Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XXIII.

⁺ 1385. - Copie van VIII ℔ iiii s. ix d. eenen O paris. tsiaers, besedt up diveersche huusen binnen Ghend....

‘Kenlic zij allen lieden dat der Ghelloet de Pape quam in propren persoone voor scepenen vander Kuere in Ghent ende verkende ende verlijede, wel voorsien ende bedacht siinde van siinen vijf sinnen, dat hij vercocht heeft wel ende redelike meester Jacop den Ruddere, prochipape tsente Michiels, in de name vanden hospitale van Sente Jans huus ter Waelbrugghen ende tvors. hospitaels bouf, achte ponden vier scelle neghen penne eenen alliinc parisise tsiaers, erveliker ende eeuweliker renten, ligghende binnen Ghend ten drien naerghenoomden steden, dats te wetene: VI ℔ tien scelle ende zeven penne paris. tsiaers ande Vischmaerct, up de erve daer thuus ende stede up staet daer Clays vander Zickelen up woent....; item zeventien scelle acht penne alliinc paris. tsiaers, up derve daer thuus ende stede up staet dadt men eedt: den Bosch, over de Veebrugghe, dwelke nu toebehoort Heynricke den Zaghere....; item zestien s. VI d. par. tsiaers inde Drabstrate naest der Bursen, ter Torrepoorte waert an, up de erve daer thuus ende stede up staet dwelke dat toebehoort Janne Teerpenniinghe....Dit was

+ F^o XXXVI.

[p. 45]

ghedaen (als hierboven), den XVII^sten dach van octobre int iaer Ons Heeren alsmen screef dusentich driehondert tachtentich ende vive....’