Historie van Floris ende Blancefleur

[p. 47]

Bijlagen.

[p. 49]

I. Herdruk van het fragment van den oudsten druk van het volksboek¹⁾.

[Zie blz. 37, regel 26] de gheweest si aten ende droncken tsamen datter die ander ioncfrouwen niet af en wisten. Dese twee gelyeuen hadden so groten vruecht dat si ter werelt anders niet en begheerden dan bi malanderen tsine haddet hem mogen dueren m(a)er lasen neent, want dye auontuere dede cortelinge verkeeren haer blijdtscap in groten d(ru)ck Want het viel op eenen morgen stont dat Cla(ri)s sach dattet schoen dach was ende si wert veruaert ende liep tot blanceflour ende ontwecese ende seyde haer dattet late was ende blanceflour seide ic come, ende met dien vielse weder in slape, ende clarijs liep totter fonteynen ende ontfinck water in hair becken ende si ghic al veruaert voor haren heere den amirael meenende haer te vinden metter dwalen bereyt ende als die Amirael blanceflour niet en sach gaf hem wonder ende vraechde clarijs waer si ware Doen seyde clarijs heere si heeft alle den nacht haer boecxkens gelesen ende heeft voor v gebeden dat v die goden lange willen laten leuen met eeren, ende so bleef si noch slapende, des de amirael te vreden

1) Het fragment is letterlijk herdrukt, met alle drukfouten, doch de afkortingen zijn opgelost. Op enkele plaatsen zijn wormsteken in het papier; de daardoor ontbrekende en gissenderwijze aangevulde letters zijn tusschen haakjes geplaatst.

[p. 50]

was ende seide dat is wel een goet werck, met rechte mach sy wel sijn mijn wijf Mair des anderen daechs ontspranck claris ende het was weder late opden dach ende si riep blanceflour ende hietse opstaen, ende si foude om mater gaen ende blanceflour seyde ic sta op. maer met dien so nam florijs zijn lief in sinen armen ende omheldese so lanc datsi weder in slape vielen Ende clarijs had water ghehaelt in een gouden becken ende ghinck voorbi blanceflours camer ende si ryep haer noch eens maer sy sliep soe vaste dat si dit niet hoerde.. Dus meende Claris dat si voren al gegaen was, ende claris meende¹⁾ selne te lange toeuen ende si liep haestelijck totten amirael ende blanceflour en was daer niet Des haer die amyrael vraechde waer blanceflour bleue Claris seyde heere genade Ic ginc voorbi haer camer ende ic riepse ende si seide si soude voer mi hier sijn Als die amirael dit hoerde verwonderde hem seere ende wert gram (ende) riep sinen camerlinc ende seide Besiet waer blanceflour blijft ende laetse tot mi comen. ende die camerlinc en wiste niet dat claris beneden was So liep die camerlinc opwaerts ende quam in haer camer die seer claer was van dierbaren steenen ende sach een rijckelijc bedde ende vant daer blanceflour bi floris liggen meende dattet claris gheweest ware, want Floris en hadde rimpe noch baert in sijn aensicht, ende daer en was gheen ioncfrouwe so schoon van aensicht inden torn sonder blanceflour als floris was. Als die camerlinc dye twee so minlijc sach liggen slapen omhelft iammerde hem dat hise soude wecken ende keerden weder tot sinen heere ende seyde dat blanceflour ende claris lagen so minlijck en sliepen in malcanders armen dattet hem deerde dat hise wecken soude. Dit hoorde claris beneden. ende die ammirael outstack seer vreeslijc in sijn aensicht van torne sorgende ofter yemant met blanceflour verholen minne mocht pleghen

Hoe de amirael floris ende blanceflour wil

de doden. ende hoe elck voor den anderen

wilde steruen. ende hoe si ten laetsten

gracie vercregen.

1) mēede

[p. 51]

[Zie blz. 46, regel 28] vrouwe van Pippijn die aen haer ghewan den groten coninck¹⁾ karel so sommige historen segghen, die een deuchdelijck prince was ende vercreech namaels dat eewich leuen. AMEN.

Bi mi Ian van Doesborch.

1) con̄