Het hofken der geestelycker liedekens

[Maria maghet reyne]

Op die wyse van den Timmerman.

Maria maghet reyne
Des sondaers toeuerlaet
Ghij sijt schoon suyuer alleyne
Daer mijnen troost aen staet.

Al ben ick vol misdaden
O hoochste vrouwe vrij
Fonteyn van ghenaden
Thoont doch o deucht aen mij.

[p. lxx]

 

Urijdt ons door v beden van sonden

 

O schoonste ooghen opslach

 

Op dat ick tot allen stonden

 

V lief kint dienen mach.

 

 

 

In v is sulck vermoghen

 

Wat ghij aen Godt begheert

 

Elck mach bij v verhoghen

 

Troost my schoon bloeme wert.

 

 

 

Aen v stelle ick al tsamen

 

Mijn ziele, lijf, ende goet,

 

O bloeme vry van blamen

 

Neempt my in v behoet.

 

 

 

Princersse hoochste verheuen

 

Voor al dat Godt gheboot

 

Bewaert ons in dit leuen

 

Beschermt ons van alder noot.