Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XXI.

⁺ 1875. - Copie hoe her Jan van Vinderhaute, capellaen in dit godshuus, ende de vooghden cochten ieghen Janne Slooven vier pont viii s. par. tsiaers, besedt up diveerssche huusen binnen stede van Ghent......⁽¹⁾

‘Kenlic zij allen lieden dat der Jan van Vinderhaute, priestere, capellaen in Sente Jans huus ter Waelbrug-

+ F^o XXXV.

(1) Op den rand: Gheregistreert inden franciinen slapere, ghecoteert A....De volgende stukken, tot en met n^r XXXI, dragen eene gelijke melding.

[p. 43]

ghen, ende als proviseurs ter selver stede, her Jan vanden Hamme, Heynderic van Dormen ende Jan de Brune, Overbrouc, hebben ghecocht, ter aermer bouf vanden vors. godshuuse, ieghen Janne Slooven, vier pont acht scelle parisise tsiaers erveliker renten, omme cooren jaerlicx mede te coopene ter aermer bouf vors. Welke ervelike rente gheleghen es binnen Ghend, ten diveerschen steden, dats te wetene: de drie pont parisise, Onder Berghin, up derve daer de huusiinghen up staen die wijlen toebehoorden den heere Janne den Hond ende ziinen zusteren, tot bachten up de Leye ute commende, daer de beghiinen plaghen te wonene...; item XIIII scelle parisise up alf derve daer thuus up staet in de Drabstrate up de siide ten Turre waert, dat behoort Janne vanden Broucke...; ende XIIII s. parisise up derve daer thuus up staet in de Drabstrate datmen eedt den Wildeman, daer Heyndric de Zaghere al nu in woent...Dit was aldus ghedaen in scepenen camere, inden ghemeenen hoop van scepenen vander Kuere in Ghend, den XXIII^sten dach van septembre alsmen screef duust driehondert tseventich en vive....’