Een gheestelijck lust hofken

Met schoone lieffelijcke geestelijcke ghesanghen beplant, door eenen Catholijcken pastoor

Die Engelsche groet.

Op de voorgaende wijse.

ICk groet u vol van graci
Sprack d'Engel Gabriel.
Met u tot aller spaci'
Is Godt Emanuel.

Met u, &c.

Want onder alle vrouwen

Zijt ghy ghebenedijt.
Geluckigh die aenschouwen
V glory met jolijt.

Geluckigh, &c.

Gebenedijt moet wesen

Jesus, ws lichaems dracht,
Door hem zijn wy ghenesen
Al wt des Duyvels macht.

Door, &c.

Maria Godes Moeder

Wilt ons ghedachtigh sijn,
Bidt voor ons onsen Hoeder
Nu, en in doodes pijn.

Bidt voor, &c.