Historie van Hughe van Bordeus
(1860)–Anoniem Huge van Bordeeus–
Auteursrechtvrij
[Folio 49a(N)]
| |
ALs galefiers die coninc van paleernen Claramonde verlost had vanden .xij. sarasinen so stelde hi se weder te paerde ende brachtse eerlic in sijn stadt van palernen om dat hijse beminde Mer lacen daer is menich die meent te crigen ende te minnen dat sijn herte begeert nochtans en crighet hy daeraf niet dan scade last ende verdriet, ghelijck galefiers int eynde oock quam alsmen horen sal. Nv hoort wat van hughe die opt sant gebonden lach ende en conste noch handen noch voeten roeren ende hi lach ende claechde sinen noot, nochtans had hi die meeste sorghe voor Claramonde sijn lief niet wetende waer die veruaren was so badt hi god den here dat hi se doch wilde behoeden vander doet want hi gad grote sorghe dat die sarasinen haer souden brengen tot haren oom coninc yuorijn ende hi dacht, comtse in haer ooms handen so salse ymmer moeten steruen. |
|