Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

LXIV.

⁺ 1507. - Copie van iiii s. gr. siaers, up een huus staende inde Rame, bijder Turrepoorte, vallende den xxvi^en in wedemaent.

‘...Eerbare ende wijse Jan vander Venne, overdeken in desen tijt, ende Jacob de Mil, wter name als voochden

+ F^o LXXI v^o.

[p. 75]

ende regierers ter tijt van nu, vanden godshuuse ende hospitale van Sente Jan ende Sente Pauwelse ter Waelbrugghen...vercocht hebben Janne vanden Nieuwenhuus, f^s Pieters, merssenier, een huusekin ende stede staende inde Cominstrate, Lievin Wauters ghehuust an deen zijde ende Michiel Croes an dandere;...om de somme van vier scellinghe groote tsiaers ervelijker losrenten, den penninc zesthiene;...beconterpant...up ziine drie vierendeelen vanden huuse ende stede daer hij inne woent, inde Waystrate over de Vrindachmaert, de weduwe vander Ougstine ghehuust ter eender ziide, ende de weduwe sPapen ter andere....Zo mach hij Jan van Nieuwenhuus de voors. rente lossen ende quiten altijts alst hem belieft, mids overlegghende ghelijke somme van drie ponden vier scelle grooten principaels, in zulker munten als nu cours heeft binnen Ghendt, dats: den Philippus guldenen onlancx ghescleghen van LXXIIII in maerc, te vier scelle twee pene grō; tzelve den Toyzoen te zes grō; ende tVierstael te vier penne allinc grō; of alle anderen penneghen van goude ende zelvere naer advenant, zonder die hoghen te mueghen ofte nederen te moeten ghevene, niet jeghenstaende wat reductie ofte ordinantie andersins daer up ghemaect ende onderhauden mochte wesen...Dit was ghedaen den lesten dach van wedemaent XV^e ende seven..’

(Geteekend:) F. Zrime(?)