Historie van Hughe van Bordeus

¶ Hoe hughe ghebannen wert wt al kerstenrijc, ende hoe hi wten lande reedt.

AL had huge gedaen alle dingen die hem behoorden te doen, nochtans beswaerde hem de coninc met groten laste, ende versende hem ende hem bannen wten lande ende de\de

[fol. 11a]

dat wtroepen metten heraute openbaerlicken.

Ic karel van vrancrijc coninc ende heere
Doe weten die ouerdaet ende dat seere
Dat mi hughe ghedaen heeft wie soudt verdraghen
Hi salder om hebben noch veel plaghen
Om dathi heeft verslagen, die doot ghebracht was
Minen sone charlot, die groot geacht was
Daerom doe ic bannen van bourdeus hughelijn
Wt allen landen ende steden fijn
So verre als mijn macht gaet, int cort int lanc
Ja wt al kerstenrijc hi bedwanc
Tot dat hi die beuaert heeft ghedaen
Die hi te doen sal ontfaen

[fol. 11b]

 

Wane wert hi anders ghecreghen

 

Dan moet hi hanghen al ist hem teghen

 

Want ic mach wel zijn verbolghen

 

Hi wilde mi seluen ooc vervolghen

 

Daerom en heeft hi vrient so groot

 

Die verbidden mach sijn doot

 

Tot dat hi zijn beuaert heeft volbracht

 

Daer aen so hanct zijns leuens macht

 

Helpt hem god hi mach weder keeren

 

Anders sal hem sijn doot vermeeren