Het hofken der geestelycker liedekens(1577)–Anoniem Hofken der geestelycker liedekens, Het– Auteursrechtvrij Vorige Volgende [Ick wil mij gaen verheugen] Dit Liedeken gaet op die wijse, Die fieren nachtegale, hy sanc soo soeten sanck. Ick wil mij gaen verheugen Verblyden mynen moet In dat prieel van vreuchden Caluarien es soo soet Heer Iesus bloet Dat gheeft soo soeten roke Die roosen root Die staen soo wijt ontploken. Die edel nachtegale Die sanck soo soeten sanc Al inder minnen quale Hinc hij drij uren lanck Met schoon geclanc Soo sanck hij met seuen thoonen Die Vader eer lanck Die hoordet inden troone. Dat ierste liet van minnen Dat hij gesongen heeft Met onuerstroyden sinnen Seyt hij Vader die leeft Dit volck dat sneeft Die mij die doot doen smaeken: [pagina cxl] [p. cxl] Dit hen vergheeft Sij en weten niet wat sij maken. Dat tweede liedeken reyne Sanck onsen Coninck voort Totten moordenaer ghemeyne Sprack hij dat soete woort Met mij accoort Soo suldi heden wesen Int paradijs Vol weelden al ghenesen. Met pynen ende smerte Sanc hy dat derde liet Tot sijn moeder bedroeft van herte Seyde hy o wyf nv siet Hoort myn bediet Dit is v sone voortaene En tot sint Ian Siet daer v moeder aene. Hy hinc vol wonden ende pyne Den bloedighen bruydegom root Sijn cracht begonst te verdwijnen Hij was ghelaten bloot Met stemmen groot Riep hij tot onser baten Mijn Godt mijn Godt Waerom hebdi mij verlaten Die hittighe minnen stralen Verdroogden die soete borst Iesus riep met soeter taelen Die hooch gheboren vorst [pagina cxli] [p. cxli] Met grooten lost Ende met begeerlijcheden O siel my dorst Naer uwer salicheden. Als hy nv was gecomen Tot alder propheten bediet Sanc hy met herten vrome, Dat hem die minne riet Hy seyde nv siet Mijn armkens staen ontloken Tis al veruult Die gratie es wt ghevloten. Hij brack des vijants banden Hij riep met grooter eerst O vader in uwen handen Beuele ick mijnen gheest Die liefde meest Die heeft my doen smaken Den bitteren doot Wt minnen en charitaten. O prince ghij hebt victorie Al door v bitter doot Brengt ons tot uwer glorie Al door v wonden root Dijn liefde groot Doet ons altyt ghedincken Met dancbaerheijt In uwen lof ontsincken. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij