelnummer]
lc dade hem lien der ondaet.
Eer die sonne onder gaet
En moget ontseggen camp noch strijt
Die verdachuaert inden crijt
Ter warelt gheenen man
1225[regelnummer]
Dis v wille staden an
Die coninc antwoerde daer na
Bi mine wet ghi seght waer
Soudicken voeren na recht
Ic deden slepen eenen knecht
1230[regelnummer]
Ende hangen bider kelen.
Doen ghinc met eggeric vuten spele
Ende peynsde in sinen moet.
| |
[Folio 24r]
| |
Na dat ghescepen stoet
Beter is camp dan hals onttween
1235[regelnummer]
Int hof en was man gheen
Diet spreken dorste siere vromen
Dus wert den camp an ghenomen
Een luten nader noenen
Die coninc ontboot sijn beroene
1240[regelnummer]
Dat si ghewapent te velde waren
Hi en wildes camps niet ontbaren
Hi hiet den camp ghereyden
Ende bad god dat hi moest scheiden
Den camp ende tgheuechte
1245[regelnummer]
Na reden ende na rechte
Die coninc trooste elegast wel
Ende seide verghinge wel sijn spel.
Ende behilti sijn leuen
Hi souden sijnder suster geuen
1250[regelnummer]
Die eggeric hadde te voren
Die sijn doot had ghesworen
[.]En sloech coerden opt velt
Daer menich man ghewapent helt
Een luttel voor vespertijt
1255[regelnummer]
Elegast quam eerst int crijt
Om datti aen legger was
Hi beette neder int gras
Ende viel in knien ghebede
Ende seide god doer v goedertierenhede
1260[regelnummer]
Ic come v heden te ghenaden
| |
[Folio 24v]
| |
Van allen minen misdaden.
Die mi ye gheuel
Ic kenne mine misdaet wel
Oetmoedich god diet vermach
1265[regelnummer]
En wreect niet op desen dach.
An mi mine sonden
Doer v heylighe vijf wonden.
Die ghi ontfinct doer ons misdaet.
Hebt heden mijns raet
1270[regelnummer]
So dat ic niet en sterue.
Noch inden camp en bederue
Ist dat mi die sonden niet en slaen
So waen ic wel van hier ontgaen
Volmaect god door v doghet
1275[regelnummer]
Ic biddu dat ghi mi verhoghet
Ende maria soete vrouwe
Ic wil v dienen mit rechter trouwe.
Ende nemmermeer voort an
En werdic rouer noch scat man
1280[regelnummer]
In wildernissen ende in wouden
Mach ic hier mijn lijf behouden.
Doen hi eynde sijn ghebede.
Seghende hi alle sine lede
Scone mit sijnder rechter hant
1285[regelnummer]
Seghende hi sijn ridders ghewant
Ende seghende dors dat voor hem stoet
Ende bat gode dor oetmoet
Dat hem draghen moest met eeren
| |
[Folio 25r]
| |
Ende vuten campe laten keeren
1290[regelnummer]
Met dat hi die tale seyde
Sat hi op in sijn ghereyde
Ende hinc den schilt ter luchter side
Nv naket eenen groten stride
Hi nam in die hant dat speere:
1295[regelnummer]
Ende eggeric quam met grooter geere
Ten crite wert ghewapent wel
Die seere was int herte fel
Hi en seide noch en dede.
Te gode waert gheene bede
1300[regelnummer]
Hi sloech met sporen vaste:
Ende reet op elegaste
Ende elegast op hem weder
Die eggeric stac doer tleder
Vander curien mit gewelt
1305[regelnummer]
Datti neder viel opt velt
Vanden orsse op daerde
Eggheric vinc ten swaerde
Dat hi trac vuter scheyde
Ende seide nv sal ic v doden beyde
1310[regelnummer]
Elegast v ende v paert
Ten si dat ghi ter vaert
Neder beet op die moude
So mach v ors dlijf behouden
Hets so sterc ende so groot
1315[regelnummer]
Het waer scade sloech ict doot
Die menighe soudt beclaghen
| |
[Folio 25v]
| |
Moechdi v lijf ontdragen
So behoudi v paert
Elegast sprac ter vaert.
1320[regelnummer]
En ware dat ghi te voet sijt
Ic soude corten desen strijt
En wil v niet te voete slaen:
Ic wil prijs an v begaen
Al souts mi sijn te wors
1325[regelnummer]
Nv sit weder op v ors
Laet ons vechten ridder wise
Ic heb lieuer datmen mi prise.
Dan ic v sloeghe bi rampe
Al soudic bliuen inden campe
1330[regelnummer]
DIt was den coninc karel leet
Dat elegast so lange meert.
Ende eggericke spaert
Eggeric vinc sijn ors ter vaert
Doe elegast die tale seide
1335[regelnummer]
Sat hi op in sijn ghereyde
Doen verhief daer een strijt
Tot langhe na verpertijt
En quam niemant daer hi sach
Noyt op eenen dach
1340[regelnummer]
So fellen strijt tusschen hem tween
Als si hadden al in een
Dats loghene ne geen
Doe seide die coninc van vrancrike
God also gewaerlike
| |
[Folio 26r]
| |
1345[regelnummer]
Als ghi hier moghende sijt
So moetti corten desen strijt
Ende dit lange gheuechte
Na redene ende na rechte
Elegast hadde een swaert
1350[regelnummer]
Het was sijns gewichte waert
Van ghemale goude root
Elcke man te sijnre noot
Die coninc hadt hem gegeuen
Elegast die heuet verheuen:
1355[regelnummer]
Ende sloech eenen slach so seere
[de verzen 1356-1372 ontbreken]
| |
[Folio 26v]
| |
1373[regelnummer]
Daer en halp saec noch bede
Elegast bleef inder eere
1375[regelnummer]
Dies dancti onsen heere.
Die coninc gaf hem eggerics wijf.
Si waren tsamen al haer lijf
Dus moet god al onse saken
Voor onse doot te goede maken
1380[regelnummer]
Des gonne ons die hemelsche vader
Nv segghet amen alle gader:
|
|