De historie vanden vier heemskinderen

Inhoudsopgave

Dit is de historie vandē vier heems kinderē.

Int eerste capittel wort verclaert hoe die grote coninc Karel een groete feeste maecte, dair genoet waren alle die eedelste van kerstenrijc, ende hoe die feeste met groeter droefheit eynde.

Dat II capittel. Hoe heer Hugen doot gewroken worde van beide sijn oems met haer hulpers ende hoese coninc Karel uuten lande banden ende ter soenen quamen.

Dat derde capittel. Hoe coninc Karel sende drie ambassaten tot Aymijn van Dordoen om pays met hem te maken vander doot van heer Hughe, sijn neve, ende hoe dat dese pays worde gemaect ende qualic gehouden ende seer corts gebroken.

Dat IIII capittel. Hoe Aymijn trouwede coninck Karels suster ende hij bi hoer wan Ritsaert, Wridsaert, Adelaert, Reynout, des hi niet en wiste, ende hoe syse heimelic dede ophouden.

Dat V capittel. Hoe coninc Karel sinen soen Lodowijc woude doen cronen coninc van Vrancrijc, ende hoe bisscop Tulpijn des niet en woude laten toegaen, ten waer dat die grave Aymijn hem mede croende ende te hove quam. Ende hoe om die grave geseynt was ende hoe die grave van sijn wijf geseit was dat hi vier kinder had, dat hem verwonderde, ende sloechse ridder ende gaf den joncsten Volbeyert.

Dat VI capittel. Hoe dat die grave Aymijn zijn kinder ridders maecte ende hoe hi zijn joncsten soen Reinout Volbeiert gaf ende dede hem dat beriden, dat veel heren ende joncfrouwen aensaghen.

Dat VII capittel. Hoe de grave Aymyn met sijn kinderen te hove quam ende hoe hi ontfangen was van coninc Karel. Ende hoe Lodewijc, coninc Karels soen, gecroent was van Vrancrijc ende hiet sinen drossaet ende sinen coc datmen Aymijns kinder niet en gave teten, ende sinen camerlinc datmen hem geen bedden en gave op te leggen. Ende hoe hy alle sijn heren beghifte, sonder Aymijns kinderen gaf hi niet.

Dat achte capittel. Hoe Reinout Lodewijc dat hoeft ofsloech ende werpt tegen de wandt, dattet bloet in Karels ansicht spranc, ende hoe Aymijn mit sijn kinderen vochten tegen coninc Karel ende hoe Aymyn gevanghen was ende coninc Karel hem woude hangen.

Dat negende capittel. Hoe Aymijns kinderen tot Pierlepont quamen ende voeren in Spangen, daer si onthouden waren biden coninc Saforet, die doe heyden was, ende hoe hem Reinout dat hoeft ofsloech om dat hi hem zijn scat onthilt ende vacht met sijn broeders opt conincx volc, dye den doot van haren coninc wreeken wouden.

Dat X capittel. Hoe Reinout ende sijn broeders opstonden, als si een weinich geslapen hadden, reden si tot coninc Yewyn ende gavem thoeft van coninc Saforet. Ende hoe hise onthielt ende Reinout zijn dochter gaf ende een roetse dair hi hem op onthielt tegen coninc Karel van Vrancrijck.

Dat XI capittel. Hoe coninc Karel sach dat nieuwe casteel dat gemaect was op de roetse in Yewijns lant als hy Sinte Jacobs reisde, ende dede vragen wiet hoerde. Ende hoe hi Roelant tot Reinout sende ende hoe hi dat casteel beleide.

Dat XII capittel. Hoe Reinout met zyn broeders voeren om hair moeder te besien als pelgrims ende quamen te Pierlepont, ende hoese die vader vangen woude ende brengense in Vrancrijc, ende hoe Pierlepont vanden coninc belegen was ende Reinouts drie broeders ghevangen waren. Ende de coninc woudese doen hangen, mer Reinout ontquam. Ende hoe de broeders verlost worden met hulpe van Maeldegijs, haer oem.

Dat XIII capittel. Hoe Reinout quam met Volbeiert bi Parijs om sijn broeders te verlossen, ende enen bode sende an coninc Karel ofmen de vete versoenen mocht, ende wat soen hi den coninc boet biden bode.

Dat XIIII capittel. Ho Reinout zijn ors Volbeiert gestolen was ter wijlen dat hi sliep ende hoe hijt weder creech bi hulpe van zijn oem Maeldegijs.

