Vota gratulatoria a popularibus dicata, publicae inaugurationi pietate ac doctrina clari D. Ulrici Huber

J.U.D. ad publicam eloquentiae professionem evocati, magnaque cum pompa in eadem confirmati pridie kal. decembr. 1657

[fol. A2r]

[Non Ego crudeles nunc eructabo dolores]

NOn Ego crudeles nunc eructabo dolores,

Fataque Parcarum perniciosa canam.

Nec Paphium referam puerum, laetosque Hymeneos,

Nec quid in hac vita Matia facta queant.

Arma virosque Maro celebret, tenerasque puellas

Foemineosque ignes Naso poëta canat.

Nuntia praeclari stupidum me fama Magistri

Nunc monet incultam sollicitare Chelyn.

Versibus Adventum paucis decorare celebrem,

Votaque carminibus sicce referre meis:

Salve lux Frisae, Musarum gloria salve;

Heu! tibi vix similem vidit uterque Polus

Nosti etenim Baldi nodosas pandere rixas,

Et Ciceroniacus stillat ab ore lepos.

Graeca tenes, studio rimaris Sacra profundo,

Et simul antiquis Clarus in Historiis.

Amstela Barlaeos jactet, Groninga Sibyllas,

Heinsiadasque canat Leida diserta suos.

[fol. A2v]

 

Eja age carminibus semper celebrabere nostris,

 

Quisque tuum lepido nomen in ore geret.

 

Te Tartessiaci resonabunt littora ponti

 

Stamina si tibimet longa trahat Lachesis.

 

 

 

Popularitatis ergo apposuit,

 

R. Elgersma, Leov. Fris.