Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

VIII.

⁺ 1343. - Chaertre van drie pont paris. om mede te coopene een mudde boonen, bewijst up den Steencautere te Velseke, vallende tsente Marien Magdaleenen daghe.

‘Jan Temmer, van Velseke,....heeft vercocht wel ende wettelicke den heere Salemoen vanden Wiingaerde, prochipape te Sente Michiels in de stede van Ghendt, der Janne Brems, priestere, ende den heere Heynricke van der Dormen, alse den testamentuers van Ghijselbrechte vanden Hecke, daer God de ziele af hebben moete, drie

+ F^o IV v^o.

[p. 20]

pont parisise tsiaers, ervelicker renten....ten hospitale behouf van Sente Jans huus evvangelisten ende Sente Pauwels in de stede van Ghend, bij der Waelbrugghen, omme den gouvernuerers vanden vors. hospitale daer mede te coopene een mudde boonen, te deelne den aermen van den vors. hospitale ende diere inne zullen herberghen...Ende dese vors. ervelicke rente tsiaers heeft Jan Temmer vors. besedt, gheassigneert ende bewijst wel ende wettelicke up vive dachwant ende up een alf buunre lands, ligghende in de prochie van Velseke, up de Steincautere...dwelke land men al haudende es van Willemme van Coolem...’ Er is verder besproken dat in geval van achterstel in de betaling ‘so moghen de vors. gouvernuerers daer omme senden, elcke weke eene waerf, toter tijt dat sij vergolden ziin, ende so sal de bode hebben up tvors. bewijs, ouer ziine teere, drie scele paris. sdaechs, also menichwaerf als menre omme comt ofte sendt. Ware ooc dat sake dat de vors rente, achterstellen, costen ende teeren vors. niet vergolden en waren ende deen payment dander achterhaelde, so moghen de gouvernuerers van den vors. hospitale gheven den heere vanden lande twintich scele parisise up tvorseide bewijs; ende mids desen salse de heere vors. moeten doen wettelicke ten vors. lande gheel ende al, alse tharen propren goede, sonder eenich letten ende wederseggen van yemende, behauden aeldinghers rechte....Dit was ghedaen int iaer Ons Heeren doemen screef dusentich drie hondert drie ende veertich, svriendaeghs naer sente Marien Magdaleenen dach....voor Gillis Pandelaert, baliu, Jan de Clerc van Riddershove, Arnout Pandelaert, Arnout vander Laecmeert ende Gheeraert van Gansbeke, scepenen svors. Willems van Coolem....