Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XXX.

⁺ 1408. - Copie van diveerssche partcheelen van renten...

‘...Jan van Caudenberghe...heeft vercocht...den vooghden van Sente Jans huus...alsulke partcheelen van erveliker renten binnen Ghend gheleghen, als hier naer verclaert staen:...int eerste, acht scelle parisise ende eenen cappoen tsiaers, up thuus ende erve toebe-

+ F^o XLII.

[p. 51]

horende Janne den Duutschen, staende ende ligghende inde Breydelsteghe in de Langhe Munte; item acht scelle acht penne paris. tsiaers, up thuus ende erve dat een loove es met tween woniinghen, in deene wonende, ter tijt van nu, een backere ende in dandere een sceppere, in de Langhe Munte, naest den Pauwinnen steene; item vier ende twintich scelle paris. tsiaers, up thuus ende erve dadtmen eedt inde Zaghe, voor Sente Jans huus anden Haut Briel; item zesse scelle zes penne paris. tsiaers, up twee huuse, deen neffens dandere, ende up derve toebehorende der Jacoppe den Luede, staende ende ligghende voor der Wevershuus; item neghen scelle zeven penne ende eenen alliinc paris. tsiaers, up thuus ende erve toebehorende Gillisse Zoeten, staende ende ligghende voor de Pale ande Meere...Dit was ghedaen den dertiensten dach in laumaent int iaer...dusentich vierhondert ende achte...’

(Geteekend:) Everwyn.