Dat XV capittel. Hoe die heren weder tot coninc Karel quamen ende seiden dat si Beiert niet vinden en conden. Ende hoe coninc Karel Reynouts drie broeders woude doen hangen, daer bisscop Tulpyn tegen was met Roelant ende ander heren ende dat benamen dattet niet en geschyede. Ende hoe Maeldegijs Reinouts broeders verloste uut coninc Karels vangenis ende tot coninc Karel ginc daer hij lach ende sliep in zijn camer ende seidet hem dat hijse uuter vangenis nam ende brochtse tot Montalbaen.

Dat XVI capittel. Hoe coninc Ansays in de stede van Coelen belegen was vanden heyden ende om hulp sende aen coninc Karel ende hoe coninc Karel Roelant dair sende, die de stede verloste ende des heydens coninc versloech ghenoemt Corfan.

Dat XVII capittel. Hoe die coninc ophinc zijn croen ende die te winnen wie met sijn paert eerst ane der stake quame ende die croen daer of naem, ende hoe Reinout dat verboetscapt wert ende hoe hi die crone wan.

Dat XVIII capittel. Hoe coninc Karel coninc Yewijn ontboet doe hi hof hilt, ende hoe hi coninc Karel beloefde dat hi Reinout met zijn broeders met verradenis leveren soude in coninc Karels gewelt om een somme gelts, twelc hi niet volbrengen en mocht, want doen hijse verraden had, vochten die broeders haer selven daer uut. Ende souden gebleven hebben, en hadse Maeldegijs niet ontset.

Dat XIX capittel. Hoe Ogier te Parijs quam ende vertelde coninc Karel hoe die reise vergaen was. Ende hoe hem Rolant verradenis opleide, ende daer om een camp vacht tegen Gontier, die hi int parck doot sloech.

Dat XX capittel

Dat XXI capittel. Hoe Roelant die ghenoten seide dat hi tegen Reinout campen soude ende die genoten des nyet hebben en wouden ende waren daer toernich om. Ende hoe Roelant quam Reinout te velde om tegen hem te campen, mer die genoten benament, dattet niet en geschiede.

Dat XXII capittel. Hoe Roelant Ridtsaert vinc als hi van Sinte Jacobs quam ende hoe hem de coninc woude doen hangen, ende hoe hem Reinout met sinen broeders ende sinen oem Maeldegijs verlosten.

Dat XXIII capittel. Hoe Maeldegijs gevanghen wert ende gebroecht coninc Karel, ende hoe hem coninc Karel hangen woude ende Maeldegijs badt dat hi beide tot des anderen dages, ende hoe Maeldegijs uutbrack ende nam die genoten haer swaerden mede.

Dat XXIIII capittel. Hoe coninc Karel Montalbaen belach ende Reinout daer uut ruymde in een ander casteel, dat die coninc mede beleide. Ende hoe vrou Aya Reinout met sijn broeders soene verwerf tegen coninc Karel.

Dat XXV capittel. Hoe die vier Heemskinderen coninc Karel Beyert presenteerde ende ghavent hem ende hoet dye coninck liet verdrincken, ende hoe Reynout een heremijt wert.

Dat XXVI capittel. Hoe Reinout metter hulpen Gods op die Turcken vacht ende hoe Maeldegijs bi hem quam ende hoe Maeldegijs den soudaen versloech.

Dat XXVII capittel. Hoe Maeldegijs ende Reinout met de kersten Jherusalem beleyden ende Maeldeghijs doot bleef.

Dat XXVIII capittel. Hoe Reinouts soen den camp vacht tegen Galeram ende hem versloech inden crijte.

Dat XXIX capittel. Hoe Reinout opperde an Sinte Pieters kercke te Coelen ende diende den metselaers als van stenen ende calck te dragen, ende hoe hi vermoert wort ende inden Rijn geworpen ende gevonden wert ende hoe sijn lichaem te Dormonde quam op een karre daer gheen paerden an en waren.

Dat XXX capittel. Hoe die bisscop van Coelen coninc Karel ontboet dat Reinouts lichaem ghevonden was binnen Coelen inden Rijn, ende coninc Karel quam te Colen mit een arren moede met groot volc om te wreeken den doot van sinen neve Reynout.

Nawoord I Literaire traditie

2 De tekst

3 De drukker

4 De lezers

5 Overlevering en receptie

6 Literatuurverwijzingen

Aantekeningen

Verantwoording

Bibliografie

Aanwijzingen bij het lezen van Middelnederlands

Verantwoording van de Deltareeks