Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XV^quater.

⁺ 1468. - Copie ende updracht sprekende up desen vors. tsaertre, hoe Jan Braem cochte zes ponden zes scelle paris. ieghen Katheliinen vanden Walle,

+ F^o XXI v^o.

[p. 35]

sgodshuus behouf ende met sgodshuus ghelde, vallende tOnser Vrauwen daghen (sic) in maerte, besedt Sente Pieters-Aelst, up den Vlieghuut.

‘Kenlic zij allen lieden dat uute dien dat Jan Braem Joorissone, ghecocht heeft ieghen Katheliinen vanden Walle, weduwe van Gillis Alauts, zesse ponden zesse schelliinghe paris. tsiaers erfeliker renten...; so eyst dat de voorn. Jan Braem, vooght ende regierere wesende vanden hospitale van Sente Jans ende Sente Pauwels ter Waelbrugghen, commen es voor scepenen vander Kuere in Ghend, kende ende lijdde dat hij de vorn zes ponden zes scelle paris. tsiaers erfeliker reuten ten behouf vanden vors. godshuuse ieghen Katheliinen vanden Walle vors. ghecocht heeft, ende die betaelt metten penniinghen den selven godshuuse toebehorende, hoe wel dat den vorn. chaertre van dien gheen mencioen en maect; ende mids desen so heeft de vors. Jan den vorn. godshuuse de vors. zes ponden zes scelle paris. tsiaers erfelic, wel ende wettelic up ghedreghen ende overghegheven...Dit was ghedaen den derden dach van wedemaent int iaer XIIII^c achte ende tsestich...’

(Geteekend:) P. Rijke.