Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

[p. 22]

X.

⁺ 1345. - Vidimus van eenen chaertre rustende onder den heleghen Gheest van Sente Jans, mencioen makende van xii ℔ par. tsiaers, besedt up diveersche partcheelen van erven ligghende in de prochie van Nasarette ende Sente Denijs; van welcker rente den godshuuse comt jaerlicx achte ende dertich groote ende twee inghelsche...

‘Wij, Hughe vanden Hove, baliu miins heeren sproosts van Sente Pieters, Jacop de Meyere van Maelte, als wettelike maenre miins heeren sproosts vors., Michiel Passavant, Jan Wuelin ende Jan vander Beke, scepenen’ kennen dat ‘joncf. Margriete Parijs, Jacops wijf was van Over twater, haer wettelicke man, met Janne van Quatham, die hem beeden wettelike te voghede ghegheven was in dese sake, kenden ende verlijdden dat sij vercocht hebben wel ende wettelicke Willemme Betten, ser Asschericx Bet sone was, twalef pont parisise tsiaers ervelicker ende eeuelicker renten..., besedt up haer goet dat sij ligghende ende staende hebben inde prochien van Nasarette ende van Sente Denijs...; tgoet twee ende twintich buunre, lettel min of meer.., dats te wetene: up Cleempit, de Wulfbeulc,...de Vijf Buunre,...de Hooghe Asselt, de Neder Asselt, de Moer Crof, tVennekin, den Scilt, de Torfbrouc, terden deel van den Quaden Driessche, terden deel vanden Sprietelscote, tderden deel van den buunre bachten Diedericx van Leyns was,...een ghemet in Lettelbrouc ende al in Scoefmersch; dit lant legher al int scependom van Over Meersch....Dit

+ F^o VI v^o.

[p. 23]

vors. beset goet...droughen de vors. joncf. Mergriete ende Jacop van Over twater, haer man, met haeren wettelicken voghet, up, den heere in handen ende worpens ende ghiinghens hute; ende de heere droucht voort uppe den vors. Willemme Betten ende joncf. Katheliinen, siinen wive, ende eerfdese inde vors. twalef pont paris. tsiaers up tvors. besedte goet; ende Willem Bette endejoncf. Katheliine, zijn wijf, droughen dit vors. goet weder uppe der vors. joncf. Mergrieten ende Jacoppe, haren man, te besittene ende te notene ende te plotene, also langhe als sij wel redene daden vander vors. renten....Dit was ghedaen int jaer Ons Heeren alsmen screef dusentich driehondert vive ende veertich, den anderen dach van maerte....Ende wij, Jacop van Ravescoete, Symoen vander Zickelen, Jacop Bette ende Jan vanden Kerchove, Helich Gheest heeren van Sente Jans, kennen ende lijden dat Katheliine van Lede, Jans weduwe van Woelputte, heeft up desen vors. pant eeuwelic ende ervelicke jaerlicx te renten acht ende dertich groote ende twee inghelsche, up dat de pant een pont groote jaerlicx ghelt, ende gholde hij min dan een pont groote, dat Katheliine vors. min hebben saude naer ghelangde...Dit was ghedaen int iaer Ons Heeren alsmen screef dusentich driehondert vive ende tachtentich, up den twalefsten dach van maerte.’